Silent Echoes

19/09/2025

✨ Discover the Charm of Glencoe's Wee White House
Nestled beneath the towering Buachaille Etive Mòr, Lagangarbh Hut affectionately known as the "Wee White House" stands as a picturesque symbol of Scotland's rugged beauty. Originally a crofting home, this iconic white cottage has evolved into a beloved spot for hikers and photographers alike.

📸 Why Visit?
Iconic Views: Capture stunning photos with the hut framed by the dramatic mountain backdrop.
Rich History: Once a crofting home, now a bunkhouse managed by the Scottish Mountaineering Club.

Accessible Location: Easily reachable via the A82 road; parking available nearby.

🌄 Whether you're an avid photographer or simply seeking a scenic stop, Lagangarbh Hut offers a glimpse into Scotland's natural and cultural heritage.

30/08/2023

තමනට හුරුපුරුදු වූ වටාපිටාවෙන් වෙන්ව වෙනත් ම දේශයකට සංක්‍රමණය වීම ඉතා ලෙහෙසි කටයුත්තක් නොවයි.මහා විශාල හරිත වන ධාරා වලින් වටවූ මනරම් ගල් බිත්ති නිවාස සැඩ සුළඟට මෙන්ම සීත කාලය පුරාවටම ලබාදුන්නේ දැඩි උණුසුමකි.වසන්තය තුළ විකසිත වූ කුසුම් ටිකෙන් ටික ගිම්හානය හා තරග කිරීමට උත්සුක වෙමින් සිටිත්.වසන්තය පසුකොට පියඹා යන බිඟුරැල ටිකෙන් ටික තම වාසස්ථානය සවි කර ගැනීමට පෙලඹෙන්නේ එළඹෙන ශීත සෘතුවට ශක්තිමත්ව මුහුණ දීමට බලාපොරොත්තුවෙන් විය යුතුය. බැටලු රංචුවට දැන් සැහැල්ලුවෙන් එහෙ මෙහෙ දුව පැන නැටිය හැකිය. ශරීරය පුරාම වැවීගිය ගිය ලෝම කූප ගොවිපල නඩත්තු කරුවන් ඉවත් කර ඇත.ශීත සෘතු වලට මුහුණ පෑ දියකඩිති තම නිදහස භුක්ති විදිමින් සිටිත්.ගංගාවල මත්ස්‍ය න් එහේ මෙහේ පීන යති.හංසයිනට මෙන්ම තාරාවන්ටද ඉසිඹුවක් නැති හැඩකි.රංචු පිටින් තම පැටවුන් රැගෙන තාරා අම්මා ද පොකුණු වෙත ඇදෙයි.ඇති කැලෑබෙරි වලින් පිරී ඉතිරී යන අගෝස්තු මාසය සියලු ස්කොට්ලන්ත වැසියන්ට ලබා දුන්නේ මහත් ප්‍රීතියකි. කෙලිලොල්ව දුවපැන ඇවිදීමට ඔවුන්ට මෙම ර්තුව දෙවියන් විසින් ලබාදුන් තයාගයක් බඳුය . වීදි පාළු නැත.ඒවා නිරතුරු ජනයාගෙන් පිරී පවතියි.විවිධ සැනකෙලි දස අතය. වීථි පුරා රාත්‍රී පහන් ආලෝකය.සවස් වන විට බොහෝ දෙනා අවන්හල්වල කෝපි කෝප්පයක් රස විදීමට බීර වීදුරුවක් තොල ගෑමට සූදානමින් සිටිති.විටින් විට වැටෙන හිරිපොද වැස්ස ය .වැස්සට පාන් සුවඳ නාස් පුඩු වලට දැනෙනවා වැඩිය ඒ දරාගෙන තවමත් ගමන් කිරීමට අපහසුය .එය නිරතුරුවම අතීතය ගන්වන්නකි.වෙන දා මෙන් නොව බස්රථ ගමන් වාර ගනන වැඩිය .දරුවන්ගේ පාසල් වාර නිවාඩු දී ඇත්තේය.බොහෝ දෙනා සතුටින් එළිමහනේ මස් කැබැල්ලක් බඩ ඉරිඟු කරල පුළුස්සා කෑමට පුරුදුව සිටිති .නිවෙස්වල අභ්‍යන්තරයට වඩා අවට උණුසුම වැඩිය. සිත නිවී සැනසෙන දසුන් ද බහුලය .සීත ඉර්තුවේ ලෝගු වලින් පිරී ගිය මිනිසුන් දැන් අතුරුදහන්ය .ඒ වෙනුවට සැහැල්ලු ඇදුමින් යුතු මිනිසුන් එමටය.මිනිසුන් සුපුරුදු ව්‍යායාම්වල නිරත වනු පෙනෙයි .ඔවුන් එකා පසුපස එකා පෝලිමට සිටමින් බස්රථ පැමිණෙන තුරු පිලිවෙලට මඟ බලාගෙන සිටී. ඒ ජීවිතය තුළ වඩාත් කාර්ය බහුල සති අන්ත ලෙහෙසියෙන් නොවුනත් විඩාවකින් තොරව පසුකර යෑමට මම මඟ බලා සිටිමි .කෙසේ හෝ දිනුම ලබා ගැනීමට වඩා මේ මොහොතේ ජීවිතයේ දිනාගැනීම අගනේ යැයි විටෙක මට සිතෙයි .රෝස මලට වඩා මිනිසුන් අගෝස්තු මාසය වන විට සූරියකාන්ත මලට දැඩිව ආදරය කිරීමට පුරුදුව ඇත .සුපිරි වෙළෙඳ සැල්වල මල් පොකුරු අතින් නොගත් මිනිසකු නැති තරම්ය ඒ සියලු මල් පොකුරු තම බිරින්දෑවරුන් උදෙසා ය.වයසින් වැඩිමහලූ වූවත් ඔව්හු තාමත් කුලුදුල් ආදරවන්තයින් සේ ජීවිතය ගෙවා දමති.මෙහි ජීවිතය සොදුරු ය. නමුදු හරි පාලුය.ඊටත් වඩා මහන්සිය.අම්මා මතක් වෙන වාර අනන්තය.
සෞ
ScoMemories❤️🤍

11/02/2021

මේ බෝ ගහට කතාකරන්න පුලුවන් වුනානම් මහහුගක් දේ මං ගැන කියයි කියලා හිතුනා. නෑ අපි ගැන.මායි තාත්තායි ගැන.අවුරුදුම දෙකක් නෑ ඊට වැඩී දෙක හමාරක් තුනක් වගේ .. මහපාන්දර සීතලට🤧 ගැහි ගැහී කුරුණෑගල පන්ති යන්න බස් එක අල්ලන්න ආව හැටි.කිලෝමීටරම 06 ක් මහවැස්සෙ ☔පරණ බයික් එකේ මාව නොතමා තාත්තා "මට කුඩේ එපා ඔයා ඉහල ගන්න" කියපු හැටි.මහරෑ වෙනකල්ම වැඩකරපු තාත්තා මහන්සිය නොබලාම පාන්දර 4ට ඇහැරුනු හැටි. අම්මා එක දවසක්වත් නොවරදවා පාන්දර 03 නැගිටලා මට කෑම👩‍🍳 උයපු හැටි.ඒ එනගමන් අදටත් මතක මෙන්න මේ වගේ කතා කියපු හැටි. "මේ බයික් එකට පුලුවන් නම් කියයි එක වසරේ ඉදන් ඔයාව මං දාන් ගියා අනේ පියූ එක පාරින් AL පාස් වෙන්න. ඔයාව අවුරුදු 13ක් දාන් ගියා දැන් නම් හොදටම ඇති" . සමහර දාට පාරේ වලවල් වල වැටිලා බයික් එකේ දන්වැල පැනලා මග නතර වෙන හැටි.(පාර කාපට් නෑ ඒ කාලේ)කොලඹ බස් නවත්තන්නෙ නැතුව දාල ගිය හැටි.මාදම්පේ බස් මිටි නිසා නැවිලා🚌 අමාරුවෙන් ගිය හැටි.බෝගහේ උඩ එන්න වවුලු රෑන් 🦇️ඇදුමට ජරා කරපු හැටි.එතකොට දුක😥 හිතුනු හැටි.පාන්දර ම වීල් එකක එන අන්කල් කෙනෙක් බෝදිය ලග මල් 🌸ආසනේ අස් කරලා මල් තියලා වදින හැටි.හංදියේ ඉන්න ට්‍රැෆික් අන්කල්ලා👩‍✈️ හෙල්මට් නැති අය අල්ලන හැටි.පාරේ යන බස් කියලා හිතලා වැරදිලා ස්ටාෆ් බස් වලට නැගලා ආයේ බහින හැටි.උදේම පුච්චන පාන් වල සුවද දැනෙන හැටි.පන්සලේ පිරිත් කියන හැටි.කුරුණෑගල යන්න එන එක එක ලමයි එක්ක කතාකරපු හැටි.හංදියේ කඩපේලයේ කව්දෝ වයසක මනුස්සයෙක් හැමදාම සීතලට ගුලිවෙලා නිදන් ඉන්න හැටි.අමතක නොවෙන මතක ගොඩගහපු දුශ්කර වුනත් තවත් එක ලස්සනම කාලයක් හරි ඉක්මනට ගෙවිලා ගිය හැටි.මං වෙනුවෙන් ඒ දෙන්න එදත් අදත් තවත් දුක් විදින හැටි. අම්මයි තාත්තයි 👨‍👨‍👧‍👦❤️
සෞභාග්‍යයා ❤️
ජායාරූපය : උපුටාගත්තකි.

24/08/2020

වෙලක හවසක්

වෙරල අයිනට වෙලා ඒ හැන්දෑව ගැන ගොඩක් කවි ලියලා තිබ්බා.ඒත් ඒ කවි වලට වඩා , මේ මහපොලොවෙ පය ගහලා ඉන්න කට්ටක් කන මිනිස්සු වෙලක හැන්දෑවෙදි අපිට හමුවුනා.
නිල් පාටින් ඇදගෙන හරි උජාරුවට ගිය නිල් පාට වලාකුළු දැන් හරියට දම්පාටයි, අලු පාටයි මික්ස් වෙච්ච තැබිලි පාටක් වෙලා. ගොයම් කපලා ඉවරවෙනකල් බලන් ඉදලා,අගෝස්තු වෙනකොට කුඹුරට බහින ගවරංචු අදත් බඩ පිරෙන්නම හොදහැටියටම කාලා.කොච්චර කෑවත් අම්මගෙන් කිරිටිකක් බොන්න පුංචි පැටව් ටිකට හැන්දෑ වෙනකොට ඉවසුම් නෑ.කපලා ඉතුරු වුනු ගොයම් ඉපිලි අතරේ වී කුරුල්ලො තරගෙට වී අහුලනවා.ඒ අතරෙ වෙලට එන බලුතඩියෝ ඒ ඉපනැලි අතරේ තරගෙට වසු පැටව් එක්ක දුවනවා. පුංචි කොල්ලො කුරුට්ටො උදේ ඉදන් මහන්සිවෙලා හදපු සරුංගල් පුංචිම තිතක් වෙනකල් අහස උඩඩම යවනවා.වෙල අයිනෙම තියෙන බක් මී ගහේ කහම කහ පාටට හැදුන මල් එකක් වත් දැන් පේන්න නෑ..ඒත් ඉතිරි වුනු ගෙඩි කන්න ආපු කුරුල්ලො රංචු පිටින් ඒ ගහේ කෑ ගහනවා.හැන්දාවෙ හය කියන්නේ වෙලේ තියෙන වඩාත්ම කාර්‍ය බහුලම වෙලාව.පුංචිම පුංචිකාලේ දැක්කට වඩා ඒ පාරවල්, ගෙවල් දොරවල් වෙනස් වුනාට ,ඒ මිනිස්සු ඒ ඇල පාර , ගමේ මිනිස්සු විදින දුක් ගැහැට දශමයක්වත් වෙනස් වෙලා නෑ.දණක් උසට තියෙනෙ කැලේ මැද්දෙන් ගිහින් ගොඩක් ගමේ මිනිස්සු ගවයො දක්කන්නෙ ගාල් කරන්න.කාටවත් කරදරයක් නොකර ගවරංචුවෙන් ගන්න කිරි ටිකෙන් අපේ ගමේ ගොඩක් පවුල් ජීවිතේ ගැට ගහගන්න උත්සාහ කරනවා.අගෝස්තු පෑවිල්ලට කුඹුරු අයිනෙන් ගලන දොල පාර හොදටම වේලිලා ගිහින්.සත්තුන්ට බොන්න වතුරත් අඩුයි.ඒ නිසාම ගාලට යන්න කලින් ගවරංචුවම එක හැල්මේ දුවන්නෙ වතුර තියෙන කඩිත්තක් හොයාගෙන.ඇහෙන් දකිනතරම් කවියො කවි ලියන තරම් ජීවිතේ සුන්දර නෑ කියලා හිතෙන්නෙ මෙන්න මේ වගේ වෙලාවට.උදේ ඉදන් ගව රංචුව තැනින් තැනින් ගාල් කරලා කෑම කන්න සලස්වලා සමහර වෙලාවට ඒ පැටව් ඒ කිරි සේරම හවස් වරුවට බීලා දානවා..එතකොට ඒ කිරිගොවියාගේ දවසේ මහන්සිය,ගාන ඉවරෙටම ඉවරයි.ගොඩක් කුඹුරු අස්වද්දලා තිබ්බත් වතුර නැතුව, ලෙඩ රෝග නිසා ගොඩක් අස්වනු මේ පාර සාර්ථක නෑ.පුංචි කූඹි ගුලක කූඹිරැලක් වගේ ගමේ ගැමෝම හවස් වෙද්දි වෙලට ආවම දකින්න පුලුවන්.පෑවිල්ලත් එක්ක වෙලේ රජ කරන නයි හාමිගේ අලුත් පැටව් ගැන ගොඩක් අය මේ ටිකේ කතාව.ඒ වගේ අයගෙනුත් පරිස්සම්වෙලා ගවරංචු එක්ක තරගෙට දුවන අම්මලාට, තාත්තලාට කොච්චර නම් දේවල් කියන්න ඇද්ද..ඒ ජීවිත ඇතුලෙ කොච්චර දුක්ගැහැට ඇදිද ? කවියෙක ගැලපුනු පද පේලියක , ජීවිතය ගැන උගතුන් කියන කතාවක ගැබ් වුනු දේට වඩා ඇත්තට ඒ ජීවිත වල කොයිතරම් නම් කටෝර මතක රජ කරනවා ඇතිද ?

ගොඩක් කවි ලියවුනේ මේ වගේ අහස් යට
ඉර එලිය ඇස්කොනෙන් වහන්වෙන සැදෑවල
හම්බකල හැමසතේ මටම දුන් වතාවල
ජීවිතේ තිබුනේම අම්මාගේ දෑස අග

සෞභාග්‍යා ❤️

11/12/2019

සීත රෑ අද පාලුවක් නෑ
දරුවනුත් ඇති නිදිමතේ
කලාඋලෙලට බරට වැඩ ඇති
උන්ගෙ හඩ පාලුව මැකේ

පාලු කපනට මීදුමක් විත්
වදින විට වියපත් ගතේ
තුරුලු වී සිටි පැටව් සිහිවෙයි
අදුර යන තුරු හිත්කොනේ

සීතලේ වෙව්ලනම ටොමියට
මගේ දුක හොදහැටි දැනේ
නොකෙරුවොත් මා වැඩමුරය රෑ
උබ වගෙම උන් හාමතේ

ලැබුනු වරමින් සරසවිය වෙත
පියමැන්න නුබලා වගේ
මගේ ලොකු දෝනිටත්
වැඩ ඇති මේ කාශ්ටක මැදියමේ

නොකෙරුවොත් මම රාජකාරිය
මහපොලත් නැති ඈ අතේ
සතේනැතිවෙයි ගෙදර එන්නට
පහුකරන් උඩු දුම්බරේ

ඇවිද ගන්නට බැරිව එකතැන
මව් නුබේ සෝකෙන් තැවේ
නුහුරු නෑ මට හමන මීදුම
කටුක බව විදි ජීවිතේ

නින්ද ඇවිදින් මගේ සිහිනය
නුබේ දෙපාමුල තැබු වෙලේ
නිදන්නට බැහැ රැකිය යුතු මය
නුබ වැනිම දරු මේ බිමේ

තවත් බෝකල් නොමැති වෙයි මට
විදින්නට දුක් මේ ලෙසේ
දුවේ දිනපන් ජීවිතේ නුබ
දිනුම අත ලග හෙට දිනේ..

සෞභාග්‍යා❤️

30/10/2019

අයිතියක් නොකියාම
අදටමත් මග බලන
පොලොව දුර බව දැනත්
තව තවත් ඉකිබිදින
සාවුන්ට අයිති වුන
නුඹ ගැබට නොලියවෙන
බොහෝ පෙම්කතා ඇත
වලාපෙල මත සරන
සෞභාග්‍යා❤️

25/09/2019

04/08/2019

බලාපොරොත්තු
නොවිය හැකි තැන
තනිවම ගෙවා
එකතුකල
හුස්මපොද
වාතලය පමනක් ම
තුටින් බාරගත් බව
නිහඩ කම
යලි යලිත් පසක්
කල වග නම්..

සෞභාග්‍යා ♥️

03/08/2019

හදවත ♥️

නවතින සීමාව එනකල්
එකදිගට
දුර ගමන් යන
හොදටෝම
හති වැටුනජීවිතය
නුබය..

සෞභාග්‍යා