Hann er ein estetisk perla við sera góðum hølum til tónleik, fyrilestrar o.m.a. Gamli skúli skipar regluliga fyri konsertum. Ætlanin er at hava eina konsert síðsta vikuskifti í mánaðanum, undantikið juni, juli og august, møguliga eisini desembur. Við Sørvágs skúla - hinumegin ánna - eru fleiri parkeringspláss: Omanfyri og uttanfyri skúlan, og í skúlagarðinum. Í skúlagarðinum er tó ikki loyvt at parkera frá kl. 08-15. Ein trappa er frá skúlagarðinum oman til eina góða brúgv yvir um ánna beint til høvuðsdyrnar í Gamla skúla. Niðri við kirkjuna eru eisini fleiri pláss. Gøta frá kirkjuni er beint niðan til brúnna við inngongdina. Hjá brúkarum í rullistóli er lættast at parkera við svimjihøllina ella undir Sørvágs skúla og so koyra undir skúlanum yvir til brúnna. Høvuðsinngongdin er vestureftir móti Sørvágs skúla/kirkjuni. Atgongumerki fáast á atgongumerki.fo ella við dyrnar. Atgongumerki skulu eisini bíleggjast, um tiltakið er ókeypis. Dyrnar opna áleið hálvan tíma áðrenn byrjan. Fyriskipararin hevur rætt til at burturvísa fólki, sum eru sjónliga ávirkað, ella sum órógva. Í slíkum førum verður atgongumerkið ikki endurrindað. Gamli skúli rúmar áleið 80 sitandi gestum og er góðkendur til 100 fólk. Hølini eru sera fjálg og vælljóðandi og ljóðútgerðin er góð. Sí myndir á okkara Facebook-síðu.
Í Gamla skúla er eisini køkur og wc. Gamli skúli er sera væl egnaður til konsertir, fyrilestrar, skeið v.m. Seti tykkum í samband við okkum um bóking og meira kunning á [email protected]
