29/04/2026
Aðalfundur Flaggdagin
Havnar Sjónleikarfelag hevði aðalfund Flaggdagin. Á skránni var millum annað nevndarval. Annaðhvørt ár eru tað tríggir og annaðhvørt ár tveir nevndarsessir, ið skulu veljast. Tríggir nevndarsessir skuldu veljast hesu ferð, har Hjálmar Dam og Jákup D. Wardum ynsktu at stilla upp aftur, meðan Vígdis Tindskarð Klein takkaði fyri seg. Uppskot til nevnd skulu verða inni eina viku áðrenn aðalfundin, og tá avtornaði var eitt uppskot komið inn. Edvin H. Niclasen var valdur inn í triðja sessin uttan valstríð.
Vit takka Vígdis fyri hennara tíð og íkast í nevndini og bjóða Edvini vælkomnum.
Síðani skuldu tiltakslimir veljast, og her bleiv valstríð millum Chokri Bourbiaa, Torben Nielsen og Magnus Reinert Gásadal. Tá atkvøðugreiðslan var av, vóru Torben og Magnus valdir til tiltakslimir. Vit bjóða somuleiðis teimum vælkomnum í nevndina.
Eftir aðalfundin var vælsmakkandi smyrjibreyð at fáa og okkurt gott at sløkkja tostan við.
Nevndin skipaði seg beinanvegin, og sær nú soleiðis út: Jákup Dahl Wardum, formaður, Hjálmar Dam, næstformaður, Edvin H. Niclasen, skrivari, Birgir Djurhuus, kassameistari, Eir í Ólavsstovu, nevndarlimur, Torben Nielsen, tiltakslimur og Magnus Reinert Gásadal, tiltakslimur.
Myndin frá vinstru Magnus Reinert Gásadal, Edvin H. Niclasen, Jákup Dahl Wardum, Birgir Djurhuus, Hjálmar Dam, Eir í Ólavsstovu og Torben Nielsen
Havnar Sjónleikarfelag hevði aðalfund Flaggdagin. Á skránni var millum annað nevndarval. Annaðhvørt ár eru tað tríggir og annaðhvørt ár tveir nevndarsessir,
