Karrasaaqii Media

Home
Ethiopia
Adama
Karrasaaqii Media

Call Directions Website Contact the establishment

We strive to provide you holistic service! Tajaajila hunda galeessa isiniif kennuuf cimsinee dhamaana!

My name Samuel Bulti Waqgari
=> Karrasaaqii Bultii Waaqgaarii(Samuel)
I am gospel singer and
Lecturer at Mattu University

03/10/2026

Maxxansa 3ffaa
IRREECHA: OROMOON AKKANA! 🌿
NAMA TA’UUN NAMAAF TA’UUF!
Irreechi amantaa moo aadaa dha? Kaan, “amantii Oromoo dha” jedha. Kan biraa “aadaa Oromoo dha” jedha. Kaanis immoo “lamaan isaanii iyyuu qaba” jedha. Ani garuu har'a falmii kana keessaa tokko filachuuf miti. Ani waanan dubbachuu barbaadu waa’ee Oromoon, suuqa kaleessaa keessaa as yaa’ee, eenyummaa isaa mul'isee, walitti dhufee, nagaa fi gammachuudhaan ayyaaneffachuu isaati.
Seenaa keessatti sabni tokko yeroo dheeraaf waanjoo ulfaataa baatee yoo jiraate, yeroo tokko tokko waan inni barbaadu qabeenya qofa miti; ofii isaa ta'ee jiraachuu, walitti qabamuu fi eenyummaa isaa ifatti mul'isuudha. Har'a Oromoon waanjoo garbummaa kaleessaa gola isa galchaa ture jalaa hamma ta’e as ba'ee, biyya isaa keessatti, eenyummaa isaa mul'isee, walitti dhufee, boonee fi gammadee yoo mul'atu, ani kana gammachuu guddaadhaanan ilaala. Tarii, waan hunduu nutti tolee, qixatee, gaaffiis waan dhabneef miti, tokko jedhanii, lama jedhu jedheeni. Kan hafes WAAQAYYO GOOFTAAN MACCAA akka ijaan arginu nu taasisa. Kun amantii fi abdii kooti.
Irreecha irratti namni tokko Waaqa isaa yaadata, waaqeffatas. Namni biraa aadaa fi seenaa isaa yaadata. Kan biraa maatii, hiriyoota, saba isaa fi hawaasa isaa waliin wal arguu isaatti gammada. Namni tokko uffata, sirba, sirna, muka magariisaa fi bareedina ayyaanaa ilaala. Isaan kun hundi nama hundumaaf hiika tokko qabaachuu baatan iyyuu, walitti dhufeenya, eenyummaa, kabaja, nagaa fi gammachuu keessatti wal qunnamuun lookoo hawaasummaa jabaa uumu.
Kanaaf, waa’ee Irreecha kaasuun koo, “amantaa qofa” jechuuf miti; ykn “aadaa qofa” jechuufis miti. Akkasumas, hiika inni nama dhuunfaa tokkoof qabu nama hunda irratti dirqamaan fe'uuf miti. Garuu waan tokko ifattin mul'isa, Oromoon walitti dhufuu danda'a; Oromoon eenyummaa isaa mul'isu danda'a; Oromoon aadaa isaa kabajuu danda'a; Oromoon keessummaa kabajuu danda'a; Oromoon gammachuu isaa addunyaa waliin qoodachuu danda'a. Kun immoo deebii kadhannaa keenyaa isa WAAQAYYOtti boo’aa turreeti, qabsoo qeerroo fi qarreetis. Akka irreeffannuuf kadhachaa turree ree jechuu dandeessu. Deebiin koon, Oromoon wal ga’uuf Irreechi dirqama miti, yaa’ii addaa ammatti waan hin qabneef, wal ga’uun cubbuu miti jechuun barbaada.
Dabalataan immoo, kutaa Macaafa Qulqulluu akkuma feene kutnee fidnee itti hiinee wal burjaajessuun gaarii miti. Tasgabboofnee yaaduu qabna. Sirni irreecha irratti ta’u kan Macaafa Qulqulluu wajjin wal hin fakkaatu. Eeyyee dhuguma wal hin fakkaatu. Garuu, namni bakka irreechaa deemee hundi cubbamaadha jechuunis immoo yaada madaalamaa natti hin fakkaatu.
Nan amana! Waaqeffannaan fi kadhannaan kamiyyuu karaa Yeshu’aa Khristos qofa gara WAAQAYYOOtti dhiyaachuu akka qabu. Karichi, dhugaan, jireenyi Yeshu’aa Khristosiin malee hin jiru.
Haata’umalee boqonnaa sammuu fi tokkummaa Oromootti amantanii, akka aadaatti kabajjanii, har'a Irreecha irratti kan argamtan hundaan akkanan jechuu barbaada: Baga nagaan geessan! 🌿 Oromoo taatanii Oromiyaa irraa, Oromiyaa keessaa fi Oromiyaa alaas kan dhuftan, baga nagaan dhuftan! Keessummoota kabajamoo taatanii addunyaa gara garaa irraa kan dhuftan, baga nagaan dhuftan! Turistoota taatanii aadaa, uumama, seenaa fi jireenya Oromoo ilaaluuf kan dhuftan, baga nagaan dhuftan!
Har'a waan tokko akka isin hubattan nan barbaada. Oromoon maal fakkaata? Jechaa kan turtanii fi waa’ee isaa ragaa sobaa dhaga’aa kan turtan, egaa, Oromoon kana fakkaata. Uffata isaa keessatti eenyummaa isaa mul'isa; aadaa isaa keessatti seenaa isaa yaadata; walitti dhufeenya isaa keessatti hawaasummaa isaa mul'isa; keessummaa isaatiif kabaja isaa agarsiisa; gammachuu isaa keessatti jireenya isaa qooda; nagaa keessatti wal arguuf hawwa. 🌿
Irreechi guyyaa ayyaanaa qofa osoo hin taane, waan Oromoon ofii isaa ta'ee irratti mul'atu keessaa tokko. Kanaaf, har'a ani gammachuu koo akkana jechuunan ibsa:
“BAGA NAGAAN DHUFTAN! OROMOON KANA FAKKAATA!” 🌿💚
NAMA TA’UUN NAMAAF TA’UUF!
Karrasaaqii Bulti Wakgari
10/03/2026 G.C.

29/09/2026

Mo'aa TV galgala kana sa'aatti 1:30 irraa eegalee kan darbu dha dhaggeeffadha Hirriyoota keessaniif share godha
!
Nama baay'ee iddoo tokkotti walitti qaban. Warri walitti qabaman warra yesuusiin hin gannu jedhanii didan qofaadha. Amantoota keessaa namoota kiristaanummaa isaanitti jajjabaatan mataa keessaa dhahanii buruksu (dhoosu). Erga mataa isaanii rukutanii dhiigsanii lafarra gangalchanii akka nama bofa ajjeesuutti reebu. Kana kan godhaniif warri kaan sodaatanii akka Isaan gooftummaa yesuus kaadaniif (gananiif) ture.
Keessuma Dubartii tokko utuu abbaan manaa ishee dhaabbatee ilaaluu uffata irraa baasani hamma isheen dhiigdutti garafan. Abbaan manaa garuu dhaabbatee afaan haaraa haasa'a! Namoota baay'ee mataa keessa reebanii . Warra mataan isaanii dhigu sanamoo lafatti tumanii booda erga isaan of dadhabanii mana hidhaatti ol gototanii ciibsu😭
Akka gocha kaleessa ta'eetti gochi sammuu Koo keessa baduu dide hamma har'aatti kan natti yaadatamu tokko jira. Innis namoota reebaman sana keessaa namni Ani maqaa Isaa dhahuu hin barbaanne tokko zangiidhaan mataa Isaa keessa reebanii dhiiguu dide. Irraa deddeebi'anii rukutanii tasumaa dhiiguu dide. Inni of dadhabee kufe jennaan fidanii mana hidhaatti ol darbitanii sokkan. Akkasumas ananis lafee chekuu koo reebanii hamma har'aatti cabee keessa ol galee hafe yeroo tokko tokko dhukkubbii cimaa natti ta'ee na dhukkuba. Guyyaa sana namoota baay'eetu Yesuusiin gane. Nuyi garuu mana hidhaatti nu naqan.
Namni reebamee baay'atee iddoon waan hanqateef namoota muraasa achi keessaa nu baasanii mana yeroo dheeraa cufamee ture, kan 'ataan keessatti Wal horetti geessanii nutti cufan. Nuyis akka mar'atichi homaa nu hin goone maqaa Yesuusin abboomnee of gannee rafne! Mar'atichis sagalee dhageessisaa bule malee nu keessaa nama tokkootti illee hin buune. Akkasitti namni hunduu dhiiga Isaa osoo of irraa hin miicciin, qorichaa tokkollee osoo hin argatiin guyyaa sadiibule. Gaafa guyyaa sadaffaa madaan sun bukaa'uun foolii hamaa dhageessise.
Namichi mataan Isaa baay'ee reebamee dhiiguu dide sun mataan Isaa gaafa guyyaa lamaa dhoohee dhangala'e. Fooliin Isaa ofitti nama hin butu ture. 😭😭😭
Utuu kanaan jirrruu xalayaan tokko ergamte. Kanumaan gara mana keenyaatti galle.
Rukkuttaa guyyaa sanaan miidhamee utuu dhukkubsatu waggaa muràasa jiraate kan du'e Jira.
Waggaa muràasa booda Mootummaa ni kufe. Namichi haati manaan Isaa qullaa ishee reebamtee sun Ganda sanaa ta'ee muudame. Bulchaan Ganda duraanii kiristaanota sanaa reebisisee Fi haadha warraa Isaas reebsise mana hidhaa kaleessa isaan keessatti hidhamanii turanitti dhaqee hidhame.
Namichi ofis mataan Isaa dhohee haati warraa Isaas reebamtee Amma garuu bulchaa gandaa ta'e suun maal godhe seetan
Namoota sanatti du'a murteessinaan deeddeebi'ee falmeetu hidhaarraa yaasee du'a isaan oolche🥰
guddaa hammana ga'u bara sanatti ilaalaa! Kiristaanummaan akkamitti isaaf galee! Ajaa'ibaa!
Namicha kana dabalatee namoonni yeroo sana wangeelaaf gatii guddaa kaffalan har'a Ijoolleen isaanii iddoo gurguddaa jiru.
Ani seenaa kana utuun boo'uun taa'ee dhageeffadhe. Waanti har'a nuuf Dirree bashannaanaa fakkaatu Kun kaleessa gatii guddaa abboota keenya baasisera.
Ittii fufaa.........
LUBA DR. MISGAANAA SHUURAMUU
MO'AA TV
KIBTATA FUULA KEENYAA
QOPHII DIRREE WANGEELAA IRRATTI.

16/09/2026

Utuu guyyaa har'aa qarshiitti jijjiirtee meeqa siif bita?

Hin dhibaa'in, dhiba'aan foon isaa nyaataa😭

14/09/2026

Learn Today, Create Tomorrow!
Har'a Baradhu, Bor Uumi!

Follow godhaa mee bara 2019 kana hojii gaarii waliin eegallaa. Keessattuu warri barumsa dandeettiiwwan bu'uuraa Afaan Oromoo (Afaan Oromo basic skills), beekumsa waliigalaa muuziqaa (general music knowledge), dandeettiiwwan bu'uuraa kompiyuuteraa (Computer basic skills) feetan waliin barannaa🙏
Horaa deebanaa🙏

14/09/2026

Qabxiin 💥 ifoome
Ministeerri Barnootaa Qabxii Seensa Remedial Program Yunivarsiitii Bara 2019 Beeksise

Qabxii Seensa Barattoota Idilee
Barattoota Dhiiraa (Saayinsii Uumamaa fi Hawaasaa): Qabxii 600 keessaa 240 fi isaa ol (40%).

Barattoota Dubaraa (Saayinsii Uumamaa fi Hawaasaa): Qabxii 600 keessaa 228 fi isaa ol (38%).

Qabxii Seensa Barattoota Deeggarsa Addaa Feetanii Barattoota dhiiraa fi dubaraa Saayinsii Uumamaa fi Hawaasaa Naannoolee Afaar, Sumaalee, Beeniqiangul Gumuz fi Gambeellaatiif qabxii 600 keessaa 222 fi isaa ol (37%).

Naannoo Horsiise Bultootaa: Barattoota naannoo horsiise bultootaa fi gammoojjiitiif qabxii 600 keessaa 222 fi isaa ol (37%).

Barattoota qaroo-dhabeeyyi: Barattoota Saayinsii Hawaasaatiin qoraman dhiiraa fi dubaraaf qabxii 500 keessaa 185 fi isaa ol (37%).

Barattoota Qaama Miidhamtootaa: Barattoota Saayinsii Uumamaa fi Hawaasaatiin qoraman dhiiraa fi dubaraaf qabxii 600 keessaa 222 fi isaa ol (37%).

Madda: Fuula FB Sanyii Guddataa

14/09/2026

Biyyi nu quba qabdi, nu wal quba hin qabu malee🙄
Art. Aadam Mohammed🙏

11/09/2026

NA DABARSAA JIRA AFAAN QABEE BAROOTA HAMAA🙏

11/09/2026

Hin jiru utuu jedhanii na jiraachise🙏

10/09/2026

***********************
1.Hoospitaala ijaarte-Sirilaankaa

2.Daandii baaburaa ijaarte-Ingilizii

3.Poostaa jalqabde-Iraan

4.Maallaqa waraqaa eegalte-Chaayinaa

5.Gaazexaa maxxansuu egaalte-Jaarman

6.Kitaaba maxxansuu eegalte-chaayinaa

7.Seera biyyaa barreeffamaan keesse-Ameerikaa

8.Dimookiraasii eegalte-Giriiki
9.Tapha Oloompikii egaalte-Giriik

10.Yuunivarsiitii ijaarte-Morokoo

11.Baankii ijaarte-Xaaliyaan

12.Lakkoofsa Uummataa gaggeessuu egaalte-Chaayinaa

13.Sagantaa Hawaa abuuruu egaalte-Raashiyaa

14. samiirra naannofte -Raashiyaa

15.ji'a irra qubatte-Ameerikaa

16.Tamsaasa Television egaalte-Ingilizii

17.Inteerneetiitti fayyadamuu egaalte-Ameerikaa

18.Filannoo biyyeessaa irratti Dubartoota hirmaachiste-Niwuuzlaand

19.Industirii konkolaataa egaalte-Jaarman

20.qarooma egaalte-Itoophiyaa

21.Sagantaa anniisaa atoomikii egaalte-Ameerikaa

22.Bilbilaan haasa'uu egaalte-Ameerikaa

Isa 20ffaa akka shakkitaan shakkii hin qabu!

Share gochuun waliif qoodaa

Madda: Fuula FB Madda Beekumsaa

Address

West Wollega
Adama
1000

Telephone

+251910884236

Website

http://www.karrasaaqii.wordpress.com/, http://karrasaaqiimediaiwordpress.com/

Alerts

Be the first to know and let us send you an email when Karrasaaqii Media posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Karrasaaqii Media: