Coro de Cámara Rías Baixas

18/03/2026

A primavera chega cargada de música. O CCRB ten por diante tres concertos que son, cada un á súa maneira, unha invitación a entrar nun espazo —de pedra, de silencio, de son— e deixarse levar.

Comezamos en Cambados cun concerto de Semana Santa no Ciclo de Música Coral nas Igrexas 🕊️, e continuamos en Vigo con dúas actuacións no 19º Festival de Música Sacra de ACOPOVI, adicado este ano á memoria de Xulio Mosquera e Vicente Rodríguez 🎼

Oito séculos de música sacra, entre pezas a capella e outras acompañadas ao piano. Todos os detalles nos carteis.

Imos alá 🎶

09/03/2026

Este xoves temos unha cita no Conservatorio Profesional de Música de Vigo.

Non o perdades!

El Coro de Cámara Rías Baixas reivindica la valía musical de varias mujeres arrinconadas por la historia

26/02/2026

🌸 Blanche de Castille, Isabella Leonarda, F***y Mendelssohn, Clara Schumann, Florence Price…

Mulleres que compuxeron, que crearon, que existiron. O 12 de marzo, cantámolas.

Música en Feminino
📅 12 de marzo · 20h
📍 · Semana de Igualdade

23/02/2026

🎶 Existe a música se ninguén a escoita? Ten nome quen a escribiu?

Por primeira vez, o Coro de Cámara Rías Baixas presenta un programa íntegro de compositoras. Oito séculos de música escrita por mulleres que merecen nome, recoñecemento… e sobre todo, ser escoitadas.

Música en Feminino 🎼
🗓 12 de marzo · 20h
📍 Conservatorio Profesional de Música de Vigo

24/12/2025

🎥 As voces quentan, os corpos respiran fondo, as miradas buscan cómplices nas notas compartidas. Antes de cada concerto hai un intre só noso, cheo de nervios, concentración e beleza.

Estas imaxes son do quecemento previo ao concerto de A rosa de inverno, o noso último deste 2025. Pechamos un ano intenso, cheo de música, encontros e momentos que nos quedan cravados dentro.

💙 Hoxe, en Noiteboa, queremos desexarvos un bo Nadal. Que a música vos acompañe, que haxa espazo para o agarimo, para parar e para compartir.
E grazas, grazas sempre, por estar aí.

18/12/2025

Hai historias que non se len, escóitanse.
Que nacen da palabra, pero medran coa música.

A rosa de inverno é un conto narrado con música en directo, unha proposta para deter o tempo e deixar que a noite máis longa do ano se abra pouco a pouco diante de nós. Unha historia sobre o medo e a beleza, sobre o que se perde e o que, ás veces, volve florecer mesmo no inverno.

Neste concerto, a voz e a música camiñan xuntas para abrir un espazo íntimo, onde escoitar é tamén mirar, e onde a luz aparece nos lugares máis inesperados.

📍 Basílica de Santa María de Vigo (Colexiata)
🗓️ 21 de decembro · 20:00 h
🎟️ Entrada de balde ata completar aforo

Agardámoste para compartir esta historia.
Con calma. Con atención. Coa música como fío ✨🎶

17/12/2025

🎥 Hoxe abrímosvos unha pequena fiestra ó que non sempre se ve: ó local de ensaio, ás miradas cómplices, ás respiracións compartidas antes dun acorde, ós momentos de risa cando algo non sae e ás veces de maxia cando todo encaixa.

Porque cantar xuntos é moito máis que facer música. É crear espazos de coidado, de presenza, de conexión. É aprender a escoitar e deixarse levar. É chegar cansa e saír máis lixeira. É sentir que, por un intre, todo ten sentido.

Cada concerto nace aquí. No traballo, na entrega, na alegría de pertencer a algo que vai máis alá dunha soa voz.

💙 Grazas por acompañarnos tamén neste camiño, que para nós é tan importante como o escenario.

15/12/2025

✨ Esta semana abrimos as portas a un pequeno universo de música, inverno e ilusión. O Coro de Cámara Rías Baixas percorre diferentes escenarios para levar o espírito do Nadal a cada recuncho: dende as rúas vivas e iluminadas de Vilagarcía, onde a Aldea de Nadal se enche de voces e movemento, ata a tranquilidade acolledora de Santa Eulalia de Alcabre, onde compartiremos co barrio a beleza sinxela dun concerto feito para acompañar estas datas.

E, ao final do camiño, agarda A rosa de inverno, a nosa proposta máis persoal e íntima, que terá lugar na Concatedral, a Colexiata de Vigo. Un concerto narrado onde música e palabra se entrelazan para abrir un xardín secreto no corazón da noite máis longa do ano, un espazo para deter o tempo, escoitar e deixar que a luz tamén floreza no inverno 🌙🌹

Veñen días intensos, cheos de emoción, escenarios distintos e moitas ganas de cantar.

Grazas por estar aí, por acompañarnos e por facer que cada concerto teña sentido.

Vémonos moi pronto, con toda a música do Nadal por diante ✨🎶

28/11/2025

Este Nadal queremos contar unha historia.

Unha historia de lobos que miran o mundo dende fóra, dun prado que florece cando todo parece morto, dunha rosa que só abre na noite máis longa do ano.

Un conto sobre o medo, a beleza e aquilo que se perde —e ás veces se recupera— cando alguén decide mirar máis alá do que sempre coidou certo.

O domingo 21 de decembro, ás 20h, na Colexiata de Vigo, o Coro de Cámara Rías Baixas presenta A rosa de inverno: un concerto-narración no que a música se entrelaza co relato para crear un espazo onde tamén nós, coma os animais do bosque, nos reunimos arredor da luz.

Unha voz, un conto, un inverno que se abre.
E unha rosa branca que renace cada ano.

🎟️ Entrada libre ata completar aforo.