MEDIA HAQAA, Oromia, Ginch'i (2026)

13/03/2026

🌍Oduu Gaggabaaboo

🇮🇱 Ministeerri fayyaa Israa'eel sa'aatii 24 darbe keessatti lammiilee 179 haleellaa Iiraaniin miidhamuu ibseera. Irra baay'een isaanii miidhaa salphaa akka ta'ee fi walumaagalatti haleellaan Iiraan erga jalqabee namoonni 2,745 miidhamuu ibseera.

🇮🇷🇺🇸 Pireezidaantiin Iiraan Masuud Pezsishkaan waraana dhaabuuf haalduree sadii guutuu qabdan jechuun beeksisaniiru. Mirga seera Teehraaniif beekkamtii kennuu, Haleella irra gaheef kaffaltii gumaata kennu fi gara fuulduratti wantoota walitti bu'iinsa fidan akka hin uumamne mirkaneessuu barbaachisa jedheera.

🇺🇸 Tiraamp Dooniwwan Ameerikaa fi kanneen biroo Galaanaa Hormuzii cee'uu barbaadaniif deeggarsi akka taasifamu ibseera. Tiraampi kana jedhanis Humni Galaanaa Yunaayitid Isteets Dooniwwan galaanichaan darbaniif eegumsa akka hin goone ibseera.

🇧🇭🇮🇷 Humni Rayyaa ittisa Bahireen walitti bu'iinsi erga jalqabee irraa hanga ammaatti Misaa'eloota 112 fi Xiyyaarota nama malee 186 Iiraan irraa dhukaafaman qabuu beeksiseera.

🇮🇷 Bulchaan Magaala guddoo Iiraan, Teehraan yeroo lolaatti Awutoobisoonni hawaasa bilisaan akka tajaajilan ibseera. Inni kunis hawaasa gargaaruuf akka ta'e ibsameera. Guyyaa kaleessa Kibba Teehraan, Isfahaan, Kaashaan, Ahvaaz fi Saaqqiqeez magaalota Iiraan keessatti dhukaasni gurguddoon dhagahameera.

🇰🇼🇮🇷 Buufanni Xiyyaara Kuweet Xiyyaarota nama malee hedduun rukutamuu ibsameera.

🇮🇱🇱🇧🇮🇷 Israa'eel haleellaa Kibba Liibaanositti taasifteen, bakka buufata meeshalee waraana Hezbollah baleessu ishee ibsitee jirti. Haleellaa Israa'eel magaala Industirii kutaa bulchiinsa Araak kessatti argamu irratti raawwateen namoonni 7 madaa'u ibsameera.

🇦🇪🇮🇷 Gamoon guddaan Dubaay kessatti argamu tokko guyyaa kaleessa haleella irra gahuu ibsameera. Haleella kana eennu akka raawwate hin beekkamne.

Bitootessa 04, 2018
Finfinnee

11/03/2026

Afaan Oromoo fayyadama dandeettii hubannoo namtolcheettii hojiirra ooleera!!

Dhaabbanni Tekinolojii Addunyaa Googil akkaataa itti fayyadama dandeettii hubannoo nam-tolchee (AI) Afaan Oromoo, Amaaraa, Somaalee Dabalatee gara Afaanota Afirikaa 13'tti babaldhisuun faayidaarra oolchuu beeksiseera.

Dhaabbanni Googil akka ibsetti, fooyya’iinsi kun dandeettii hubannoo nam-tolchee (AI) irratti fayyadamtoonni wantoota barbaadan gaafachuun, akka itti fayyadaman kan taassisu yoo ta’u, fayyadamtoonni barreeffama, sagalee yookaan fakkii fayyadamuun afaanota filataniin tajaajila barbaachaa kana waliin akka walqunnaman kan taasisu ta’uu ibseera.

Babal’inni kun meeshaaleen dandeettii hubannoo nam-tolcheef (AI) fayyadamtoota Afrikaa miliyoonaan lakkaa’aman, kanneen quunnamtii guyyaa guyyaa isaanii keessatti afaanota biyya keessaatti hirkatan biratti akka salphaatti dhaqqabaman gochuuf kan karoorfame ta’uu ibseera.

Afaan Oromoo, Amaaraafi Afaan Somaalee malees afaanota haaraa deeggaraman keessaa Afrikaans, Akan, Hawusa, Kinyarwanda, Kiswahilii, Seesottoo, Setswana, Woloof, Yorubafi Afaan isiZulun akka jiran ibsameera. Filannoon kun fedhiin tajaajila dijitaalaa Afaanota Afrikaa bal’inaan dubbataman keessatti dabalaa dhufuu isaa kan agarsiisuu ta’uunis ibsameera.

Bitootessa 02, 2018
Finfinnee

11/03/2026

Geejjibni Galaanarraa fi Loojistiksii Itiyoophiyaa konkolaattota fe’umsaa 100 birrii biiliyoona 2.16 ol baasuun bite hojii eegalchiiseera.

Kanaan dura dhaabbatichi konkolaattota 556’n dandeettii toonii kuma 26 fi 154 fe’uu akka qabu eeruun, konkolaattonni haaraan kunneen gara hojiitti seenuun dandeettii isaa akka cimsan Hojii Raawwachiisaa Olaanaan Dhaabbatichaa Injinar Abdulbar Shamsuun dubbataniiru.

Dandeettii fe’umsaa isaas gara toonii kuma 30 fi 654’tti kan guddisan ta’uu eeraniiru.

Hojiin kunis Itti quufiinsa maamiltootaa guddisuurra darbee loojistiksii biyyaalessaa saffisiisuu keessattis gahee olaanaa qabaachuu ibsameera.

Bitootessa 02, 2018
Finfinnee

11/03/2026

: Leetenaal Jeneraal Asraat Danneeroo Komishinara Komishinii Poolisii Magaalaa Finfinnee ta'uun muudaman.

Ministirri Muummee FDRI Dooktar Abiy Ahimad Bitootessa 02, 2018 irraa eegaluun hoggantoota koomishinii poolisii Finfinneef muudama kennuu ragaan Waajjira Ministira Muummee irraa argame ni mul’isa..

Haaluma kanaanis:-

- Leetenaal Jeneraal Asraat Danneeroo Komishinara Komishinii Poolisii Magaalaa Finfinnee,

-Komishinara Gargaaraa Toofiq Madad Komishinara Itti aanaa Komishinii Poolisii Magaalaa Finfinnee,

- Obbo Eerziiq Iisaa Komishinara Itti aanaa Komishinii Poolisii Magaalaa Finfinnee ta'uun muudamaniiru.

Bitootessa 02, 2018
Finfinnee

10/03/2026

Gatii boba'aa Naafxaa adii qofa irratti Liitiraan daballiin birri 10 godhamuu, birrii 139.84 seeneera.

Beenzila irrattis daballiin birrii 3 taasifamuun Liitiraan birrii 132.18 ta'eera.

Baatii Bitootessaa 2018 gatii omishaalee boba'aa qinxaaboo irratti daballiin taasifamuu buufataaleen boba'aa himaniiru.

Ministeerri daldalaa fi walitti hidhamiinsa naannawa gatii boba'aa ilaalchisuun Bitootessa 01,2018 sa'aatii 8 irraa eegaluun gatii boba'aa qinxaaboo irratti daballii taasisuu xalayaan asii olii ni mul'isa.

Haaluma kanaan akkaata xalayaa irratti ibsameen Liitiraan:-

- Naafxaa adii birrii 139.84
- Beenzila birrii 132.18
- Keeroosinii Birruu 146.14
- Naafxaa gurraacha salphaa birrii 137.03
-Naafxaa gurraacha Ulfaataa birrii 133.45
-Boba'aa xiyyaaraa birrii 145.23

Bitootessa 01, 2018
Finfinnee

10/03/2026

Oduu Gaggabaaboo!!

🇮🇷🇮🇱 Waraanni Iiraan misooma bu'uura Inarjii Israa'el Hayifatti argamu irratti haleellaa taasisuu ibseera. Haleellaa Diroonii Taankota boba'aa, Calallii Gaazaa fi boba'aa irratti taasisuu maddi tajaajila oduu Tasniim ibseera.

🇮🇱 Waraanni Israa'el dhaabbata deeggarsa Al-qaard Al-Hasan kan Hezbollaa waliin walitti dhufeenya qaba jedhe irratti iddoo 30 ol irratti haleellaa taasisuu ibseera. Dhaabbanni kun Heezbollaaf sochii deeggarsa maallaqaa kan taasisu yoo ta'u, bittaa meeshaalee waraanaa fi kaffaltii biroos ni raawwata. Dhaabbatichi Ameerikaa dhaan qoqqobbiin irra kaa'ameera.

🇮🇷🇺🇸 Ministeerri dhimma alaa Iiraan biyyattiin iddoowwan buufata waraanaa Ameerikaa baha g/g tti argaman haleeluun of irraa ittisuuf hojjataa jirti jedhaniiru. "Ameerikaa yoo nu haleelte, gara Ardii Ameerikaa gahuu waan hin dandeenyeef, buufata waraanaa ishee, dhaabbilee fi qabeenya ishee haleeluu akka qabu dursinee akeekkachiifnee jirra" jechuun Arraagchiin dubbataniiru.

🇪🇬Masriin dhiibbaa walitti bu'iinsi baha giddugaleessa boba'aa addunyaa irratti fideen walqabatee dhiyeessiin boba'aa fi karaan dooniwwanii cufamuu isaatiin gatii boba'aa biyya keessa haga %30 ol kaasuu ibsitee jirti.

🇮🇷 Ministeerri dhimma alaa Iiraan Arraagchiin akka dubbatanitti Ameerikaa waliin marii taasisuuf ajandaa keenna akka hin taanee fi marii nikularaa kanaan dura taasifame irratti " barnoota hadhaawaa" fudhanne jirra jedhaniiru.

🇦🇪🇧🇭 🇰🇼 Gamtaan Emireetota Arabaa maloota ittisa Qilleensa irraatiin Misaa'eloota fi duroonota Iiraan irra dhufan fashaleessuu yaalii isaani itti dhufanii jiru.

Bitootessa 01, 2018
Finfinnee

10/03/2026

Manni maree dhimma Islaamummaa Itoophiyaa meeshaalee fayyaa birrii miliyoona 101 ta'uu deeggarsa taasiseera.

Deeggarsi kan godhames hospitaalota mootummaa 5'f ta'uu ibsameera.

Deeggarsi kun Ejensii misooma musliimota Itoophiyaatiin kan dhiyaatee yoo ta'u, sochii ustaaza Abubakar Ahimad dhaabbata musliima Ameerikaa Ayid jedhamu irraa kan argameedha.

Hospitaalonni deeggarsi taasifameef Abbomsaa, Kombolchaa, Cinaaksan, Gunchuree fi Qu'aanxee dha.

Bitootessa 01, 2018
Finfinnee

10/03/2026

"Dallaa keessa keessaa daandii cufanii turan 1400 ol Kaafameera" Abbaa Taayitichaa

Abbaan Taayitaa Daandiiwwanii Magaalaa Finfinnee daandiiwwan keessa keessoo dallaan cufamanii turan 1,434 bansiisuu ibseera.

Magaalichatti daandiiwwan keessa keessaa dallaan cufamuurraan kan ka’e sosochii tiraafikaa irratti dhiibbaa uumaa akka ture ibsameera.

Abbaan Taayitichaa qorannoo taasiseen iddoowwan 2,438’tti daandiiwwan keessa keessaa dallaan cufamanii akka jiran ibsuun, dhiibbaa sosochii tiraafikaa irratti qaqqabsiisaa jiru ilaalacha keessa galchuun hawaasni dallaawwan kanneen akka diigan hubachiisni kennamuus dubbataniiru.

Qaamolee nageenyaafi bulchiinsaa dhimmi ilaallatu waliin qindaa’uun baatiiwwan lamaan darbaniif hojii duulaa hojjetameen daandiiwwan keessa keessaa bakkeewwan kuma 1,434 irratti dalleeffamanii turan banamuus ibsaniiru.

Yeroo itti aanutti hojiin bakkeewwan kuma 1 ol ta’an irratti daandiiwwan cufaman bansiisuun akka raawwatamu eeraniiru.

Bitootessa 01, 2018
Finfinnee

10/03/2026

Gamtaan Afrikaa haleellaan Galoo Galaana Baha Jiddu Galeessaa dhiyeessa anniisaa Addunyaafi Dinagdee Afriikaa miidhaa jiraachuu akeekkachiise

Komishiniin Gamtaa Afriikaa haleellaan bu’uuraalee misoomaa murteessoo naannoo Galoo Galaana Baha Jiddu Galeesssaatti babal’achaa jiru nageenya anniisaa addunyaa balaa irra kan buusuufi dinagdee biyyoota Afriikaa miidhaa jiraachuu akeekkachiiseera.

Haalli naannoo Galoo Galaana Baha Jiddu Galeessaa kun torban darbe keessa Yuunayitid Isteetif Israa’el haleellaa Iraani irratti raawwachuu hordofee waraanni naannichatti babalachuun caalaatti hammaataa dhufeera.

Iraan tarkaanfii haaloo ba’uu fudhatteen buufataalee waraana Yuunaayitid Isteetisiifi bu’uuraalee misoomaa biyyoota Galoo Galaanaa keessatti argaman irratti xiyyeeffachaa jirti. Haleellaan kun tasgabbii dhiyeessii anniisaafi daandiiwwan daldalaa addunyaatiif murteessaa ta’an irratti yaaddoo guddaa uumeera.

Bitootessa 01, 2018
Finfinnee

09/03/2026

Application WhatsApp Irratti Of Eeggannoo Gochuun WhatsApp Keessan akka hin xalafamne Taasisaa jedhameera.

Suura olii irratti ka'ameera dubbisaa.

09/03/2026

🌍Oduu Gaggabaaboo!!

🇺🇸🇮🇷Pireezidaantiin Yunaayitid Isteetis Doonald Tiraamp hidhattoota ameerikaa walitti bu'iinsan du'an yaadachuuf sagantaa qophaa'ee irratti Waashingitan Iiraan irratti haleellaa ishee cimduuf waadaa yeroo galte kanatti hidhattoonni Ameerikaa 8 du'uu isaanii mirkaneessaniiru.

🇮🇷🇧🇭Bahireen haleellaa xiyyaara nama malee Iiraan taasifteen namoonni 32 madaa'uu isaanii beeksifteerti. Kanneen keessaa namoonni 4 haala hamma keessa akka jiranii fi daa'imman yaala baqaqsanii hodhuu isaan barbaachisu keessatti argamu jedheera.

🇱🇧🇮🇱Mootummaan Liibaanoos, haleellaa dabalataa Israa'el magaalota kibbaatti raawwatteen namoonni miliyoona walakkaa ol ta'an dirqamaan qe'ee isaanii irraa buqqa'uu beeksiseera. Haleella kanaanis daa'imman 83 dabalatee yoo xiqqaate namoonni 394 ajjeefamaniiru.

🇸🇦🇮🇷🇮🇶Sa'udi Arabiyaan gama isheetiin haleellaa iraan kutaa bulchiinsa giddu gala kaarjiitti raawwatteen namoonni 2 yoo ajjeefaman, namoonni 12 madaa'uu isaanii ibsiteerti. Biyya Iiraaq Erbilittis dhohiinsi dhagahameera.

🇺🇸🇮🇱🇮🇷Ameerikaa fi Israa'el yeroo ammaa Iiraaniin rukutaa kan jiran yoo ta'u, magaalaa Quumii fi Tehraanitti dhoo'insi garagaraa dhaga'amaa jira. Haleellaa israa'el kuufama boba'aa Iiraan irratti raawwatteen magaalaa guddoo Iiraanitti aarrii summaa'a erga uumamee sa'aatii muraasa booda haleellaan kun itti fufeera.

🇮🇷🇮🇱Iiraan haleellaa misaa'ilaa haaraa gara israa'elitti dhukaasuu qaamni tajaajila oduu Tasniim ibseera.

🇸🇦🇺🇸Imbaasiin ameerikaa Riyaaditti argamu hojjattoonnii fi maatiin isaanii gadhiisanii akka bahan ajajeera.

Gurraandhala 30, 2018
Finfinnee

08/03/2026

Obbo Iyyoob Masaafint hogganaa paartii Izeemaa ta'anii filaman!

Obbo Iyyoob Masaafint dura taa'a paartii Izeemaa kan turan Obbo Birhaanuu Naggaa bakka bu'uun hogganaa paartichaa ta'uun filamaniiru.

Paartichi marii hatattamaa guyyaa har'aa gaggeesseen maniifeestoo filannoo isaa kan gaggeesse yoo ta'u, seera ittiin bulmaata 50's miseensotaa ifa godhaniiru.

Seerri ittiin bulmaata kun keessattuu ijaarsa mootummaa biyyaa, fayidaa biyyoolessaaf, Dinagdee fi misooma akkasumas dhimmoota biroo of keessatti kan hammateedha.

Paartiin Izeemaa walgahii ariifachiisu taasiseen obbo Iyyoob Masaafint dura taa'a paartichaa fi obbo Nigaatuu Waldee itti aanaa godhee kan filate yoo ta'u, dura taa'aa duraanii Obbo Birhaanuu Naggaa fi itti aanaa isaanii kabajaan gaggeessaniiru.

Gurraandhala 29, 2018
Finfinnee

MEDIA HAQAA

13/03/2026

11/03/2026

11/03/2026

11/03/2026

10/03/2026

10/03/2026

10/03/2026

10/03/2026

10/03/2026

09/03/2026

09/03/2026

08/03/2026

Address

Telephone

Website

Alerts

Contact The Establishment

Shortcuts

Share

Category