Music Picks

29/07/2026

《Once》係我最鍾意嘅其中一套音樂電影，因為歌好，因為無咁商業，因為無格硬大團圓結局，係John Carney至今拍得最好嘅一套。

舊年去Dublin旅行，專登有去男主角Glen Hansard喺戲入面busking嘅地方睇吓。今日碌ig見到佢過咗身，真係可惜，R.I.P. 《Once》嘅歌真係好好。

With broken hearts we announce the passing of Glen Hansard in the early hours of this morning.

We are still dealing with the shock of it all, so we kindly ask that the privacy of Glen’s family, colleagues and friends is respected at this difficult time.
Photo by Mikolaj Rotowski

23/07/2026

第三次睇Bruno Mars，第一次唔喺亞洲睇。常言道「third time is a charm」，若果係真嘅話，咁今次應該係最正嘅。

今次嗰場喺Wembley Stadium。老實講，今晚有audio唔算好，唔係聽得好清，但嗰energy好好，由第一首歌開始，坐位已經變晒企位。

演唱會頭三份二嘅主軸係新碟，同埋早幾年同Silk Sonic合作嗰隻碟。啲歌唔係最熟嘅，但新舊歌夾得埋，retro之中加啲拉丁，又玩吓band sound，就算唔識嘅歌都唔會悶，毋容置疑佢係好熟練嘅表演者（唔知留喺Las Vegas「還債」表演有無令佢更熟練)。

嗰場嘅set up好簡約，伸展台都無，朋友話係咪還完債，而家要搵真銀，所以慳製作，但anyways，嗰燈光效果夜咗之後係靚嘅（London而家九點半先入黑）。

Weekday睇show，喺場入面大合唱，又要跟住跳，完show之後再鬥快走人，到今朝都有啲攰，但係值得睇嘅。而且本尊今次喺日本開咁多場，唔知仲諗唔諗住喺亞洲其他地方再開呢？

— — — — — — — — — —
Facebook: https://www.facebook.com/MusicPicks/
IG: music__picks
threads: [email protected]

21/07/2026

難道是這一日這經歷蠶食心境
潛伏在身體內還未搞清
數千天我 狂哭 失眠 還手震
幾百種治療還未搞得清

— 《悲傷的後勁》 21.07.2026

你從來都不為意，童年經歷的那場葬禮，原來是一道陰影。後來，你十八歲，無預警的手震將你吞噬。你問，你是不是一個再也走不出去的怪人？...

06/07/2026

因為機件同安全問題，鄭秀文啟德演唱會臨時決定延期。佢近幾年嘅演唱會多災多難，今次身體無事，但安全出事，應該唔少人會體諒，因為無人想再見到演唱會有任何意外。希望買咗飛嘅人，過幾日睇答謝會睇得開心。

有片︱
啟德騷因舞台故障延期
Sammi感震驚
僅早一日知悉
再三抱歉 承擔責任
改辦三場答謝會補償
「無理由要觀眾承擔。我唔敢期待所有人理解，我會盡力做好自己應該要做嘅嘢。」

#鄭秀文（Sammi）原定於周五（10日）起，在啟德主場館舉行一連三場演唱會，但由於舞台搭建過程中，發現有重要部件出現故障，為了演出安全及呈現完整的演唱會原有效果，今日宣佈延期。

Sammi僅早一日知悉，收到通知後大感震驚，並對受影響觀眾及歌迷再三表示抱歉。

她說：「臨開騷前收到呢個消息，當然唔好受，當下我係好失望，但我個腦第一件諗到係啲歌迷點算？買咗飛嘅觀眾點呢？好多歌迷特登飛嚟，訂機票、酒店，為咗睇Sammi演唱會花咗好時間、心機、金錢，嗰刻我心急如焚：『我應該點呢？』我第一吓『歌迷點呢？買咗飛嘅觀眾點呢？』」

她即構思補救方案，最終決定在原定演出日期舉行約一個半小時的「答謝會」，以歌會友，盡量減低觀眾的失望與損失。

「既然個場地仍然喺度， Sammi 仲喺度，我仲有Dancers、音樂、我嘅歌、我仲有觀眾嘅時候，我可以諗啲方法令觀眾嘅傷害唔好咁大呢！無論時間、情感、金錢嘅傷害唔好咁大。我知無可能有完美方法，因為每一個觀眾花咗嘅心力、時間都唔同，我點可以將傷害減到最低。所以同公司喺好短嘅時間商量，喺呢三場做『答謝會』，以歌會友，一個半小時。」

【現正積極為「答謝會」綵排】

對於公司決定延期，Sammi表示理解和尊重，認為在安全前提下作出審慎決定是正確的。昨日收到通知後，已即時聯同音樂、排舞、造型、燈光及音響等團隊召開緊急會議，重新構思 rundown 和流程，希望在時間倉猝之下，仍可為觀眾交出一個有誠意的安排。她強調，這不單是「交代」，更是對歌迷的誠意與承擔。

她再三向所有受影響的買票觀眾致歉，表示無論大家付出了多少時間、金錢和心力去撲飛，今次事件都為大家帶來不便和傷害。她承諾，會與團隊盡一切努力做好接下來的「答謝會」。

Sammi現正積極為「答謝會」綵排，並表示：「大家都唔想發生呢件事，但無理由觀眾承擔。我要再講一次，我真係好抱歉、好抱歉，對於買咗任何一場飛嘅觀眾，為你哋做成不便。情感上嗰種痛、嗰種傷害，金錢、時間、心路歷程、為咗撲飛花咗嘅心血，我真係好抱歉。去到呢刻竟然發生呢件事，相當之抱歉，我應承大家喺呢三場答謝會，我同我團隊一定會盡一切努力，希望可以補償大家一啲損失。我唔敢期待所有人理解，我會盡力做好自己應該要做嘅嘢，多謝大家！」

#娛壹

28/06/2026

連續第二日喺London睇演唱會，今次睇Harry Styles。

帶住新碟破紀錄咁一連12晚喺能夠容納9萬人嘅Wembley Stadium開show，成晚演出以中快板歌曲為主，配合together主題，由《Watermelon Sugar》，《As It Was》到最新嘅《Dance No More》，氣氛都超級好。樓下企位有時slow dance，有時跳YMCA類型嘅排舞，坐位就幾乎由頭企到落地。而且Visual effect做得靚，又成日大合唱，睇得開心。

成晚慢歌唔多，但《Sign of the Times》仲係好突出。電影《Project Hail Mary》都攞嚟唱，令到首歌多咗新嘅關注度同層次，今晚唱完放煙花，勁夾。

老實講，真係講唔上係忠粉，只係佢出新碟就會聽，但今次演唱會真係睇得爽。若果下次巡迴會錢合理，都仲有興趣買飛睇。

— — — — — — — — — —
Facebook: https://www.facebook.com/MusicPicks/
IG: music__picks
threads: [email protected]

27/06/2026

喺英國有史以來最熱嘅六月，入場睇Take That。

細細個睇Channel V聽過呢個名，之後因為Robbie Williams知多咗啲，但聽得比較多嘅反而係佢哋reunion之後嘅歌。

今次買飛，其中一個原因係演唱會喺London Stadium舉行，即係佢哋喺倫敦奧運閉幕禮表演嘅地方。我一直記得嗰次演出，而佢哋當日唱嘅就係今次演唱會嘅完場曲《Rule The World》。

住喺London，有錢有時間就會睇啲喺香港睇唔到嘅show，去睇吓細嗰聽過但無睇過嘅歌手演出。我想像唔到Take That幾位uncles會去亞洲演出，就算去都應該見唔到佢哋喺台上面化小丑妝，然後玩單輪單車。幾十歲，應該喺自己家鄉先比較搏命。

— — — — — — — — — —
Facebook: https://www.facebook.com/MusicPicks/
IG: music__picks
threads: [email protected]

16/06/2026

我試過無悔爭取 眼淚就是證據
人類 茁壯過程靠心的雨水
然後 喊過了情節興衰
痛苦變得很瑣碎
又再 捱下去 捱下去
沒有 沉下去 沉下去

— 《淚光萬歲》 16.06.2026

眼淚就如種子，掉一顆就上一課，落在心的中央，會見証人的痛苦與脆弱，會開出快樂與堅強，會令人成為更好的人。正因如此，我從不因哭泣羞恥，...

12/06/2026

你回到當下
面前的問答
交給將來的你吧
關於堅強的對話
忠於本來的你吧

— 《你尚未成為的》 12.06.26

Provided to YouTube by The Orchard Enterprises你尚未成為的 · 何韻詩Rive-...

10/06/2026

第三次睇落日飛車。比以前更加肯定，佢哋係我過去十年最鍾意嘅台灣band。鍾意佢哋嘅歌有輕迷幻感覺，有city pop味道。我唔會話我自己每首都識跟住唱，但vibe好好，好啱飲住酒chill住聽。就算係苦情歌，都覺得有一份浪漫，例如好似新碟嘅呢首《Bluebird》，所以倫敦場演出，用一代渣男/才子徐志摩嘅《再別康橋》完結，係非常出色嘅安排。

上次倫敦睇佢哋，暖場係9m88，今次係雲端司機李權哲。十年八載前去台灣，買落日飛車嘅CD嗰時，都有買李權哲最初嘅專輯。今次買落日飛車送埋雲端司機，我覺得超抵。突然覺得好似返咗去早幾年，未有threads嘅台灣。

— — — — — — — — — —
Facebook: https://www.facebook.com/MusicPicks/
IG: music__picks
threads: [email protected]

09/06/2026

過去幾日喺英國睇咗兩套新戲，其中一套係《我們不是什麼》，感覺係過去一年幾睇嘅港產片之中最實浄嘅戲。

近年主力拍攝大規模合拍片嘅邱禮濤回歸香港市場。借用大陸早年嘅巴士爆炸案，將時空改成現時嘅香港，以男同志嘅經歷描寫弱勢社群，尤其係低下階層面對嘅不公義同掙扎。

故事主軸係同性戀者嘅處境，但淡化咗主旋律近年嘅打壓，將問題來源集中喺極端嘅家庭環境。係有啲失實，但亦可能係上畫嘅妥協。電影描述主角面對失業、欠薪、性侵同其他家庭遭遇，呢類社會問題唔係男同志先會遇到，就算係異性戀都唔會毫無共鳴。同時，劇本透過警員處理唔同案件嘅手法，例如唔俾示威，唔講邊個人投訴，點明市民同警員嘅權力高度不平衡。龍Sir的情節，就反映人才不足，亦突顯建制內部嘅歧視。

成套戲唔係無瑕疵。太多嘢想講，到最後都加入新元素，扯散咗主軸。歧視同性戀係存在，但電影嘅描述有啲過火。AK無尾音嘅倔強演繹我可以理解，但Ansonbean嘅柔情有時未到位。不過，成套戲由內容設定到故事鋪排，係港產片近來罕見嘅有火。巴士案件重組，初初擔心會太長，但慢慢睇到香港嘅眾生相，鋪排得工整。譚耀文嘅鬆容，為呢套戲帶來溫度同諒解，但亦無抹去佢嘅不滿同委屈，令到呢套戲更加立體。而電影雖然係悲劇結局，但最後發現幾個主角各有人關心，無佢哋諗到咁絕望，再連接到主題歌《天𧙗我們》的「誰亦會是誰的天使 / 自愛者都是摩西 只要夠堅持」，係邱禮濤留俾觀眾嘅一份愛。

今日香港，要開戲好難，要開一套有嘢想講嘅更難，暑假期間，大片紛紛上映，要睇一部港產片唔易。趁仲上畫，想睇就快啲睇。

最後，作為由《不需要…完美得可怕！》開始買盧巧音唱片嘅fans，見到廿幾年後有電影用返佢嘅歌做主題曲係有啲感動，要多謝幾個有唱歌嘅主角無爭唱主題曲。盧巧音嘅舊歌其實真係好好。

— — — — — — — — — —
Facebook: https://www.facebook.com/MusicPicks/
IG: music__picks
threads: [email protected]