Teatro Permanente

Casa
España
Vigo
Teatro Permanente

Un espazo para as artes escénicas no Casco Vello de Vigo.

16/06/2026

Xa están dispoñibles os horarios para os nosos obradoiros de práctica escénica para a tempada 26-27. Tedes todos os detalles na web (enlaces na bio) 😊

Inscricións abertas!

01/06/2026

Esta máscara acompañounos durante toda a tempada, e converteuse nunha maneira de caracterizar a estrañeza deste inferno particular. Agora despídese oficiando unha transformación...que non é tal.

Ruir
4, 5 e 7 de xuño ás 20:00

Máis info e reservas: teatropermanente.com

30/05/2026

Ruir é un "spin off", por dicilo dalgunha maneira, no que imaxinamos a vida dun personaxe secundario da peza de Sartre, o "garçon d'étage", que poderiamos traducir por "camareiro de piso". Este personaxe ocúpase, no texto orixinal de A porta pechada, de acomodar aos novos residentes do inferno no que se sitúa a acción da peza. Sartre danos pistas sobre ese lugar, e fala de corredores, escaleiras, e portas, que nos fan pensar na Biblioteca de Babel, de Borges, un espazo que replica a súa estrutura ata o infinito. Do mesmo xeito que Borges imaxina bibliotecarios en cada sección, nós imaxinamos camareiros de piso en cada corredor, que, por razóns que non semella necesario explicar, se reúnen e conversan. Ruir parte dun encontro entre dous "garçons" que discuten a recente chegada ao inferno dunha crianza moi nova, duns cinco anos. A aparente banalidade coa que tratan o asunto contrasta coa historia sombría e terrible que descubrimos.

Con Sonia Salgado e Lisa Vitorino en escena, coa colaboración de Venus Pavón Requejo, sobre un texto de Alberte Alonso posto en escena polo autor.

Ruir
4, 5 e 7 de xuño ás 20:00

25/05/2026

Última estrea desta tempada! Unha derradeira ollada á obra de Jean-Paul Sartre para propoñer un spin-off dun personaxe enigmático, o camareiro de piso, que acomoda as persoas que van chegando ao inferno.

Con Sonia Salgado e Lisa Vitorino, e a colaboración de Venus Pavón Requejo, nunha proposta escénica de Alberte Alonso.

Ruir

🗓️ 4, 5 e 7 de xuño ás 20:00

🔗 Máis info nos enlaces da bio

(Aforo moi reducido)

10/05/2026

Volven as nosas permanencias en sesión matinal.
Propostas ultraefémeras construídas sobre a improvisación.
Neste caso, presentamos o volume que cerra esta serie arredor das personaxes e o universo sonoro de A porta pechada, de Jean-Paul Sartre.

UiClo[final]
Domingo 17 de maio ás 12:30

Mais info nos enlaces da bio

09/05/2026

Este mes temos connosco a Venus Pavón Requejo, no cadro das prácticas do Master Univesitario en Literatura Dramática, Música, e Artes Escénicas da Facultade de Filoloxía e Tradución, na Universidade de Vigo.
Venus é directora de escena titulada pola ESADg e colabora connosco en tarefas de organización e produción, de asistencia de dirección, na animación de obradoiros, e tamén en escena, nunha creación en curso, Ruir.

Benvida!😊

04/05/2026

Breve pausa, para atacar o mes de maio con máis folgos!💪

E volvemos cun recital que nos trae, da man de Esme Quiroga e Alberte Alonso, unha escolma de poemas, propios e alleos (máis alleos que propios, neste caso 😁) no que partimos dunha frase de Jean-Paul Sartre, extraída da súa peza A porta pechada (Huis clos): O inferno son os Outros.

🗓️ Venres 8 de maio ás 20:00
🎟️ Entrada libre ata completar o aforo (moi, moi reducido)

As persoas socias poden reservar a súa praza anticipadamente.

Mais info nos enlaces da bio

21/04/2026

Últimas funcións de Überschach 1937

24, 25 e 26 de abril ás 20:00

Última oportunidade para ver esta peza que percorre algúns feitos terribles do nazismo, que deberían poñernos en garda fronte aos discursos de odio actuais.

Con Sonia Salgado en escena, e dirección e dramaturxia de Alberte Alonso, a partires dunha obra orixinal de Diego Seixo: "Concerto para cámara: apertura".

17/04/2026

Arrinca ÜBERSCHACH 1937 este abril no Teatro Permanente (rúa Abeleira Menéndez 7, Vigo). Aínda podes reservar a túa entrada na súa web ou a través do WhatsApp 659188988 se non es unha persoa asociada.

ÜBERSCHACH 1937 é unha proposta escénica de Alberte Alonso a partir da imaxe "Concerto para cámara: apertura" de Diego Seixo interpretada pola actriz Sonia Salgado.

Erregueté - Revista Galega de Teatro

06/04/2026

Überschach 1937

17, 18, 19, 24, 25 e 26 de abril ás 20:00

📷 Diego Seixo

(Máis info en teatropermanente.com e nos enlaces da bio)

Dirección

Rúa Abeleira Menéndez 7
Vigo
36202

Teléfono

+34659188988

Página web

http://www.teatropermanente.com/

Notificaciones

Sé el primero en enterarse y déjanos enviarle un correo electrónico cuando Teatro Permanente publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.