AA.VV.San Miguel de Oia

17/06/2026

• Queres saber se a túa alimentación é a máis axeitada?
• Queres saber como coidar o teu corpo e as túas emocións coa nutrición?
• Que impacto ten o que comes no teu corpo e na túa mente?
• Queres aprender a corrixir os malos hábitos alimenticios?
As respostas a estas cuestións e moitas máis, na charla sobre alimentación saudable e autocoidados, que impartirán nutricionistas especializadas este venres 19 de xuño ás 18:00 h na Asociación de Veciños (Hexágono).
Entrada libre ata acadar aforo

11/06/2026

Non te perdas este sábado 13 de xuño ás 20:00 h, no Auditorio de San Miguel de Oia, o sensacional concerto “UN MAR DE CORAIS”, con tres das mellores corais polifónicas da contorna:
• SCDR Helios de Bembrive
• O Coto do Carballal
• Lira de San Miguel de Oia
Entrada libra ata acadar aforo.

03/06/2026

O MELLOR TEATRO DA RÍA
Este sábado 6 de xuño ás 20:00 h, o Auditorio de San Miguel de Oia será o epicentro teatral da cidade, os nosos grupos de teatro van a representar en exclusiva mundial, dúas gallofeiras comedias para non parar de rir.
1º As expertas e xa consagradas TEATREIRAS DE SAN MIGUEL DE OIA, presentan a súa nova comedia: A CONSULTA.
2º O grupo revelación OIARTEATRO, debutan coa súa comedia: FOLGA DE ACHAQUES.
Cultura e arte, con moito cariño para todos vós.
Entrada libre ata acadar aforo.
Grazas polo voso apoio.

28/05/2026

FESTIVAL FIN DE CURSO EXHIBICIÓN DE ACTIVIDADES.
Este sábado 30 de maio ás 18:30 h, no Auditorio de San Miguel de Oia, gran Festival Exhibición de Actividades. Participa neste sensacional día, no que os distintos grupos de actividades desenvolvidas no Local Social, van culminar o curso da mellor maneira, compartindo o seu saber facer con todos nós.

Poderás vivir de preto o movemento cultural, deportivo e social da túa asociación veciñal. Tanto se coñeces os grupos de actividades, como se non, de seguro vaste emocionar coas sorpresa que nos teñen preparadas.

Grazas polo teu apoio e participación.

21/05/2026

FOLK NO AUDITORIO DE SAN MIGUEL DE OIA
Este sábado 23 de maio, ás 19:30 h, achégate ao Auditorio de San Miguel de Oia (Camiño Currás 34, 36390 Vigo), non te perdas este incrible acontecemento folk.
Comprometidos coa nosa cultura, ofrecémosvos:
· REGUEIFAS: pola conta da Concellería de normalización lingüística do Concello de Vigo: co regueifeiro MANI e a regueifeira LORENA MEDELA.
· MUSICA FOLK: Pola conta da Asociación Veciñal: co grupo XOLDA de San Miguel de Oia.
Entrada libre ata acadar aforo.

12/05/2026

TROULA E CHOURIPÁN NA VESPERA DO DÍA DAS LETRAS GALEGAS
Este Sábado 16 de maio, véspera do Día das Letras Galegas, ven a desfrutar a partir das 18:30 h, dunha gra troula veciñal no Centro Socio-Cultural da AVV de San Miguel de Oia.
Animará a tarde, o senlleiro grupo folk “OS TERRIBLES DE DONAS”, e poderás degustar o tradicional ChouriOia,
Anímate a participar cos teus.

11/05/2026

Pepo Suevos, un tipo xenial, o Día Das Letras Galegas no auditorio de San Miguel de Oia.

23/04/2026

O MELLOR TEATRO DO MUNDO, EN SAN MIGUEL DE OIA
Este sábado 25 de abril, ás 20:00 h, no auditorio de San Miguel de Oia, imos rir a reo coa comedia: “CALQUERA PODE SER UN ASASINO” da man do grupo: “AGARIMO TEATRO”. Non te perdas esta oportunidade de alegrar a vida un chisco máis.
Entrada libre ata acadar aforo.

17/04/2026