18/03/2026
Zanpantzar salbatu dugu!
Aurten, Itzulik, Hiriburuko elkarte eta eskolekin batera, ihauterietan parte hartu du, eta han ez bazineten... ze pena! Memento historiko bat bizitu dugu!
Igande eguzkitsu batez, epailea ta prokuradorea Biltokiko balkoian agertu ziren dolamenak entzuteko prest. Baina Udaberriko mezularia falta zen, Hartza! Joaldunei eta publiko ugariari esker, loti handia iratzarri zen! Desfilea hasi zen, baina Lizagako parke aitzinean, Hartza harrotu eta desagertu zen... Zurrumurruek diote herensugearekin biziki lagun egin dela... Baina hau beste istorio bat izanen da... Itzuli gaitezen ihauterietara.
Errudun gisa, Zanpantzar izeneko hezle gaixoa preso hartu zuten epaitzeko helburuarekin. Plaza Berrin jakin zen, Hartza gabe, udaberria ez zela etorriko. Beharrik, Leinuak Zur errituak dantzatu zituen: eskalapoien soinuari esker, udaberriak lehen keinuak erakutsi zituen! Haatik, justiziak oraindik lana zuen: Zanpantzarren epaiketa! Zirtzil asanbladak manifa handia antolatu zuen, auzia boikotatzeko eta txistuak lagunduriko dantza misteriotsu bati esker justizia lokartu zuten. Zanpantzarrek aukera baliatu zuen motoz eskapatzeko... eta iratzartzean Zirtzilek, plazan zen panpina erakutsi zioten Epaileari sinestarazteko egiazko Zanpantzar zela. Sinetsi ala ez, biziki fite erre zuten, baina guk erraten ahal dugu... Hiriburuko zirtzilek Zanpantzar salbatu dutela!
Milesker parte hartu duzuen guziei
Epaile ta prokuradore magistralak: Naia ta Ael
Zanpantzar ta hartz bikote ahanztezina: Thomas ta Arthur
Segurtasun talde arduradunak: Eva, Clément ta Kattin
Zanpantzar faltsuaren egilea: Arantxa ta Baste Quietako ikasleak
Zirtzil entrenatzaile sutsua: Joana, Arantxa, David ta Ael
Zanpantzarren eskapatzeko andamioa: Peinture Cazaux
Udaberriaren laguntzaileak: Roger, Charlotte, Leinua Konpainia eta Joalduna
Eta orokorki zuen lana ta konfiantxagatik, APE guziak, Hiriburuko Uhaina, Les Joyeux, Hiriburuko Herriko Etxea, Elkargoa
Argazkiak: Nadine Larrandaburu, Philippe Jasseaume, Marie Sallaberry
Maintenant que nous avons des preuves visuelles, nous pouvons le raconter, au Carnaval d'Hiriburu, il s'est passé quelque chose d'incroyable. Une assemblée de Zirtzil est venu boycotter le procès et a tout simplement sauvé Zanpantzar ! Un travail collectif et exigeant qui a permis aux enfants (et aux adultes) de se retrouver à Plaza Berri pour honorer l'arriver du printemps, faire la fête toutes et tous ensemble, et quelle joie! Juste, faites attention, l'Ours a disparu, la dernière fois qu'on l'a aperçu, il était dans le parc de Lizaga, près du dragon.
To be continued...
