10/05/2026
Uumamoonni dhala namaa caalaa qaroomina qaban addunyaa kana keessatti yookin bakka biraa jiraachuu danda’u jechuun yeroo ammaa irratti haasa’amu keessaa isa guddaa ta’aa dhufeera. Dhugumaan garuu wanti akkanaa ni jiraataa laata?
Bara darbe qorattoonni Yuniversii keessatti wanta guddaa yeroo jalqabaaf argan tokko ifa baasaniiru. Maqaan isaa “Kuwippuu” (Quipu) jedhama. Inni kun walitti qabama gaalaaksota 68 ol ta’aniiti. Guddatinni isaa hammam akka ta’e tilmaamuuf, biiftuuwwan kuwaadiriliyeenii 200 ta’an waliin madaalamu danda’a jedhameera. Kana bira yoo lafti keenya ilaalamu, akka cirracha xiqqoo tokkootti ilaalamuu danda’a.
Utuu meeshaan tokko saffisa ifaa jechuun sekondii keessatti km 299,774 deemuu danda’eeyyuu, fiixee irraa gara fiixee Kuwippuu kanaatti imaluuf waggaa biiliyoona 1.3 fudhata jedhama. Kun immoo Yuniversiin hammam akka bal’atu agarsiisa.
Qorattoonni akka jedhanitti wanti guddaan akkanaa humna harkisa lafaatiin qofa walitti qabamee turuu hin danda’u. Humni dhokataan “Dark Energy” jedhamu isa walitti qabe jedhama. Garuu wanti guddaan akkasii illee yeroo isaa gaafa ga’u ni dhuma.
Namni yeroo waa’ee uumama akkasii yaadu, ofii isaa hammam akka xiqqaate ni hubata. Uumamni keenya Yuniversii guddaa kana keessatti bakka xiqqoo qofa qabna. Haa ta’u malee Uumaan keenya nu dagatee hin beeku. Akkuma maatiin keenya maqaa keenya beekan, inni immoo eenyummaa keenya guutuu beeka.
Tokkoon tokkoon namaa adda addummaa isaa qaba. Ija, sagalee, dha’annaa onnee, ashaaraa qubaa fi haala hiddi dhiigaa diriireen nama irraa adda ta’a. Namni ashaaraa qubaa balleessuun mootummaa jalaa miliquu danda’a ta’a; garuu Waaqa isa uume jalaa dhokachuun hin danda’amu.
Seerri Fiiziksii illee waan tokko guutumaan guutuutti baduu akka hin dandeenye ni dubbata. Yoo wanti tokko gubateyyuu, hafteen isaa ni jiraata. Garuu dhalli namaa waan bade deebisee akkuma durii taasisuu hin danda’u. Waaqayyo garuu humna seera uumamaa ol qabu waan ta’eef waan barbaade hojjechuu danda’a.
Kanaaf Daawwit Mootichi Macaafa Faarfannaa keessatti “Si jalaa eessatti dhokadha?” jechuun barreesse. Kunis Waaqayyo nama hunda akka beeku agarsiisa. Namni yoo du’e illee Uumaan isaa deebisee isa kaasuuf humna qaba jechuun amantiin barsiisa.
Amma gara mata duree biraatti yoo deebinu, hanga ammaatti dhalli namaa Yuniversiin hammam akka bal’atu guutumaan guutuutti hin beeku. Sababni isaa yeroo hunda babal’achaa waan jiruufi. Yuniversii dhalli namaa amma arguu danda’e keessatti lafti keenya bakka baay’ee xiqqoo qofa qabatti. Kanaaf ofii keenya hammam akka xiqqoo taane tilmaamuun ni danda’ama 😁
Namoonni hedduun Yuniversii guddaa akkanaa keessatti umamni nama qofa akka hin taane yaadu. Uumamoonni “Aliens” jedhanii waamaman jiraachuu danda’u jedhu. Isaan kunneen yeroo garaagaraatti namootatti hin mul’atan jechuun odeeffannoowwan hedduun ni dhiyaatu.
Namoonni Australia, Latin America fi America Kaabaa irraa dhimmicha irratti dubbatan baay’een isaanii ibsa wal fakkaatu kennu. Uumamoonni isaanii keessaa hedduun dheerina seentimeetira 90 hanga 130 gidduu qabu jedhu. Mataa fi ija gurguddaa qabu, qaamni isaanii meetii fakkaatu, gurra immoo hin qaban jedhu. Uumamoota akkanaa “Grey Aliens” jedhanii waamu.
Mootummaan Ameerikaa waggoota dheeraaf qorannoo dhimmicha irratti geggeessaa ture jedhama. Odeeffannoowwan namoonni kennan walitti qabaa ture. Garuu yeroo dheeraaf icciitii taasifamee ture. Amma garuu odeeffannoon muraasni mootummaa irraa ifatti gadhiifamaa jira jedhama.
Namoonni waa’ee dhimma kanaa caalaatti dubbisuu barbaaddan [war.gov/UFO](https://www.war.gov/UFO?utm_source=chatgpt.com) ilaaluu danda’u.
Isin hoo waa’ee uumamoota alagaa kanaa maal yaaddu? Namni isin keessaa waan akkanaa argee yookin dhaga’ee beeku jiraa?
Yaada Keessan Comment gubbaatti nuuf barreessaa.
