16/10/2026
Foon kiyya, warra hundeen qarooma nagayaa keessaani ? Ani obboleessi keessan MUE kan onneerraa isin jaalatu fi kabaju, jaalala fi khabajaan tiyyaa bakka jirtanitti isiin haa geeysu jechaa.
Dhaamsa kana obsaan naaf dubbisaa.
Hojiin miidiyaa kanarratti, Aadaa, Duudha, Seenaa, Leccaalloo, Qabeenya fi qaroomina Oromoo fi Oromiyaa barachuu fi dhaloota barsiisuuf haga humna kiyyaa irratti hojjachaa turuun koo ni beekama. Hojii kana hojjaachuun anaaf hojii qofa osoo hin taane, fedhii fi hawwii kiyya isa guddaa waggaa bayyeedhaaf biyyaa Ormaa keessa taa'ee hamoonaa turee fi kaayyoo jireenya kiyyaati. Dhaloota boruutiif seenaa biyyaa fi sabaa bifa qulqullina qabuun kuusuun abjuu kiyya isa guddaadha. Haatahu garuu akkuma jireenya keessatti ilma namaa hunda mudatu, anis yeroo hojii kana hojjadhu bu'aa-bahii meeqa keessa dabaree, golaa meeqa qaxxaamurree hojii kana isiin biraan gahuu keeysatti yeroo tokko tokko haalotni dadhabsiisoon na mudatan hedduutu jira. Adeemsa kiyya kana keessatti gufuwwan tokko tokko na qabuun duubatti na dhiibuu fi hamilee kiyya xuquuf yeroo yaalan, keessi kiyya baay'ee gaddee ture. Haalonnii na mudatan hanga sadarkaa guutummaatti hojii kana dhiisu irraan na gahaniis, Ani garuu abdii kutachuu fi kaayyoo kiyya dhiisuu waan hin barbaadneef, obsee ciniinnadheen, hamilee teessan galaa godhadheen as gahe, Rabbiif galannii ha gahuu. Hojiin kun kan dhuunfaa osoo hin taane, kan ummata guddaa kanaa waan ta'eef, ani kophaa hojjadhus kophatti murtee itti kennuu waan hin dandeenyeef, har’a dhugaa fi miira kiyya isiniif qooduu murteesse. Kanaaf eegaa, imala keenya kan bifa suursagalee (Video) hojjachuu fi dhiheessuuf haalli naaf mijjatu dideef, anis akka yaada kiyyaatti guutummaatti dhiisee isin irraa addaan bahu osoo hin taane, bakkuma jiruu fi haaluma keessa jiruun, bifa sagaleetiin (Audio) beekumsa Aadaa, Duudha, Seenaa, qabeenya fi qaroomina biyyaa fi Saba keenyaa isiniif qooduu jalqabuuf yaada qaba., Isinis yaada keessaan nuuf gumaachaa.
Yoo RABBII nuuf laaffise, Insha Allah.
Foon kiyya, eebbaa fi hamileen keessan abdii fi humna kiyya.
Jaalalli fi kabajni ani isiniif qabu daangaa hin qabu! 🙏❤️
