13/08/2026
isa nu uumeedha, isa nu jiraachisuudha, isa bulchu isa nu bituudhas. Inni uumaa keenya waan ta'eef ulfina hundumaa nuraa argachuun, akkasumas akkamitti akka jiraachuu qabnu, akkamitti akka isa waaqeffachuu qabnu nu abboomuufis inni abbaa aangoodha.
dinqisiisaan tokko immoo Waaqayyo inni uumaa qajeelaan kun utuma nuti cubbamoota taane jirruu jaalala isaa isa qulqulluu sanaan nu jaallatee, qooda cubbuu keenyaa fannoo irratti ilma isaatti faradee, hojii furii Gooftaa keenya Yesuus Kiristoosiin nuuf lakkaa'ee, nuunis akka qajeelotaatti nu lakkaa'ee of dura nu dhaabera. Karaadhuma Kiristoosiinis akka ilmaan isaatti nu simateera. Nuti kaleessa miseensa maatii isaati hin turre, inni garuu hojii fannoo ilma isaatiin akka ilmaanitti nu simateera, kanaaf nuti Waaqayyoof ilmaan guddifachaati ( sons). Kanaaf immoo inni akka abbaatti nu kunuunsa, nu soora, nu eega, nu adaba, nu qajeelchas, waan barbaachisu hundumaas nuuf kenna.
namoonni tokko tokko dubbatan, nuti har'a mirga akka ilmaaniitti lakkaa'amu arganne jechuun, mootota sagaleedhaan biyya lafaa bulchan, namoota abboomanii kiristoosiin hojjechiifatan, waaqayyolii xixinnoo, namoota homtuu itti hin hir'anne, namoota hin dhukkubsanne, seexanaan hin qoramne, fedha fooniitin hin qoramne, argachuuf dhabuudhaan hin qoramne, cubbuudhaanis hin qoramne taane jechuu miti, qooda kanaa iyyuu namummaa kèenya isa gadadamaa kana keessa amma jirrutti cubbuudhaan namoota wal'aansoo qaban, namoota aadan, namoota furamuu isaanii hawwaan eeggatan, namoota lafaan dha'aman garuu achitti hin hafne, namoota gaddan garuu yeroo hundumaa gammadan, namoota karaa hundumaa rakkatan garuu badduu hin baane, namoota ari'ataman garuu hin gatamne, namoota lafaan dha'aman garuu achumatti hin hafne, namoota gara itti goran wallaalan garuu abdii hin kutanne, maqaa toluunis maqaa baduunis jiraatan, reebaman, hidhaman, akka namoota hin beekamneetti lakkaa'aman taanee ni jiraanna, garuu kana hundumaa keessatti Waaqayyo isa taatewwan seenaa ilmaan namootaa hoogganee jiru waan ta'eef, Waaqayyo gara keenya waan ta'eef ni jabaanna, humna ni godhanna, rakkina gammachuutti lakkaa'anna, Kiristoos deebi'ee nuuf dhufuu isaas abdiidhaan eegganna.
isaa Waaqayyo warra fo'ateef warra jaallateef, warra karaa wangeela isaatii waamicha dinqisiisaa isaaniif godheef, warra karaa hafuura isaatii jijjiirama dhugaa laphee isaani keessatti fideef waan hundumaa gaarummaadhaaf waan godhuuf.
Isa bira hamminni, jal'innis waan hin jirreef, inni abbaa isa gaarii waan ta'eef. Kanaaf obbolootako! Har'a ni rakkannaahoo? Eeyyen hundumti keenya iyyuu! Gosti isaa fi sadarkaan isaa, bu'aan inni jireenya keenyaaf buuse gargar yoo ta'eyyu! Maal tu nu jajjabeessare? Rakkinni salphaan inni nuti yeroof baannu kun ulfina safara malee guddatu sanaaf waan nu qopheessuuf! Utuu lubbuun jirruu nutti hin tolle taanaan wanti du'a boodaa maal faayidaa qaba jetteeti? wanti foonni keenya yaadu isuma kana, garuu nuti amma biyya darabaa jirra, mana keenya irraa fagaanne godoo keessa jirra, hamam mana keenya geenyutti ergaa dhufnee kararraa jirra, garuu biyya kanarra wayyu, gammachuu safara malee guddatu, abdii eebbifamaa mirga Waaqayyoti qabna!
obbolootako rakkina nutti dhufeen abdii kutannee ofirra gad taa'u hin qabnu, ayyaana waaqayyoo amanachaa amanamummaadhaan fuula Waaqayyo haa deddeebinu, amantii isa gati jabeessa sanaaf haa lollu, obboloota garaa dhugaadhaan haa jaallannu, cubbuu keenya irraa qalbii haa jijjiirrannu, gara Waaqayyo isa araaraan guututtis haa deebinu!
WAAQAYYO MOOTII JIREENYA KEENYAATI, NUTIS GARBOOTA QAJEELUMMAA ISAATI. AMEEN
Dhugaa Tokkicha
