02/06/2026
Diolch o galon i bawb a gefnogodd Gŵyl Hongian ar ei hymweliad cyntaf â Bethesda.
Roedd hi'n braf iawn dod â Hongian yn ôl i Fethesda man geni'r prosiect gwreiddiol, a ddatblygwyd mewn partneriaeth â Bro Ffestiniog 11 mlynedd yn ôl.
Diolch enfawr i'r tîm cyfan o drefnwyr sy'n gwirfoddoli ac yn rhoi cymaint o'u hamser a'u hegni i'r ŵyl.
I'n partneriaid lleol, Urdd Gobaith Cymru, Neuadd Ogwen, Partneriaeth Awyr Agored, yr Ymddiriedolaeth Genedlaethol a Phartneriaeth Ogwen.
I Carrie a'i thîm yn Llaethdy Bethesda am groesawu Basecamp Hongian a gofalu mor dda amdanom ni drwy'r penwythnos.
I Gruff, Gwynfor a Dafydd Rhys am ganiatáu i ni ddefnyddio'r enw Pesda Roc.
I'n holl arweinwyr awyr agored am wneud hyn oll yn bosibl.
I'r artistiaid, y siaradwyr ac, wrth gwrs, bawb a ddaeth i gymryd rhan o'r ieuengaf i'r hynaf, a'r holl rieni, modrybedd, ewythrod, neiniau a theidiau.
Diolch, diolch, diolch
Mae'r ŵyl drosodd am flwyddyn arall, ond mae'r teimlad yn gryfach nag erioed fod rhywbeth arbennig iawn yn digwydd.
Cadwch lygad ar y lle.
