InTime Theatre

07/11/2017

Sóley Danielsen, sjóneikari í InTime Theatre er lærari í Sjónleikarhúsinum frá januar 2018. Børn, ung og vaksin kunnu melda seg til á www.kvoldskulin.fo

30/09/2015

Allan oktober og november 2015, vitjar "ÓÐINS EYGA" á dagstovnum, skúlum og til onnur tiltøk runt í øllum Føroyum. Vit gleða okkum :) Mynd frá G-festvalinum 2015.

04/09/2015

Vit fegnast um eftirspurningin eftir víkinga barnaleikinum "ÓÐINS EYGA" :) Um tú ynskir at hoyra meira, so set teg í samband við okkum á [email protected].

21/08/2015

Leygardagin 29/08 verður víkingaleikurin ÓÐINS EYGA sýndur kl. 11.00 til Mentanardagar í Fuglafirði. Vit gleða okkum! :D

KEYP

31/07/2015

Í dag kl.17.00 er seinasti møguleiki at síggja ÓÐINS EYGA á Tjópallinum - enn er ikki útselt! Tit kunnu ogna tykkum atgongumerki á tjodpallur.fo fram til kl 16:00 ella við dyrnar fram til kl 17:00. Tit eru eisini vælkomin at ringa til 220662 um spurningar eru.

29/07/2015

Góða Ólavsøku og takk til tykkum øll sum longu hava hugt! Nú eru bert tvær sýningar eftir: 30. og 31. kl. 17.00 ;)

29/07/2015

Røddin tosaði við Sóley Danielsen um sjónleik :) Sí link.

Sóley Danielsen og ljóðmaðurin, Baldur Meitil, leggja seinastu hond á verkið, áðrenn Sóley skal á pall at spæla einmansleikin Óðins eyga.

28/07/2015

Enn eru atgongumerki til Óðins Eyga tøk frá 29inda til 31inda. Hesi kunnu keypast á Tjóðpallinum framm til kl 17 í dag, ein tíma áðrenn sýning og sjálvandi eisini á tjodpallur.fo. Vit ynskja øllum eina góða Ólavsøku.

27/07/2015

Gulla Øregaard gevur ÓÐINS EYGA 5 stjørnur. ***** Takk Gulla! :D
Sí sýningar á tjodpallur.fo ;)

Les ummæli her:
"Sóley Danielsen, sjónleikari sigur frá søguni um “Óðins Eyga” í pallsettari uppseting á Tjóðpallinum.

Barnaleikurin er svenskur og Magnus Palm, leikstjóri hevur lagt leikin til rættis. Hann hevur við kønari hond leikstýrt, so Sóley Danielsen, sum myndaði 10 ymsar karakterir stóð eftir, ikki bara sum sigrandi dótturin Tóra, men eisini sum leikkvinna, sum er verd at leggja til merkis og fylgja víðari fram á leiðini sum sjónleikari.

Eg hugsaði í dag, nú sólin stóð høgt á himli og alt var ljóst og hugaligt, at kanska var tað ikki besta raðfestingin at seta seg inn í myrka, tronga teatursalin á Tjóðpallinum fyri at hyggja eftir einum barnaleiki.
Her fór eg skeiv. Hóast ljóst og gott var úti, so vóru tær 40 minuttirnir, sum Sóley Danielsen gav áskoðarunum við frásøgn, spæli og dansirútmum somikið áhugavert, at tíðin fleyg avstað.

Tú var vitni til, at hóast børn fingu loyvi til at gera viðmerkingar til sjálva søgugongdini, sum tey gjørdi sjarmerandi og eldhugaði, so eydnaðist Sóley at fasthalda søgugongdini í sínum spæli. Hetta at børnini vóru so hugtikin av spæli og evninum í leikinum um bardagar, svik og røsku Tóru, so datt leikurin ikki sundur. Tvørturímóti fekk eg sum áskoðari ta fatan, at børnini tóku høvuðsevnið um “Óðins eyga” til sín og vóru avbjóðaði við spurningum, hvussu best var at brúka vit og skil og snildir, at loysa teir trupulleikar, sum søgan átti í sær. Sjálva ikonin (silvurpláta við eyga á) hjálpti væl upp á forstáilsi um, at best er at hugsa seg væl um, áðrenn ein fer í bardaga fyri týdningarmiklari sak.

Sóley spældi 10 leiklutir sannførandi, meðan høvuðsleikluturinTóra var berandi kraftin.

Leikurin er gjørdur við støði í norðurlendsku gudalæruni, og hóast hann verður róptur barnaleikur, so hevði Sóley fatur bæði á børnum, ungum og eldri.
Tað gleddi meg, at ljós- og ljóðsíðan vóru so væl frágingin. Hetta dugdi leikarin at brúka. Onkusvegna minimalistiskt, men væl fingið burtur úr.

Okkurt smávegis var við skeivum bendingum, men tað hevði ikki so nógv upp á seg.

Barnaleikurin “Óðins Eyga” á Tjóðpallinum var í dag ein góð uppliving bæði til tekst, spæl og talu.

Eg fari at viðmæla leikin bæði til børn, ung og eldri, tí løtan var góð og gav tær nakað at hugsa um, hvussu teatur og søgutulking/- menning kann ganga hond í hond.

Leikurin fær fimm stjørnur."

26/07/2015

24/07/2015

Tóra, Loki og vakturin Haraldur vilja hava tykkum øll at koma í Tjóðpallin á Ólavsøku til Óðins Eyga. Møt eisini hinum sjey persónunum í leikinum og lær okkurt um víkingarnar.

21/07/2015

Atongumerki til sýningar av víkingaleikinum Óðins Eyga á Tjóðpallinum 25. -31. juli fáast nú á tjodpallur.fo.

Barnaleikurin Óðins Eyga var so væl dámdur á G! Festivalinum, at ein eykasýning mátti kroystast inn í Fjósinum leygardagin. Fleiri áskoðarar vóru so bergtiknir at teir sóu fleiri sýningar. Eitt nú vóru nakrar gentur, ið sóu allar sýningarnar.