https://www.facebook.com/212334455289374/

Portal FPV, Marrakesh (2026)

27/09/2026

إنا لله وإنا إليه راجعون 💔🤲

بقلوب مؤمنة بقضاء الله وقدره، تلقينا خبر وفاة الشابة الخلوقة "غيثة البراد" القيادية في تحالف اليسار وعضوة مجلس مدينة وجدة، اللي غادرتنا إلى دار البقاء..

شابة كانت معروفة بأخلاقها العالية ونضالها وحبها لمدينتها..

بهاد المناسبة الأليمة كنتقدمو بأحر التعازي والمواساة لجميع أفراد عائلتها ومعارفها وأصدقائها في الحزب..

اللهم ارحمها واغفر لها واجعل قبرها روضة من رياض الجنة، اللهم ارزق أهلها الصبر والسلوان..

دعواتكم معها بالرحمة والمغفرة.. الدوام لله

#وجدة #تعزية

27/09/2026

فوزي لقجع يقبل يد جلالة الملك محمد السادس حفظه الله 🙏🇲🇦

لقطة فيها كل معاني الاحترام والتقدير والولاء للعرش المجيد..

رجل خدم البلاد فالكواليس، رجل ديال المعقول، ناجح فالكرة وناجح فالمالية وناجح فتدبير شؤون البلاد..

ماشي غريب الناس كتقول "يستاهل يكون رئيس الحكومة" 🇲🇦

حيث المغرب محتاج رجال بحالو.. رجال كيخدمو بلا ضجيج و النتائج كتهضر عليهم

الله يحفظ ملكنا و يطول فعمرو و الله يحفظ رجال الوطن المخلصين ❤️

واش تتافقو أنه يستاهل رئاسة الحكومة؟

#المغرب #المغاربة

26/09/2026

واش غير العيناوي اللي مكتاب عليه يتقطع ليه التوني؟! 🤔

أخي المواطن أختي المواطنة باش تعرفو الحقيقة..

شركة PUMA قالت أنها صنعت هاد التونيات بتقنية جديدة خفيفة بزاف، ولكن اعترفات براسها أن دفعة من الأقمصة فيها مشكل فالتصنيع وكتقطع مع أبسط احتكاك!

وواضح أن الدفعة اللي دواو عليها هي الدفعة ديالنا! 🇲🇦

هادي ماشي صدفة.. هادي إحتقار واضح للمنتخبات الإفريقية!

كيفاش لحد الآن شركة عالمية كتعامل مع المغرب اللي وصل نصف نهائي كاس العالم، ودار إنجازات فالكوب دافريك والأولمبياد، بحال كتعامل مع أي منتخب عادي؟

علاش أديداس احترمات كولشي فكاس العالم وبوما لا؟
علاش كيعطيونا الشياطة فألبسة التدريب مقارنة مع منتخبات أوروبا اللي كيلبسو أحسن جودة؟

حشومة منتخب بحال المغرب يبقى يلعب بتوني كيتقطع فالماتش!

PUMA خاصها تعتاذر للمغاربة ولا تمشي فحالها!

#بوما #العيناوي #المغرب

26/09/2026

مواطن كيهرس فالملك العام حيث دار كسيدة فالنفق وتصدم ملي شاف الطوموبيل ديالو ملي قلبوها الديباناج!!! 😱

الفيديو داير البوز دابا..

سيد دار كسيدة فالنفق، جا الديباناج هز الطوموبيل وقلبها باش يخرجها، ملي شافها مقلوبة ومهرسة تفقص وبدا كيهرس فالملك العام!

والغريب فالأمر.. حداه بوليسي واقف كيتفرج وما داير والو! 🤔

واش هادي هي السيبة؟ واش إلى كل واحد دار كسيدة غادي يبقى يهرس فالطريق؟

الملك العام ديالنا كاملين.. ماشي إلى تفقصتي تنوض تهرسو!

شنو خاص يدار مع بحال هاد الناس ف نظركم؟

#كسيدة #نفق #الديباناج

26/09/2026

واحد المعلومة ما قلبتوش عليها.. شكون هي الأحزاب لي فازت في دائرة الحوز؟ 🤔

هاهي النتيجة:
التجمع الوطني للأحرار (RNI) + الأصالة والمعاصرة (PAM) + الاستقلال !!

يعني نفس الأحزاب اللي كانت شادة المنطقة قبل الزلزال.. هي نفسها اللي رجعات فازت دابا!

دابا باش نكونو واضحين..
مخاصناش نبقاو نسمعوهم كينتاقدو الحكومة ولا كيقولو "ما داروش لينا والو" ولا "الحوز منسي" !!

نتوما اللي شادين الحكومة، ونتوما اللي شادين الجهة، ونتوما اللي شادين الحوز من شحال هادي!

إلى الحوز باقي بلا طريق، بلا سبيطار، بلا مدرسة.. راه المسؤولية ديالكم نتوما، ماشي ديال شي حد آخر!

صافي دابا الكرة عندكم.. ورّيونا آش غاديرو!

#الحوز #الاستقلال

26/09/2026

القصة ديال راوول وباه منير لي لقاه بسبب شوارما مازال سالاتش هنا… ❤️🥹

ملي جا راوول لعند باه من بعد *29 عام ديال الفراق*، منير ما بغاش يخلي هاد اللحظة تدوز بحال أي نهار…

قرر يفرح بولدو بالطريقة اللي كيعرفها المغاربة. 🇲🇦❤️

ذب ح عليه حولي و عطاه سمية جديدة ديال المسلمين، ودار ليه سبوع بحال يالاه تزاد، وكأنو كيحاول يعوضو على 29 عام دازو بلا ما يعيش معاه هاد اللحظات.

والأكثر تأثيراً… هو أن راوول، اللي عاش عمر كامل وهو كيتساءل على باه، لقى راسو وسط العائلة، كيتزغرت ليه وكيحتافلو بيه، وحتى طلعوه فوق العمارية وسط أجواء الفرح. 🥹❤️

من طفل كان كيقلب على صورة باه… لولد رجع أخيراً لحضنو، ولقى الأب ديالو كيسمي عليه وكيحتفل بيه قدّام الناس.

29 عام ديال الانتظار… تسالات بفرحة ما كيتوصفش بها الكلام. 💔🥹🇲🇦

سبحان الله… كاينين لقاءات كتتأخر سنين، ولكن ملي كيكتب الله ليها تكون، كتجي أقوى وأجمل مما كان الإنسان كيتخيل. ❤️

الله يجمع كل مغترب بعائلتو 🤲

#المغرب

26/09/2026

⚠️ احذر عدوك مرة.. وصديقك ألف مرة.. هكذا انتهت حياة العايدي المغربي 😱

قصة حقيقية هزات النواصر قرب كازا.. وبطلها راجل درويش كان كيقلب غير على لقمة حلال..

العايدي، 1979، ولد النواصر..
الابن الكبير ديال عائلة بسيطة، خرج من السادس ابتدائي ومشى يخدم فالبني.. ما استسلمش، تعلم وشد بيرمي ديال الكلارك، وولى معروف بالمعقول وولى خدام بخير عليه.
تزوج فـ 2007، عندو بنت وولد، وعايش بسيط حتى لنهار..

📅 6 نونبر 2021 - المكالمة الأخيرة
مع 12 ديال النهار، وهو كيتغدا مع مراتو، جاه تليفون.. قال ليها "واحد السيد باغيني دابا فالدروة، غادي نمشي دغيا ونرجع" وخرج بالموطور..

مع 4 العشية.. التليفون طفا..

مراتو بقات كتعاود تعيط.. والو.. العايدي اللي عمرو ما طفا تليفونو حيت هو باش خدام، اختفى!

العائلة قلبات الدنيا، صحابو، الكليان، البرارك، والو.. حتى مشاو دارو بلاغ عند البوليس..

10 أيام ديال الجحيم..

حتى لنهار *15 نونبر*، راعي فغابة بوسكورة كي لقى بقايا بشرية.. مشى كيجري علم السلطات..

البوليس قلب المكان ولقى وسط الحوايج.. ساروت ديال الكلارك اللي خدام بيه العايدي..

دارو تحليل ADN وكانت الصدمة.. الجثة ديال العايدي.. 😢

البوليس بدا كيقلب على التليفون ديالو اللي اختفى معاه.. حتى لقاوه خدام فمحل ديال التليفونات فالنواصر!

شدو مول المحل.. قال ليهم "جا عندي واحد السيد وجابو ليا باش نفلاشيه.. ما كنعرفوش"

البوليس رجع للكاميرات ديال المحل..

وهنا كانت الصدمة الكبيرة.. اللي بان فالكاميرا ماشي غريب.. كان صاحبو.. الصديق المقرب ديالو.. اللي كان كياكل معاه فطبلة وحدة!

علاش دارو هاكا؟ وشنو كان السبب؟ القصة الحقيقية أخطر مما كتخيلو.. 👇

خليو ليا تم فكومنتير باش نكمل ليكم الجزء الثاني اللي فيه الاعترافات الصادمة..

متنساوش البارطاج باش الناس تاخد العبرة.. الثقة العمياء كتقتل!

#العايدي #النواصر

26/09/2026

🚨 فرنسيين.. رجعو من دبي لقاو الطوموبيل بلا روايض! 🇫🇷🚗

شوفو الفضيحة اللي وقعات فمطار ليون Saint Exupéry..

زوجان فرنسيان عندهم 25 عام، مشاو يدوزو عطلة الأحلام فـ دبي وخلو طوموبيلتهم Renault Clio 5 فالباركينغ P5 ديال المطار لمدة سيمانة..

ملي رجعو.. كانت الصدمة! 😱

لقاو الطوموبيل محطوطة فوق البلوكات ديال السيمة و 4 روايض مشاو! سرقوهم كاملين وهي واقفة فالباركينغ ديال المطار!

لا كاميرات.. لا سيكوريتي.. لا والو.. طوموبيل فمطار دولي تسرقات بهاد الطريقة!

الخبر نقلاتو جريدة Le Parisien الفرنسية..

المطار اللي خاصو يكون أكثر بلاصة فيها الأمان، ولى كيتسرقو فيه الناس عيني عينك..

إلى كنتي مسافر.. فين غادي تخلي طوموبيلتك دابا؟ 🤔

#فرنسا #ليون #دبي #سرقة

26/09/2026

🔴 عاجل من طنجة.. ترونات! 🔥

أخبار عن هروب عمدة طنجة "منير ليموري" وإصدار مذكرة بحث دولية في حقه!!!

الأخبار كتقول أن الهروب عندو علاقة بالتحقيقات في الأوراق المزورة بمكتب التصويت بطنجة..

خونا علق واقيلا من معبر مليلية حيث راه في إسبانيا دابا!!

زوجة أحد المعتقلين هي لي فرقعات الرمانة وقالت راه هو من تولى تسليم الأظرفة الانتخابية لدوك الناس!!!

هاك البارود.. 💣

#طنجة #عاجل

26/09/2026

صوت كان كينعس المغرب كامل.. وفجأة اختفى بلا أثر !! فين هو فؤاد ؟

إلى كنتي من جيل الثمانينات والتسعينيات، مستحيل ما تكونش سهرتي معاه..

"سمير الليل".. البرنامج اللي كان كيجمع المغاربة كل أربعاء وسبت، بصوت دافي كيدخل للقلب.. صوت فؤاد أيت القايد ولد زاكورة، خريج معهد الصحافة، اللي فاز بجوائز فـ 1993 حيث كان كيخليك تعشق الليل.

من 1984 وهو رفيق السهّارة، المثقفين، والقلوب المجروحة..

حتى لـ 1998.. قرر يمشي لليبيا.. ومن تم.. السواد..

24 أبريل 2000.. آخر مرة تسمع صوتو.. آخر خيط.. تقطع..

واش مشى لمالطا ؟ واش غرق فالبحر ؟ واش اعتاقل ؟ حتى واحد ما عارف..

2012.. بّاه الحاج محمد الشافعي من أعيان زاكورة ورجل الاستقلال، قبل ما يموت، كتب لوزارة الداخلية، الخارجية، العدل، المجلس الوطني لحقوق الإنسان.. كيسولهم غير جملة وحدة: "ولدي حي ولا ميت؟"

حتى اليوم.. لا جواب..

قصة فؤاد ماشي غير اختفاء إعلامي.. هادي جرح مفتوح فذاكرة الإذاعة المغربية..

إلى كنتي سمعتيه شي نهار.. إلى بقا صوتو فودنيك.. بارطاجي هاد المنشور.. لعل وعسى شي واحد فليبيا، فمالطا، فشي مكان فالعالم يشوف تصويرتو ويقول: أنا شفتو..

Portal FPV

27/09/2026

27/09/2026

26/09/2026

26/09/2026

26/09/2026

26/09/2026

26/09/2026

26/09/2026

26/09/2026

26/09/2026

Address

Website

Alerts

Shortcuts

Share

Listing takedown request