Abkushniya

04/06/2026

አንድ አባት
''ጥቅስ የሚጠቀስበት ጊዜ አለ፣ወግድየሚባልበት ጊዜ አለ'' አሉ።
የጥቅሱ ጊዜ ያለቀ አይመስላችሁም?

03/06/2026

ፍትህ ለአርሲ ኦርቶዶክስ
ጥያቄው ከመብዛቱ የተነሳ ከደርዘን በላይ ሁኖአል። ከአንዴ ሁለት ጊዜ ጥያቄ ጠይቀህ ካልተመለሰልህ ሁኔታው እንዲቀጥል ተፈልጓል ወይም ከአቅማቸው በላይ ነው ማለት ነው። በተደጋጋሚ መጠየቅ እንደ ልማደኛ ወይም አቅመ ቢስነትን ያሳያል። ስለዚህ በስነ-ስርዓት ጠይቀህ ካልተመለሰልህ ጉዳዩን የማስተካከል ድርሻ በክንድህ ላይ ነው። ለማያዳምጥ መናገር ጊዜ ማባከን ነው ። በትክክለኛው ጊዜ ትክክለኛውን ነገር አድርጎ ከዘገየህ አቅምህን ችሎታህን ድጋፍህንም ልታጣ ትችላለህ። ምክንያቱም ታሪክም የሚያስረዳ ያንኑ ስለሆነ።

16/05/2026

አሁን ባለንበት ዘመን ታዋቂ ሰው መሆን ተፅኖ ፈጣሪ ሰው መሆን ለዜና ፍጆታ ከመሆን ባለፈ ምንም ለህብረተሰቡ የሚፈይዱት ነገር የለም ። ይሀን ስል ሁሉንም ለማለት አይደለም እንዲነገርላቸው የማይፈልጉ ነገር ግን በዝምታ ለማለፉ አስተዋይ ሙገሳ የማያጓጓቸው የሚኖሩት ለተፈጠሩለት አላማ( ሰውን መርዳት) የሚታትሩትን አይጨምርም።

በመፅሀፍ እንደተገለጸው '' የተመረጡትን እስኪያስት ድረስ '' የተባለው አሁን እኛ ባለንበት ዘመን እየተስተዋለ ይገኛል ። ሰው መመዘኛው ንብረቱ እና ታዋቂነቱ እንጅ አስተሳሰቡ በሚሰራው ስራ መሆኑ ከቀረ ሰነባብቷል። ወደየት እየሔድን ባናውቅም ነገር ግን ወደ አንድ ወደሚያስፈራ አቅጣጫ እየሄድን እንደሆነ ግልፅ ነው። እንደዚህ ለማለት መነሻ ወይም አመላካች ጉዳዮችን በዝርዝር እንመልከት :-

1 በሀይማኖት ስም እየተሰራ ያለው አላግባብ የሆነ ድርጊት ይህም ማለት መንፈሳዊ በሆኑ ስዎች የሚታየው ህዝብን ለነፍሱ እንዲያድር ፣በተስተካከለ እና ሀይማኖቱ በፈቀደዉ መንገድ እንዲሔዱ ከማድረግ ይልቅ ለእነሱ የሀብት ማከማቻ ድልድይ ለማድረግ ሲሞክሩ ሲታዩ ፤ ሌላው ምዕመኑ ጠዋት ለታቦት ማታ ለጣዖት በመሆኑ

2 የመንግስት ተሻሚ ወይም የህዝብ አስተዳደር ስልጣን የያዙ ሰዎች መንግስ ከሚከፈላቸው ደመወዝ ውጭ ከህዝቡ የሚቀበሉት ገንዘብ ( ሙስና) እና አላግባብ የሆኑ የውሎ አበል እየተባሉ የሚወጡ ወጭዎች ፤

ስልጣን ሰው ባለው አቅም እና የትምህርት ደረጃ ሳይሆን በዘመድ ፣ በጓደኛ ፣በጥቅም መሆኑ ። እዚህ ላይ የትምህርት ማስረጃው ትክክለኛነት እና ከ ዩኒቨርስቲ እና ከግል ኮሌጆች የተመረቁት እኩል መታየታቸው አግባብ አለመሆኑ

3 ስርዐት አልበኝነት መስፋፋቱ ይህ በሁለት መንገድ ይፈጠራል የመጀመሪያው የህግ ክፍተት ሲኖር ፣ ህግን የሚያስከብሩ ሰዎች የድርጊቱ አካል ሲሆኑ እና መንግስት ህግ የማስከበር አቅም ሳይኖረው ሲቀር

4 ይህ ዋነኛው እና ትልቁን ድርሻ የሚወሰደው ሲሆን ጉዳቱም ከፍተኛ ነው። ይህም በማህበረሰቡ ዘንድ መተሳሰብ ፣ መተዛዘን ፣መረዳዳት እና መሰል አብሮ የመኖር እሴቶች መሸርሸር

ወደ አንድ አላስፈላጊ አቅጣጫ እየሄድን እንደሆነ ያመላክታል ።

አሁን አገራችን አራቱንም ጉዳዮች እያስተናገደች ነው ስለዚህ ወጣቱ፣ ጎልማሳው የተማረው፣ ያለተማረው፣ሴቶችም ከገባንበት ውጥቅጥ ችግር ለመውጣት መወያየት መነጋገር አለበት።

09/05/2026

ላለማሰብ ማሰብ ይበልጥ ማሰብ ነው።🤔🤔🤔

08/05/2026

የት ቦታ መገኘት እንዳለብህ
ከማወቅ በላይ ዕውቀት የለም።🤔🤔🤔

08/05/2026

የማይሞት ሰው እንደሌለ ሁሉ
ዕውቀት የሌለው ሰው የለም።🤔🤔🤔

26/04/2026

ሰው ልቡ ቅን ቢሆን ቢፈልግ መደመም፣
ከእየሱስ ሰው መሆን በላይ ታምር የለም።
🤔🤔🤔

14/04/2026

አለቀ መሰለኝ እምነቱ ፀበሉ
ጤነኛ ሰው ጠፍቶ እብዶች አገር ሞሉ!🤔🤔

28/11/2025

የምስጋና ዋጋ
አመስጋኝነት ወይም ላገኘኸውም ላጣኸውም ማመስገን ትልቅ ዋጋ አለው።
አብዛኛውን ግዜ የምናማርረው ለመስራት ሞክረን ሳይሳካ ሲቀር ወይም ደግሞ በእድል ያን የፈለግነውን ማግኘት ስላልቻልን ነው።
ፈጣሪ ቸር ለልጆቹ ከልጆቹ በላይ አብልጦ የሚያስብ አስቦም መልካም ነገር የሚያደርግ መሆኑን ሁላችንም እንስማማለን፤ስለዚህ እግዚአብሔር የፈለግነውን በሙሉ ስላልሰጠን ለምን እናማርራለን። ለምን መሰላችሁ ምክንያቱም እኛ ያን ስራ ስናቅድ በአጭር ጊዜ ከምናገኘው ጥቅም፣ትክክል መስሎ ስለታየን ብቻ ያቀድነው ሳይሳካ ፈጣሪ ስላልፈቀደው ነው፣ብዙዎችን ሊጎዳ ሊችል ይችላል፣በአጠቃላይ እግዚአብሔር ስላልፈቀደው ነው ከማለት ማማረር እና በእድላችን ማዘንን እንመርጣለን።
እስኪ በአጠገባችሁ ያሉትን ዘወትር እግዚአብሔር ይመስገን የሚሉትን ነገር ግን በመድከም በመባዘን ከእናንተ የሚያንሱትን ጓደኞቻችሁ ተመልከቱ በኢኮኖሚም በደስታም ከእናንተ የተሻሉ ናቸው። አያችሁ አደል የማመስገንን ዋጋ ሊገመት አይችልም።
እግዚአብሔር አመስጋኝ ያድርገን ።

10/08/2025