02/11/2023
Warri namummaa gane
Si nyaachuu fedhanii
“Ilmi kee bosona”
Jira siin jedhani!
Maarree yoo jiraate
Isuma hin lolanii?
Yoo laphee qabaatan
Ofirraa hin qolanii?
Ati maal yakkite - maaliif kabaja kee
Sirraa soqolanii?
Situ bakkee labaa?
Situ qawwee qabaa?
Situ fincila kaasee
Situ itti dhukaasee?
Maaliree harmee koo
Maaf si hidhan harka?
Nama bosona seene
Da’uu keetu yakkaa?
Maaliree harmee koo
Maaf si baasan lubbuu?
Deessee guddisuu malee - daartee uffisuu malee
Maal hojjette cubbuu?
Akkuma jedhanuu
Barbaadnaan dhala kee
Innoo bosona jiraa
Maaf dhufan mana kee?
Cubbuun gadameessa kee
Oolmaan dugdaafi kaasuu
Warra lubbuu kee baase
Lubbuu isaanii haa baasu!
Silaa abdii hin qabnu
Namarraa - lafarraa
Dhugaa keef haa falmu
Waaqayyo Waaqarraa!
