25/08/2021
الناس اللي هتلعب الفانتازي أول مرة وأنا منهم 😂
1-معاك 100 مليون استرليني تشتري بيهم 15 لاعب
2 حارس 5 دفاع 5 نص 3 هجوم
2-طبعا 11 أساسيين و4 احتياطي
ولا يتم حساب عدد نقاط الاحتياطي (إلا لو واحد من الأساسيين ملعبش واحد ينزل من نفس مركزه)
3-أقل حاجة ف الدفاع 3 النص 2 الهجوم 1
4-مينفعش تختار أكتر من 3 لاعيبة من فريق واحد
5-يتم مضاعفة نقاط الكابتن كل جولة (لو ملعبش المضاعفة بتروح لنائب الكابتن اللي أنت بتختاره)
6-ليك تبديل واحد مجاني بعد كل جولة وأي تبديل إضافي بتاخد مينص 4 عليه
7-ليك إنك ترحل التغيير المجاني لجولة واحدة فقط لتمتلك تغييرين ف الجولة اللي بعدها
تعالي بقا لشوية مميزات حلوة
-تريبل كابتن: ودي بيتم فيها تربلة نقاط الكابتن (يعني عدد نقاط الكابتن في 3 )
وبتكون مرة واحدة ف الموسم
-وايلد كارد: تغيير أي عدد من اللاعيبة دون خصم (ممكن تغير الفرقة كلها)
وبتكون مرتين ف الموسم بمعدل مرة كل دور
- بنش بوست:احتساب عدد النقاط بما في ذلك نقاط الدكة
وبتكون مرة واحدة ف الموسم
-فري هيت: تغيير اي عدد من التغييرات بس لجولة واحدة بس وبعدها يعود فريقك القديم مرة تانية ودي بتكون مرة واحدة بس (خلي بالك لو فعلتها بالغلط مينفعش ترجع فيها تاني
استني رايح فين (انواع الدوريات)
-كلاسيك:وده العادي اللي شغال بالنقط وممكن تدخل مجموعة خاصة أو عامة كمان
(مسموحلك ب 25 خاصة و5 عامة)
-الهيد تو هيد: كل جولة بتلاعب واحد من الدوري اللعبة هي اللي بتختاره
لو كسبت بتاخد 3نقط خسرت 0 اتعادلت 1
واخيرا البونص: نقاط تعطي لأفضل 3 لاعيبة ف كل مباراة بناءا ع تقييم BPS
ودي طريقة حساب النقط (متخفش اللعبة هي اللي بتحسبها