Lunes 10:00 - 21:00 Martes 10:00 - 21:00 Miércoles 10:00 - 21:00 Jueves 10:00 - 21:00 Viernes 10:00 - 21:00 Sábado 10:00 - 14:00

A Morada

Casa
España
Vigo
A Morada

Patio de veciñas onde coidarmos coletivamente en Vigo
🔸️Obradoiros e eventos
🔸️Proxectos sociais
(2)

03/09/2026

EXPOSICIÓN · REFLEXIÓNS DEBUXADAS DO MEU SER ERÓTICO
GLORIA PÉREZ ·

«Estou aquí. Miro atrás. Solto. Respiro. Abandónome no debuxo.»

Así presenta Gloria Pérez unha exposición que nace da necesidade de expresar o que sente a través do debuxo, pechar círculos e abrir outros novos.

A mostra é unha reflexión persoal sobre o erotismo na idade madura e unha exploración, desde o propio corpo, da complexidade de ser muller: verse no outro para volver ao propio interior.

Gloria estudou Debuxo e Serigrafía Artística na EMAO e actualmente cursa Ourivería. Na súa obra emprega liñas básicas trazadas con pincel e tinta chinesa, serigrafía e tea como soporte condutor.

Unha proposta íntima e persoal na que o corpo, o desexo e a identidade se converten en materia artística.

📅 Do 10 de setembro ao 15 de outubro
🎨 Inauguración: xoves 10 de setembro, ás 19:00. Performance de música e debuxo en colaboración con ás 19:30.
De balde

31/08/2026

🍂 AXENDA DE SETEMBRO

Veciñas, estamos de volta! 💜

Chegamos con novas propostas para acollervos durante este mes de setembro, con moitas ganas de volver encher A Morada de encontros, conversas, actividades e vida.

E desexando vervos por aquí!

Botádelle un ollo á axenda e vémonos en setembro✨🍂

26/08/2026

Para André Adrio, estas aulas son, por riba de todo, lúdicas. Un espazo para pasalo ben, pero tamén para que as alumnas saian cun dominio das ferramentas básicas do baile tradicional e sintan que o baile é un espazo onde poden expresarse e comunicarse libremente.

Por iso, promove a diversidade, a creatividade e a participación activa na colectividade do baile. Porque, ao final, as foliadas e os seráns non deixan de ser iso: unha colectividade onde desfrutamos entre todas de maneira lúdica.

André Adrio

Bailarín vinculado á danza tradicional galega dende moi novo e con formación en danza contemporánea, clásica e flamenco, ademais doutros xeitos de comunicación a través do movemento.

Foi premiado en distintas ocasións, destacando o Premio Especial VigoPorté, con «Flamenkeando», e o Premio Vaidebaile da Televisión de Galicia.

Desde 2013 dedica a súa carreira á docencia, impartindo danza tradicional en asociacións de Vigo e comarca. Agora continúa explorando novas formas de expresión corporal e busca novas vías para transmitir este legado esencial na Galiza.

Varios grupos:

Os luns 18:30-19:30

Os mércores 17:00-18:00 e 18:00-19:00

Os xoves 17:00-18:00 (INICIACIÓN)

Prezo: 28€

As clases empezan a semana do 14 de setembro.

Inscricións: https://forms.gle/hQA6KjgLucK7o7qv7

19/08/2026

Obradoiro de ioga

Neste obradoiro propoñemos unha práctica de ioga pensada para coidar a saúde e o benestar de cada participante, respectando as peculiaridades e os ritmos de cada unha.

Unha apaixonante viaxe cara ao noso corpo e ao noso interior. Unha oportunidade para percorrer as nosas propias paisaxes e descubrir nelas novos matices.

A través das posturas, cultivaremos a atención e a presenza corporal, explorando o movemento e a respiración para atopar fortaleza, apertura e expansión.

Un espazo para conectar con nós mesmas, escoitarnos e habitar o corpo con maior presenza.

🧘‍♀️ María Regueira
Diplomada pola A.I.P.Y.S. en Hatha Ioga (2013).
Desde 2014 continúa a súa formación en Ioga Iyengar, viaxou e practicou en varios ashram da India e imparte clases regulares en centros de Vigo.

Varios grupos:

Os martes : 17:00-18:30 e 18:30-20:00

Os xoves: 12:00-13:30

Prezo: 40€

As clases empezan a semana do 14 de setembro.

Inscricións: https://forms.gle/JHtSqy7KcKPMV9Zg7

16/08/2026

🎭 Obradoiro de teatro social

Neste obradoiro Isolda Comesaña e Amara Pérez propoñen un espazo para explorar, a través do teatro e da reflexión colectiva, outras formas de comprender e transformar as desigualdades que nos atravesan.

A través de xogos, dinámicas participativas e ferramentas do teatro social, crearemos un lugar seguro onde expresarnos, compartir inquietudes e poñer en común experiencias, conectando tanto coa nosa capacidade crítica como coa creatividade e o goce.

Isolda Comesaña e Amara Pérez:

Amara Pérez, técnica de igualdade e apaixonada do teatro, facilitará xogos e dinámicas para descubrir que nos move como persoas e como colectivo.

Isolda Comesaña, actriz e formada en xénero, teatro social e teatro comunitario, achegará ferramentas como o teatro encontro e o teatro foro, técnicas que favorecen a escoita, o diálogo e a procura compartida de alternativas.

Obradoiro trimestral:

Do 17 de setembro ao 17 de decembro

Os xoves de 18:30 a 20:30

Prezo: 30 €/mes · 25 €/mes para matrocinadoras

Trimestre completo: 75 € (pagando ao comezo do curso)

Inscricións: https://forms.gle/KmUuUofYfbZHNtJ38

13/08/2026

✨ INSCRICIÓNS ABERTAS! ✨

Xa podes inscribirte nos obradoiros do curso 2026–2027 de teatro social, ioga, bailes de serán e canto e pandeireta.

📲 Inscricións : https://www.amoradacooperativa.com/obradoiros

As clases empezan a semana do 14 de setembro.

Vémonos nas aulas! 💜

28/07/2026

☀️ Pechamos por vacacións! ☀️

Do 31 de xullo ao 31 de agosto, botamos o peche por descanso. 💜

Vémonos en setembro cunha enerxía renovada e moitas ganas de volver compartir, crear e coidarnos xuntas.

E de aquí a aló, desfrutade e descansade o que poidades.

Vémonos en setembro, veciñas!
Grazas por estar.

21/07/2026

🎭 Tempos de guerra e outras variedades
Cía. Marinita y sus Maromas ·

Un espectáculo multidisciplinar que mestura humor, danza e teatro para poñer a actualidade diante do espello.

Nun contexto de crecente escalada bélica, a compañía reivindica o escenario como un espazo de reflexión, protesta e liberdade, facendo da comedia unha ferramenta para cuestionar, resistir e imaxinar outros futuros.

📅 Luns 27
🕣 20:30 h
Entrada inversa
🥙 Haberá petiscos

18/07/2026

XINECEO de Diana Longa

Unha avoa ganchilla unha manta para a súa neta adolescente no 2013, un pintor no século X pinta un fresco na igrexa local, unha muller tece un tapiz na Atenas do século V a.C e un historiador compila as biografías de Giotto, Duccio e Arnolfo di Cambio no 1550.

O nexo entre estas tres persoas aparece en Xineceo, unha conferencia espectacular na cal, en diálogo co público, intentamos repostar á seguinte pregunta: que man coloca a etiqueta de artista?

📅 Xoves 23
🕣 20:30
Entrada inversa

Haberá petiscos 🥟

Dirección

Rúa Enrique Xabier Macías, 6
Vigo
36203

Horario de Apertura

Lunes	10:00 - 21:00
Martes	10:00 - 21:00
Miércoles	10:00 - 21:00
Jueves	10:00 - 21:00
Viernes	10:00 - 21:00
Sábado	10:00 - 14:00

Página web

https://www.amoradacooperativa.com/

Notificaciones

Sé el primero en enterarse y déjanos enviarle un correo electrónico cuando A Morada publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.