ጦቢያ - Tobiya

12/04/2026

ለመላው የጦቢያ ቤተሰብ በአባ መቻል ፣ አባ መላ ፣ አባ ቁረጥ ፊትአውራሪ ሀብተጊዮርጊስ ዲነግዴ ቤትና ቤተሰብ ጋር የነበረንን ውብ ቆይታ ዛሬ ከ7 ሰዓት ጀምሮ በአርትስ ቲቪ እንድትከታተሉ በክብር እንጋብዛለን ።

ለመላው የክርስትና ዕምነት ተከታዮች እንኳን ለጌታችን ለመድኃኒታችን ኢየሱስ ክርስቶስ ትንሳኤ በዓል በሰላም አደረሳችሁ ።

እንዲሁ በማይመች ስፍራና ሁኔታ ይህን ቀን የምታሳልፋ ሁሉ ከትንሣኤው ጋር አብሮ የሚነሳ ህይወት ትታደሉ ዘንድ ከልብ እመኛለሁ ።

በእጄ የምታይዋት "ቆሪ" ከፊትአውራሪ ቤተሰብ የተበረከተችልኝ የበዓል ስጦታዬ ናት ክብር ተሰምቶኛል ።

ወይኒ ዲዛይን የቀሚሴ እመቤት አመሰግናለሁ ።
ቦሌ መድኃኒዓለም ሊንጎ ታወር ሁለተኛ ፎቅ ትገኛለች ።

መልካም በዓል ።

11/04/2026

ትንሣኤን በአባ መላ ፊትአውራሪ “ሀብተጊዮርጊስ ዲነግዴ “ቤት እና ቤተሰብ ጋር

የዓፄ ምኒሊክን እና ፊት አውራሪ ሀብተጊዮርጊስ የተጋመዱበትን የልብ እምነት እና የሀገር ፍቅር ልክ ብንረዳ በደም አደራ የተረከብናትን ኢትዮጵያ ለትውልድ በክብር እናስረክባለን ።

እሁድ ሚያዝያ 4 ከ7 ሰዓት ጀምሮ በአርትስ ቲቪ ።

20/03/2026

ለተወደዳችሁ መላው የእስልምና እምነት ተከታዮች ፣ ወዳጆቻችን ፣ ቤተሰቦቻችን እንኳን ለኢድ አል ፈጥር በዓል አደረሳችሁ ። በዓሉ እንደልቦቻችሁ መሻት የተሳካ ይሁንላችሁ ሀገራችንን ሰላም ያድርግልን ።

07/03/2026

ኑ ወደ ሚኒሊክ እትብት ስፍራ አንጎለላ /እንቁላል ኮሶ / ቀና ብለን እንጓዝ !!!

130 ኛውን “ዐደዋ “ በደብረብርሃን በደማቅ ስነስርዓት አከበርን ።

ጦቢያ ከየካቲት 23 እስከ መጋቢት 23 “ ወርሀ የዐድዋ ድል “ በሚል ስያሜ ለአንድ ወር የሚቆየው መሰናዶ አዘጋጅቷል ። ዘውትር እሁድ ከዘጠኝ ሰዓት ጀምሮ በአርትስ ቲቪ በክብር እንጠብቃችኋለን ።

ዐደዋን ማክበር ክብራችን ነው ።

02/03/2026

ለመላው ኢትዮጵያውያን እንኳን ለ130ኛው የዐደዋ ድል በዓል አደረሰን ። የምንወዳት ሀገራችን ሠላሟ ሰፍኖ ሁላችንም በሁሉም ስፍራ ስለተከፈለልን ዋጋ ለአያቶቻችንን ተገቢውን ክብር የምንሰጥበት ዕድል ፈንታ ይኖረን ዘንድ አጥብቀን እንመኛለን ።

መልካም በዓል !!!

23/02/2026

የ “ዓደዋ “መዳረሻ

ከሰው ጋር ንግግር የማልወደውን
አሳማኝ “ምኒሊክ” የአራቱ ማዕዘን
እንዲህ ያለ አዝማሪ እንዲህ ብሎ ፅፎ
ያሳምናል ዛሬም መቶ ዓመታት አልፎ።

ለንደን

11/02/2026

የኢ. ቢ .ኤስ ቴሌቭዥን መስራችና ዋና ስራ አስፈጻሚ አቶ አማን ፍስሃጽዮን ህልፈት የተሰማንን ሀዘን እንገልጣለን ።

በዘርፋ ላደረጉት ፈር ቀዳጅ ተሳትፎ የማይዘነጋ አሻራ ያሳረፋ ባለውለታችን ነበሩ ።

ለመላው ቤተሰብና ወዳጆች ሁሉ መፅናናትን እንመኛለን ።

ነፍስ ይማር ።

08/02/2026

እንዲህም ያለ የለ !!!

“ወዘፌዜ “ በጨው በረንዳ አፈር ፈጭተን ባደግንበት ካሳደጉን ጉረቤቶቻችን ጋር እንትፍ ብለው ከፍ ያለ ደረጃ ድረሱ ብለው በመረቁን እናትና አባቶች ፣ የነግ ተስፋ በሚሆኑ ህፃናት ፊት በደስታ መረቅነው ።እንዲህም ያለ የለ !!!

ድንኳን አላስፈለገንም ከየቤቱ ከወጡ በተለያዩ ቀለማትና መጠን ያላቸው አንሶላና መጋረጃ ተቀጣጥለው ተገምደው ጥላ ሆነልን ፣ ሀገራችንን መሰልን!!

ተማም ፣ ሙሌ ትንሹ ፣ ሀጎስ ፣መሳይ ፣ አብዱ ፡ አዳነ ፡ መሀመድአሚን ፡ ሙሉጌታ የአብረሐም አባት በገመድ እየቀጣጠሉ ከግድግዳና ከእንጨት ጋር ወጠሩ ፣ ናሆም ፣ ሙሌ ከሰላም በተዋሱት የድሮ ቴሌቭዥን እና ሪሲቨር ቪድዮ ተመረቀ ፣ ጌታመሳይ ረከቦትና ወንበር ከየት እንዳመጣ አላወቅሁም ተሸክሞ ሲመጣ ነው የደረስኩት ፣

የአባዬ ( የተካዬ እናት ) ቤት ጠረጼዛ ምግብ ቀረበበት ፣ ቸኮለች እና ትዕግስት እንጨት ፈልጠው ቡና ቆሉ ፡ የጀሞ የጉራጌ ጀበና ቡና ተፈላበት ፣ አፀዱ እሳት በምድጃዋ ሞልታ አመጣች ፡ ፡ ሙሉ ሙት ዓመት እስከምትሄድ ድረስ አገለገለች ፡ እሸቱ ገና ያልከፈልኩትን ለስላሳና ውሀ ከአሊ ሱቅ በዱቤ ተሸክሞ መጣ ፡ ህፃናቱ ከየቤታቸው የወለል ንጣፍ እየተጓተቱ አመጡ ፡ ሀብቴ እንደ ልጅ ተልኮ ድንኳናችንን ማያያዣ መርፌ ቁልፍ ገዛ ፡ ገሊላ ቡና አፈላች ፡ ስምረት ፣ኤልሳ ፣ትዕግስት ፣ ገነት ፣ ሀረግ በመስተንግዶ ከህፃናቱ ጋር ሲራወጡ ፡ ሲገስፁ ድምፃቸው ቀረፃ ውስጥ እየተሰነቀረ ነበር ፣ራህማ አንባሻ ፣ ወርቄ ድፎ ፣ ሩማና ኩኪስ አዘጋጁ ፡ እትዬ አመቶል ፣ ዘውዴ ይማም ፣ እናቴ ፣ በየተራ መረቁን ።

ከልጅነቴ እያበረቱ በመንፈስ ያሳደጉኝ ባለውለታዎቼ ፣ ፀሀፊ ተውኔት ጋሽ አያልነህ ፣ ደራሲ ውዳላት ገዳሙ ፣ ደራሲ የዝና ወርቁ ፣ በክብር ተገኙ ፡ የለንደኑ አቶ ግርማ ለዕንቁ ዜማ ያልተጠበቀ ስጦታ አበረከቱ፣ የሙዚቃ መምህርት የሺ ደምመላሽ አክብራ መጥታ ስልኬ ማን እጅ እንደሆነ ሳላውቅ የሚያነሳላት አጥታ ሰፈራችን ጠፍቷት መመለሷ ፀፀተኝ ፡ ደራሲ ይታገሱ ጌትነት ሰፈሩን አስሶ አስሶ በመጨረሻ አገኘን :አርግ ሲያቀናጣት የከረመችው ቃልኪዳን እንዳለ ግንዲላ ላይ ቁጢጥ የታባቷ ሰርግ ብቻዋን በልታ : አቶ መዝገቡ ዘመነ የካሊፎርኒያ ስቴት ዩኒቨርሲቲ የአፍሪካ አምባሳደር ከረጅም ዓመታት በኋላ ያደጉበትን አካባቢ “ጨውበረንዳ “ ላይ ተገኙ ፡ ህፃናቱ እርሳቸው ስኬት ላይ እንደሚደረስ ምሳሌነታቸውን ተመለከቱ ፡

ህፃን መክሊት ገረመው ፕሮግራም መራች ፡ ኮንዳክተር ህፃን ጁለይቢ የያዘውን ማይክ ሌሎቹ ሊነጥቁት ሲሻሙ ካሜራውን አልፌ እንዴት ልታደገው ፡ጋዜጠኛ በፍቃዱ ዓባይ እና ፍሬወይኒ ገ/ፃዲቅ ዝግጅቱን አስተባበሩ ፡ ታዳጊ ልጆቻችን የአብ ስራ ፣ ጆሪያ ፡ አሊሀ ፣ ሳብሪና የሰፈራቸውን የጨውበረንዳን ታሪክ ከ8ተኛ ክፍል አማርኛ መጽሀፍ ላይ እየተቀባበሉ አነበቡ ፡ ጋዜጠኞች በክብር ተገኙ ፡ አርትስ ቲቪ ቀረፀው ፡ ዝግጅቱ በውብ ሁኔታ ተጠናቀቀ ፡የመንደሩ ነዋሪዎች የተዋስነውን ሁሉ ለየባለቤቱ መለሱ ፡ በለሊት ሴፍቲኔት አፅድቶ የሰጠንን ኮብልስቶን እታፈራሁ ፣ ዘሀራ ፣ ልቤ ፣ ትዕግስት ፣ ዮዲት አፀዱ ።

“የወዘፌዜ “ ምረቃ ከሰራኋቸው ታላላቅ መድረኮች ፡ ከተጋበዝሁባቸው ዘመናዊ አዳራሾች ልቆ ተገኘ ።

ከኢትዮጵያውያን ጋር ኢትዮጵያዊ ቀን በደስታ አሳለፍን እንዲህም ያለ የለ !!!

ወዘፌዜ ህብረዝማሬ መግቢያ ከተንበሪ
https://youtube.com/@-tobiya?si=2OTb4hiQL-v8KYpP

ቅዳሜ ጥር 30 ከ8 ሰዓት ጀምሮ ተካሄደ ።

04/02/2026

03/02/2026

የልጅነት ( የወተት ) ጥርስ የነቀላችሁ ብቻ የምትመለከቱት 🤣
ሙሉውን በሊንኩ ይግቡ
https://youtube.com/@-tobiya?si=2OTb4hiQL-v8KYpP

01/02/2026

እናንተ የነግ ተስፋዎቻችን እኔ በተሟሸሁበት ፣ባለፍኩበት የምታልፋ ፣ የአንድነት የፍቅር ማህጠንት የሚያጥናችሁ ፣ያሳደጉኝ የሚያሳድጓችሁ የኔ አምሳያዎች እንዲሁ እንደተደበላለቃችሁ ዝለቁ ሰውነት ይብለጥባችሁ፣ ከሚመዳድብ ፣ ከሚነጥል መንገድና ሀሳብ ይከልላችሁ ።

ደግሞም ወላጆቻችሁን ስለሚተማመኑብኝ ከልቤ አመሰግናቸዋለሁ “ ወዘፌዜን “ አሳመራችሁልን ፣ እንዲሁ ቃል የገባሁት አደርጋለሁ ፣ ህልሜ ያያቶቻችሁን ኢትዮጵያዊ አስተሳሰብን ማድመቅ ነው ።

ደግሞም ጥቂቷ ጥረቴ ተሳክቶልኝ “ጨው በረንዳ “ የተሰኘው የመልካም ጉርብትና ታሪክ ጽሁፌ በአዲስ አበባ ትምህርት ቢሮ በተዘጋጀ የ8ተኛ ክፍል የአማርኛ መጽሀፍ መማሪያ ምንባብ ሆኖ ለዓመታት ትውልድ እየተቀረፀበት ፣ ስለሰፈራችሁ እና ስለአያቶቻችሁ ፣ ተግባራቸውን ፣ ምሳሌነታቸው ፣ ስማቸው ፣ እየተማረውና ለፈተና እየተመዘነበት መሆኑ ከማየት በላይ ዕድለኝነት ወዴት አለ ?

እናንተም የበለጠውን እንደምታደርጉ አልጠራጠርም እወዳችኋለሁ በክብር ያሳድጋችሁ ።

https://youtube.com/@-tobiya?si=2OTb4hiQL-v8KYpP

በዚህ ሊንክ ወደ መንደራችን መንደራችሁ “ወዘፌዜ “ግቡ
ልጅነታችሁ በዚያ እንደነበረ ተቀምጧል ።

31/01/2026

ወዘፌዜ ተለቀቀ ።

ይህ ቪድዮ ሀገሬን ለምትመስለኝ “ ጨው በረንዳ “በክብር የተሰጠ ነው ።

በኛ ሰፈር ልጅ ” ሰው “ እንዲሆን እየተመከረ ፣ እየተቀጣ ፣ እየተመረቀ ፣ እየተገሰፀ ያድጋል ። ሁሉ ነገር የጋራ ነው ፣ ወላጅም ለሁሉ ወላጅ ፣ ልጅም ለሁሉ ልጅ ።

ከህፃናቱ መሀከል የትናንቷ እኔ ነበርሁ በዛሬ እኔነቴ ውስጥ እነርሱ እንደሚኖሩት ሁሉ ።

በክብር ጋበዝኋችሁ ራሳችሁን ታገኙበታላችሁ ።

በወፍ ቋንቋ የተዜመ ህብረዝማሬወዘፌዜ ( ወፌ) አዲሱ የዕንቁ ዜማ የሙዚቃ ቪድዮ