03/06/2026
3/6 kl 20:00 Vernd (Värn, John Skoog Svøríki 2026 85 min)
Tað er ikki langt frá okkara egnu søgu um Lykkenborg, tá vit í nýggja svenska spælifilminum, "Värn", eru í fyrstu sjeytiárunum á bygd í Svøríki.
Kalda kríggið er í hæddini, og við støði í bóklinginum "Om kriget kommer", ið stjórnin hevur givið út síðan 1943, fer bønarmaðurin og einabúgvin, Karl-Göran (Denis Lavant), at tryggja bústaðin.
Lavant spælir eisini við í "L'Étranger", Hin Fremmandi, sum fremsti franski leikstjóri, François Ozon, hevur gjørt úr bókini hjá Albert Camus. Tann filmin vísa vit í heyst.
Í aktuella svenska filminum hevur Karl-Göran savnað jarn og annað burturkast, sum hann nú lagar fyri húsið og ger eitt verndarvirki, skuldi kríggið brostið á her um leiðir.
Maniska savnaralyndi verður á poetiskan hátt hildið upp móti fábroytta gerandislívinum á bygd í teim vakrastu svørthvítu myndum.
Hóast poetisk, er lýsingin av einabúgvanum ótilgjørd, rá og ómild. Júst tí verða vit nomin av, hvussu aktuellur og viðkomandi lítillætni filmurin er júst í okkara tíð, nú allir miðlar hvønn dag hava kríggj og kreppu ovast á breddanum og harvið seta karm um okkara gerandisprát.
