Fre Habeshawit

12/09/2020

31/05/2020

~~~~~~~~~~~~~~~~~~~~~~~~~~~~
እረፉ!
ዘመመ ብላችሁ የሠው ቤት አትግፉ
እሾህ ለማሳመር አበባ አታርግፉ፡፡
እረፍ!
ቆሜያለሁ ለማለት አጥሬን አትደገፈ
ለአመዳም ወዘናህ ቆዳዬን አትግፈፍ፡፡
እረፍ!
በመስመርህ ፍካ በድንበርህ ለምልም
በየአልጋህ እደር በየእንቅልፍህ አልም፡፡
እረፊ!
በኩረጃ ንባብ ትርጉም አትግደፊ
በሰባራ መርፌሽ የሠው ልክ አትስፊ፡፡

ማን እንደጠለፈኝ ማን እንደሰበረኝ
ጠያቂ አጣሁ እንጂ መልስማ ነበረኝ
ምክንያት ታመመ መፍትሔ ታመመ
ከጥያቄ በፊት መልስ እየቀደመ፡፡
ሌብነት ገነነ ግርግር ገነነ ብልጭልጭ ገነነ
ድንግርግር ገነነ ኪሳራ ገነነ
ደላሎች ገነኑ ደላሎች ጀገኑ
ባልዋለ ገበያ ዋጋ እየተመኑ፡፡

29/05/2020

~~~~~~~~~~~~~~እጆቹ~~~~~~~~~~~~~~
ከስድስት ምዕተ አመታት በፊት ኑረምበርግ ከተማ አጠገብ ባለች አንድ ትንሽ መንደር ውስጥ አስራ ስምንት ልጆች ያሉበት አንድ ቤተሰብ ይኖር ነበር፡፡ ለዚህ ሁሉ ልጅ ምግብ ለማቅረብ አንጥረኛ የሆነው አባወራ በቀን አስራ ስምንት ሰአት በሙያው እና ከሙያው ውጪ መስራት ነበረበት፡፡
የቤተሰቡ የኑሮ ሁኔታ የከፋ ቢሆንም ከልጆቹ ውስጥ ሁለቱ ታላላቆች ልዩ ህልም ነበራቸው፡፡ ስነ-ጥበብ ማጥናትና ዝነኛ ሰዓሊ መሆን አባታቸው ኑረምበርግ ወደሚገኘው የስነ-ጥበብ አካዳሚ ልኮ ሊያስተምራቸው የሚያስችል የገንዘብ አቅም እንደሌለው ግን ሁለቱም ያውቁ ነበር ፡፡
አንድ ምሽት በተጨናነቀው አልጋቸው ላይ ሆነው በህልማቸው ዙሪያ ለረጅም ሰዐት ተወያዩና ወደ ስምምነት ደረሱ እጣ ሊጣጣሉም ወሰኑ በእጣው የተሸነፈው በአቅራቢያቸው ወደሚገኘው የማዕድን ማውጫ ሄዶ እንዲሰራ በሚያገኘውም ገቢ ወደ ከፍተኛ ትምህርት የሚሄደውን ወንድሙን እየረዳ እንዲያስተምር፡፡ እጣ የወጣለት ወንድም ደግሞ በኑረምበርግ ከተማ በሚገኘው ከተማ በሚገኘው የሥነ-ጥበብ አካዳሚ የአራት አመት ትምህርቱን እንዲማርና ትምህርቱንም ሲጨርስ በሚመረቅበት የሥነ-ጥበብ ሙያ ከሚሰራቸው ስዕሎች ሽያጭ በሚያገኘው ወይም አስፈላጊ ከሆነ እሱም በማዕድን ቁፋሮ ስራ ተቀጥሮ በተራው ያስተማረውን ወንድሙን ሊያስተምር ውሳኔ ላይ ደረሱ፡፡
አንድ እሁድ እጣው ተጣለ ታላቁ አልብሬሽት ዱረር የተባለው ወንድም እጣው ወጣለት ኑረምበርግ ከተማ ወደሚገኘው የስዕል አካዳሚ ገባ፡፡ እጣ ያልወጣለት ወንድም ወደ አደገኛው የማዕድን ቁፋሮ ስራ አመራ ለተከታዮቹ 4 አመታትም ወንድሙን በገንዘብ እየረዳ አስተማረ አልብሬሽት የአካዳሚው የስዕል ትምህርት ተዋጣለት፡፡ በልዩ ልዩ የስዕል ስራዎች የተካነ ሆነ የሚሰራቸው የቅብ ስዕሎች ከመምህራኑ ስዕሎች ይልቅ የላቁና እየተወደዱ መጡ፡፡ በኮሚሽን ለሚሰራቸው ስዕሎች ዳጎስ ያለ ገንዘብ ይከፈለው ጀመር፡፡ ወጣቱ ሰዐሊ ትምህርቱን አጠናቆ ወደ መንደሩ ሲመለስ ቤተሰቡ በድል መመለሱን ምክንያት በማድረግ ድግስ ደግሶ ጠበቀው፡፡ በሙዚቃና በሳቅ በደመቀው ግብዣ መጨረሻ ላይ ሰአሊው አልብሬሽት ከክብር ወንበሩ ተነሳና ለተወዳጅ ወንድሙ ለአመታት ስለከፈለው መሰዋእትነት ህልሙንም እንዲያሳካ ስለረዳው ጽዋ አነሳ፡፡ በመዝጊያ ንግግሩም "የተባረክህ ወንድሜ አልበርት ሆይ አሁን እንግዲህ ተራው ያንተ ነው ወደ ኑረምበርግ ትሄዳለህ አንተም ህልምህን ታሳካለህ እኔም በተራዬ እንከባከብሀለው"አለ፡፡ በገበታው የታደሙት ሁሉ አንገታቸውን ከገበታው አንድ ጥግ ላይ ወደ ተቀመጠው የማዕድን ሰራተኛ አዞሩ ፡፡ በገረጣው ፊቱ ላይ እንባው እየተንከባለለ በጉንጮቹ ላይ እየፈሰሰ ነው ራሱንም ከግራ ወደ ቀኝ እየወዘወዘ ሳግም እየተናነቀው ደጋግሞ "አይሆንም አይሆንም ወንድሜ ሆይ.....አይሆንም" አለ፡፡ በመጨረሻ ብድግ ብሎ እንባውን ከጉንጮቹ ላይ በማበስ አሻግሮም በገበታው ላይ የታደሙትን የሚወዳቸውን ፊቶች በፍቅር እየተመለከተ ሁለት እጆቹን አጣምሮ ወደ ቀኝ አገጩ በማስጠጋት ለስለስ ባለ ድምፅ "የለም ወንድሜ ሆይ ኑረምበርግ ልሄድ አልችልም ለእኔ ዘግይቷል የአራት አመት የማዕድን ቁፋሮ ስራ እጆቼን ምን እንዳደረጋቸው ተመልከትማ! በጣቶቼ ላይ ያሉ አጥንቶች ሁሉ ቢያንስ በቀን አንድ ጊዜ ይጎዱ ነበር ከቅርብ ጊዜ ወዲህ ደግሞ በከባድ የቁርጥማት በሽታ እየተሰቃየሁ ነው በእርሳስ እና በብሩሽ ሸራ ላይ ስዕሎችን መቀባት ይቅርና አላስተዋልከኝም እንጂ ፅዋችንን እናንሳ ስትል ፅዋውን ለመያዝ እንኳ የቀኝ እጄ አልቻለም፡፡ ለእኔ ዘግይቷል" አለ፡፡
ይህ ታሪክ ከተፈፀመ 450 ዓመታት በላይ አልፎታል፡፡ በብዙ መቶዎች የሚቆጠሩ የአልብሬሽት ዱረር እፁብ ድንቅ ሰራዎች የራስ ምስሎች የእርሳስና የውሀ ቀለም ቅቦች የቻርኮል ስራዎች የእንጨት ቅርፃ ቅርፆች የመዳብ ወቅሮች በመላው አለም ባሉ ሙዚየሞች ተሰቅለው ይገኛሉ፡፡ ይሁን እንጂ ብዙ ሰዎች ከሌሎች ስራዎች ይልቅ እጆቹ የሚለውን ስራውን ቅጂ በየቤቶቻቸውና ቢሮዎቻቸው ግድግዳዎች ላይ አንጠልጥለውታል፡፡
አንድ ቀን ወንድሙ ለከፈለለት መሰዋእትነት አክብሮት ለመስጠት አልብሬሽት ዱረር በከፍተኛ ጥንቃቄ የወንድሙን የተጎዱ እጆች መዳፎቹ ተገጣጥመው ቀጫጭን ጣቶቹ ወደ ሰማይ ተዘርግተው የሚታዪበትን ስዕል ሳለ፡፡ ይህንን ድንቅና ሀያል ስራውንም እጆቹ የሚል ስያሜ ሰጠው ፡፡ ብዙም ሳይቆይ በአለም ዙሪያ ስዕሉን የተመለከቱ ሁሉ ለዚህ ታላቅ ስራ ልባቸውን ከፈቱለት፡፡
ይህን በፍቅር የተነሳ የተሳለ ስዕልም "የሚፀልዩ እጆች" ብለው
ሰየሙት፡፡

28/05/2020

በ2012ዓ/ም ምድራችን የሚገጥሟት ከባባድ ፈተናዎች በመጋቤ ሀዲስ ሮዳስ
ምድራችን በእኛ አቆጣጠር በ2012 ዓ/ም በፈረንጆቹ 2020 ዓ/ም በከባድ ፈተናዎች ውስጥ እያለፈች ነው፡፡ እጅግ ጥንታዊው ከ1200 ዓመታት በፊት በነበረው የማያ ዘመን ቀመርአዲስ ያልተለመደ ክስተት የሚጀምርበት ዑደቱ የሚጠናቀቅበት የተፈጥሮ አደጋዎች በዝተው የሚታዩበት 2012 ላይ መሆኑን የሚያሳይበመሆኑ ብዙ አለም አቀፍ ተመራማሪዎች በፈረንጆቹ 2012 ላይ መስሏቸው ብዙ አስተያየት በጊዜው ሲሰጡ ቆይተው ነበር፡፡2012 የሚል አስፈሪ ፊልም ከማያ የዘመን ቀመር በመነሳት የፈረንጆች 2012 ከመድረሱ 3 ዓመት ቀድሞ 2009 ላይ በሆሊውድ ተሰርቶ በሮናልዶ ኤመሪክ ተዘጋጅቶ ሁላችንም ተመልክተናል፡፡
ነገር ግን በፈረንጆቹ 2012 ምንም ሳይከሰት በኛው 2012 ዓ/ም ደርሷል፡፡ የኛው 2012 ዓ/ም ግን ገና ከጅምሩ ለአለማችን አስደንጋጭ ሆኗል፡፡በዚህ አመት ምድራችን የገጠሟት በርካታ ነገሮች ቢሆኑም ከነበሩት አስደንጋጭ ጉዳዮችና በዚህ አመት ከሚያጋጥሟት ዋና ዋናዎቹን ክስተቶች በጥቂቱ መርጬ እፅፋለሁ፡፡
1ኛው ከፈረንጆቹ የልደተ ክርስቶስ በዓል አስቀድሞ እጅግ አውዳሚና አደገኛ 310442(2000ch59)የተባለው ግዙፍ አስትሮይድ(አለት) ከፈረንጆቹ ገና (christmas) በፊት ታህሳስ 16 (December26) በእኛ 4፡54 ወይም 2፡54 am Est ላይ ምድርን አልፏት መሄድ ነበር፡፡ ይህንንም ኢንዲፔንደንት የገና ተአምር በሚል አስነብቦ ነበር ፡፡ይህም አለት ቢወድቅ ኖሮ በኒውዮርክ የሚገኘው1792 ጫማ የሚሆነውን ትልቁን የመገበያያ ማዕከል(Trade center) የሚበልጥ ነበርና ምድር ላይ ከባድ ሱናሚ ያስከትል ነበር፡፡
2ኛው በ2012ዓ/ም ላይ ከመስከረም ጀምሮ እስከ ጥር የተከሰተው ሌላው እጅግ ከባድ የነበረው የአውስትራሊያው ሰደድ እሳት ነበር፡፡ይህ ከባድ እሳት 18.6 ሚሊየን ሄክታር(46 ሚሊየን ኤከር 186000 ስኴር ኪሎ ሜትር 72000 ስኴር ማይልስ) ሲሸፍን 5900 ህንፃዎችን ጨምሮ 2779 ቤቶችን አውድሟል በተጨማሪም የ34 ሠዎች 1ቢሊየን እንስሳትን ገድሎ ማለፉን የቅርብ ጊዜ ትውስታ ነው፡፡
3ኛው ከቻይና ሁዋን እንደተቀሰቀሰ የሚነገርለት የኮሮና ቫይረስ Covid-19 ወረርሺኝ በመላው አለም ግስጋሴውን እየጨመረ ዓለማችንን ከባድ ስጋት ላይ ጥሏታል በእድሜያችን አይተነው በማናውቀው መልኩ በረራዎች ቆመዋል ድንበሮች ተዘግተዋል መላው አለም በአሁኑ ሰአት በጭንቀት ተውጣለች፡፡
4ኛው ቀጣዩ የዚህ አመት የአለማችን ስጋት የሚቀጥለው ወር ሚያዚያ21 (April 29)2012 ዓ/ም የኤቨረስት ተራራን የሚያህል 52768(1998IR2) ተብሎ የተጠራ ግዙፍ አስትሮይድ (አለት) ከሰማይ በሰአት 19.461 እየበረረ ከመሬት በ3,908,791 ማይልስ ርቀት ምድርን ማለፉ ነው፡፡ ቢወድቅ ምድርን ሊጎዳት የሚችለው ይህ አውዳሚ አለት መድርን ስቷት ይሄዳል እንጂ አይነካትምና ተረጋጉ የሚል መልዕክቶች ከናሳ እየወጡ የገኛሉ፡፡
5ተኛ በዚህ አመት እጅግ በዝቶ በምስራቅ አፍሪካ እና አረብ ሀገራት ከየመን የተነሳው የአንበጣ መንጋ እህልን በከፍተኛ ሁኔታ አውድሞ ማለፉና ሄደ ሲባል እንደገና እየተፈለፈለ መምጣቱ ከባድ ነው፡፡
ከሀገራችን ከኢትዮጵያ ጋር ተያይዞ የ2012 ልዩ ክስተት የሚሆነው (June 21)2020 በእኛ አቆጣጠር ሰኔ 14/2012 ዓ/ም ቀለበታዊ የፀሀይ ግርዶሽ ኢትዮጲያ ውስጥ ከምዕራብ ኢትዮጲያ አንስቶ እስከ ሰሜን ምስራቅ ኢትዮጵያ መታየቱ ነው፡፡ ክስተቱም ወለጋ አካባቢ ጀምሮ ከፊል ጎጃምን ከፊል ጎንደርን አልፎ ወደ ወሎ በተለይ ላሊበላ አካባቢ ድረስ ስለሚታዩና ቀኑ የሚጨልምበት ስለሚሆን በህይወት ዘመናች ልናየው የምንችለው አስደማሚ ነገር ነው፡፡ ስለዚህ ጉዳይ በይበልጥ ለማወቅ በአንድሮሜዳ መፅሐፍ ላይ የተፃፈውን ማንበብ ትችላላችሁ፡፡
እግዚያብሔር ምድራችንን ከክፉ ነገረ ይሰውርልን ዓመቱን በሰላም ያሳልፍልን፡

01/05/2020

21/04/2020

ኢትዮጲያ እጆቿን ወደ እግዚያብሔር ትዘረጋለች!!!