* أنا محمد حسام تخصصي مهندس معماري خريج 2009 ..... بحب السفر و التصوير و الإخراج و الموسيقى , حب وعشق السفر عندي من زماااااااان و كبر الشغف ده مع دراستي للعمارة , بعد تخرجي قررت إني أبدأ على قد ما أقدر أسافر وأكتشف العالم و بدأت بتركيا ثم أوروبا و بعد كده أسيا و هكذا و لفيت العديد من البلاد و المدن المختلفة .
🏛 بالنسبة لـ Architect بحكم هوايتي و تخصصي كمعماري فأكثر حاجة تلفت نظري في السفرهي المباني و التصميمات المعمارية و الأعمال الفنية و إزاي ممكن مجرد فاصل بين بلدين أو كمان مدينتين يفرق كتير في أشكال مبانيها ......
و مع كتير من السفر لبلاد مختلفة و مدن جديدة و تصوير كتييييييييير أصبح عندي مكتبة صور و فيديوهات كبيرة للسفرعامة و معمارية خاصة فقررت إني انشأ صفحة خاصة بالعمارة و السفر وانزل عليها الصور و الفيديوهات و كمان مع معلومات على قد ما اقدرعن الأماكن و المباني و التصميم و تاريخ العمارة .
🎵وبالنسبة لـ Music من أكثر الحاجات الممتعة بالنسبة لي في أي سفر هو سماع الموسيقى و خاصة لو ليها علاقة بروح المكان او ثقافة البلد .... و هنا في الصفحة هنزل كل فترة فيديوهات من إخراجي عن السفر و المدن تعبر عن روح و إحساس المدن المختلفة و أحيانا ممكن أتكلم و أكتب عن الموسيقى نفسها .
🌍 الهدف من الصفحة انها تبقى موسوعة مصورة للعمارة حول العالم والإهتمام فيها مش بس بالمباني الشهيرة بل ممكن بأماكن محدش بيتكلم عنها أو بيصورها لكنها في منتهى الجمال .
و كمان ديما هيكون في مقالات و فيديوهات عن السفر و العمارة و الموسيقى .
يارب تعجبكم و تفيدكم و تمتعكم ..... تابعوني وإعملو الصفحة See first عشان يوصلكم كل جديد أنزله ..... شكرا 😍
فلورنسا , إيطاليا 30.10.2017
