15/06/2024
Assalaamu Aleeykum Warahmatullaahi Wabarakaatuhu
Guyyaan har'a keeysa jirru kun guyyaa addaati. Guyyaa yoo sirnaan itti fayyadamne guyyaan tokkolleen kan isa caalu hin jirreedha. Guyyaa Arafaati. Guyyaa Rabbiin gabroottan isaatiin (ilma namaatiin) Malaa'ikotatti dhaadatuu fi nama baay'ee ibidda irraa isa keeysa bilisoomsuudha. Guyyaa ibaadaa irratti haalaan jabaachuu qabnuudha. Soomana sunnaa guyya kana soomanuu, salaata sunnaa baay'isuu, qur'aana qara'uu, zikrii heddummeeysuu fi du'aa'ii (kadhaa Rabbiitti) hanga dur caalaa guyyaa kana keeysa jabaachuu qabna.
Rabbiin warra guyyaa kanarraa fayyadamu nuhaa godhu. Warra Rabbiin guyyaa kana keeysa ibidda irraa bilisoomsu sanirraa nuhaa taasisu. Ibaadaa teenyaas nurraa qeebalee khaatimaa teenyaas nuuf haa bareechu.
Dhaamsa: obboleeyyan kiyya guyyaa qaalii kana keeysa du'aa'iin akka na hin irraanfanne.
✍️ Dhaamsa Gaggaarii
