Hjá Karli

18/11/2021

20/06/2021

Tann 10. juni varð hendan forkunnuga upptøkan gjørd í Húsinum hjá Karli. Hon er um bókmentir, film, sjónvarp, skriving, um minnir úr Gøtu, um dreymar og íblástur o.a.
Tað er Flóvin Jónsson Tyril, sum hevur gjørt upptøkuna, sum er ein samrøða við rithøvundarnar báðar, Jógvan Isaksen og Torfinn Jákupsson.

© Flóvin Jónsson Tyril 2021Trom ferðaliðið var í Gøtu og gjørdi upptøkur. Jógvan Isaksen, skaldsøguhøvundur og Torfinnur Jákupsson, leikritahøvundur, vóru bá...

09/06/2021

Ein lítil dagføring higani.
Flóvin J. Tyril video hevur verið og forvitnast hvussu gongur við nýggju trappuni, sum Tummas Jákup Thomsen er í gongd við at gera.

Tummas Jákup arbeiðir treystliga við at fáa húsini hjá Karli liðug. Eitt av fleiri projektum, er at gera nýggja trappu. Her er ein lítil dagføring, hvussu go...

03/05/2021

Meira um verkætlanina "hjá Karli". Her eitt prát við Honnu Jensen, ein av stigtakarunum og nevndarlimunum fyri felagið.
Upptøkur og framleiðsla: Flóvin J Tyril video

Hanna Jensen greiðir frá um verkætlanina "hjá Karli" í Norðragøtu.Upptøkur og framleiðsla: Flóvin J. TyrilCopyright Mai 2021fb.com/hjakarli

24/04/2021

EINGIN SØGUKRINGUR ELLA IDÉHEIMUR HUGKVEIKTI WILLIAM HEINESEN MEIRA ENN KRISTINDÓMURIN

Hóskvøldið 29.apríl kl.19 heldur Bergur Rønne Moberg fyrilestur undir heitinum William Heinesen og kristindómur.
William Heinesen sigur sjálvur, at ongin søgukringur ella ideheimur hevur hugkveikt hann meira enn kristindómurin. Bíbliusøgur, danskur sálmaskaldskapur og kristna lærdómssiðvenjan gjøgnumseyrar hansara lívsverk og familjubakgrund. Men kristindómurin í hansara verkum stendur ikki einsamallur, men verður oftast feldur inn í ein alment religiøsan heim. Hesin víðkaði religiøsi samanhangur er ímyndin av poesii og lívsjáttandi viðurskiftum. Tann kristna-religiøsa dimensjónin í lívsverkinum ringir seg um poesi, sum ímyndar sambandið við tað skapta. At skapa – skriva, klippa, mála, komponera – var eitt slag av skapan í eyðmjúkum framhaldi av tí longu skapta, av skapanarverkinum, náttúruni. Av tí sama skrivar og tosar William nógv um poesi sum lívspoesi og um listafólkið sum lívskunstnari. Lívið sjálvt verður lýst sum nakað heilagt. Vit fara at líta nærri at hesari lívsjáttandi og alment religiøsu tilgongd til list hjá Williami og seta hana í samband við hansara hugkveiking av kristindóminum. Men kristindómsávirkanin kemur eisini til sjóndar í meira eyðkendum kristnum lýsingum av kærleika, offurvilja, eyðmýkt, fyrigeving ... stutt sagt stríðnum fyri tí góða í og uttan fyri menniskjanum.