Theatr Bara Caws

22/06/2026

🎭 Dadra yn dod i’r llwyfan, dyma gyhoeddi'r daith!

Mae Euros newydd ddod yn dad am y tro cyntaf… a gan fod Catrin ei wraig yn ddoctor a bod Euros, wel… ddim, mae o am aros adra i fagu’r bychan. Neis de? Na. Mae magu babi’n waith anodd, diflas ag unig. Ella bod o ddim wedi cael ei wneud ar gyfer y joban yma wedi’r cwbl?

🎭 Cast: Owen Alun, Manon Wilkinson, Melangell Dolma
🎬 Cyfarwyddo: Ffion Dafis
🔞 Canllaw oed: 16+

📅 Dyddiadau’r Daith:

02.08 - 06.08 - Y Stiwdio, Eisteddfod Genedlaethol Cymru
07.09 - Galeri (Caernarfon), Caernarfon
08.09 - Neuadd Cerrigydrudion Menter Iaith Conwy
09.09 - Neuadd Dwyfor, Pwllheli
10.09 - Theatr Derek Williams, Y Bala
11.09 - Theatr Fach Llangefni Llangefni
12.09 - Theatr Twm o’r Nant, Dinbych
14.09 - Neuadd Ogwen, Bethesda, Bethesda
15.09 - Theatr Felinfach
16.09 - Neuadd San Pedr, Caerfyrddin Menter Gorllewin Sir Gar
17.09 - Pontardawe Arts Centre
18.09 - YMa, Pontypridd
19.09 - Llanover Hall Arts - Neuadd Llanofer, Caerdydd

🎟️ Tocynnau ar gael o theatrbaracaws.co.uk

19/06/2026

Hoffai Bwrdd a Thîm Rheoli Theatr Bara Caws estyn diolch diffuant i Chris a Mair wrth iddynt gamu i lawr o'u rolau fel aelodau'r Bwrdd 🌟

Ymunodd Chris â'r Bwrdd ym mis Tachwedd 2024 ac rydym yn ddiolchgar iawn am ei gyfraniad, ei ymrwymiad a'i gefnogaeth i waith y cwmni yn ystod y cyfnod hwnnw.

Bu Mair yn aelod o'r Bwrdd ers mis Gorffennaf 2018, gan roi blynyddoedd o wasanaeth gwerthfawr i'r cwmni gan fod yn Is-Gadeirydd ers Tachwedd 2025. Drwy ei hymroddiad, ei phrofiad a'i chefnogaeth ddiysgog, mae wedi gwneud cyfraniad sylweddol i ddatblygiad a llwyddiant Theatr Bara Caws dros nifer o flynyddoedd.

Ar ran pawb sy'n gysylltiedig â'r cwmni, diolchwn yn gynnes i'r ddau am eu hamser, eu hegni a'u hymrwymiad. Dymunwn bob llwyddiant a hapusrwydd iddynt yn y dyfodol.

Diolch yn fawr Chris a Mair 🎭

18/06/2026

Cyhoeddiad hyfryd gan 📣 Hi a fydd gyda ni ar gyfer Sgrysia’ Soffa Goch #5.

Ymunwch gyda ni wythnos i heno - 25.06 | 20:00 | Instagram Live 📺

16/06/2026

Ar wythnos anableddau dysgu dyma Mari yn mynd draw i Antur Waunfawr i ddatgelu’r newyddion cyffrous bod Halibalŵ yn ei ôl am dymor arall o hwyl🎉

Mae Halibalŵ yn gynllun drama gynhwysol sy’n grymuso pobl ag anableddau dysgu drwy greadigrwydd, gan feithrin hyder, lles a sgiliau cymdeithasol mewn amgylchedd hwyliog a chefnogol.

Mwy o wybodaeth am Halibalŵ i ddilyn yn fuan iawn...👀

Diolch i gronfa Celfyddydau, Iechyd a Lles rhaglen y loteri Cyngor Celfyddydau Cymru | Arts Council of Wales am y gefnogaeth ariannol.

12/06/2026

Llongyfarchiadau enfawr i Ben Gregory, aelod o’n Bwrdd, ar gael ei enwebu am wobr Filmmaking Champion yn Into Film Awards ✨🎬

Mae dy waith gyda Chlwb Ffilm Dyffryn Nantlle wedi ysbrydoli cenhedlaeth o wneuthurwr ffilmiau ifanc ac mae’r enwebiad yma’n dyst i dy ymroddiad diflino dros greadigrwydd yn y fro.

Pob lwc i ti yn Llundain Ben🌟

Ben Gregory from Gwynedd has been nominated for the Filmmaking Champion award at the UK's Into Film Awards for his inspiring work with young filmmakers.

12/06/2026

Beth sy’n digwydd pan fydd grŵp o ferched yn dod at ei gilydd i sgwennu am fynd yn hŷn? 🌟

Dewch i glywed y canlyniad yn fyw yn Nolgellau wrth i griw gweithdy ysgrifennu creadigol Bara Caws, Codi Llais, rannu’u straeon llawn hiwmor, doethineb a gonestrwydd.

📍 Ty Siamas, Dolgellau
📅 27 Mehefin
⏰ 7.00 y.h
🎟 £10.00

Noson unigryw sy’n dathlu llais, profiad a chreadigrwydd. Dewch draw!

https://linktr.ee/theatrbaracaws

10/06/2026

💫 A dyna ni mae Ar Geinioga' wedi dod i ben. Diolch o galon i bawb am ymuno gyda ni ar hyd y daith ac i'r lleoliadau anhygoel am ein cynnal ni. Dyma gipolwg ar bwy oedd yn gweithio ar y cynhyrchiad;

🎭 Actor - Llion Williams
🎭 Cyfarwyddo - Betsan Llwyd
🎭 Awdur - Dr Manon Wyn Williams
🎭 Dylunydd Set - Emyr Morris-Jones
🎭 Sain - Berwyn Morris Jones
🎭 Dylunydd Gwisg - Lois Prys
🎭 Goleuo - Carwyn Williams

Diolch 🫶

09/06/2026

🎭 Halibalŵ - lle mae creadigrwydd yn dod yn lais!

Ymunwch â chynllun drama cynhwysol sy’n grymuso pobl ag anableddau dysgu drwy greadigrwydd, gan feithrin hyder, lles a sgiliau cymdeithasol mewn amgylchedd hwyliog a chefnogol.

📅 Mae’r prosiect yn rhedeg o fis Medi 2026 hyd Ebrill 2027 gyda sesiynau wythnosol dan arweiniad ymarferwyr creadigol proffesiynol.

✨ Sesiwn flasu: Dydd Llun 15 Mehefin
📍 Canolfan Porthmadog
⏰ 18:00 - 20:00

Oedran 18+

I gofrestru a sicrhau eich lle, cysylltwch â Mari Emlyn, cyn diwedd y dydd Dydd Gwener 12 Mehefin 📧 [email protected]

Diolch i gronfa Celfyddydau, Iechyd a Lles rhaglen y loteri Cyngor Celfyddydau Cymru | Arts Council of Wales am y gefnogaeth ariannol.

Llwybrau Llesiant