A Colectiva

Asociación profesional de artistas de Galicia. Defendendo os dereitos dos artistas en Galicia, unha cultura transparente e as boas prácticas.

Defendiendo los derechos de los artistas en Galicia, una cultura transparente y buenas prácticas.

04/09/2026

✨ "CAMIÑO CARA Á TERRA SOÑADA" de
📍 Espacio Beny Galerías, Local 20. R/ Príncipe 51, Vigo
📆 Do 11 de setembro ao 11 de octubro
🍸 Cóctel de inauguración: 11 de setembro ás 19:00 h

🟡O noso socio , comparte con nós a súa exposición individual "CAMIÑO CARA Á TERRA SOÑADA". Compartimos o texto curatorial:

"Mikael Jensen defínese como artista neosimbolista e desenvolve unha obra na que conflúen pintura, filosofía e psicoloxía. O símbolo ocupa un lugar central na súa práctica, xunto co interese polos soños e por aquelas imaxes que permiten achegarse a aspectos da experiencia difíciles de expresar de forma directa.

As ideas de Carl Gustav Jung e Joseph Campbell forman parte das súas principais referencias. A partir delas, Jensen entende a linguaxe simbólica como unha ferramenta capaz de conectar a experiencia persoal con imaxinarios compartidos e de dar forma a aquilo que permanece fóra do estritamente visible.
As súas pinturas parten tamén dunha preocupación constante pola percepción, o coñecemento e a maneira en que construímos sentido a partir das nosas propias experiencias.

Cada obra propón unha historia e deixa espazo para que o espectador estableza as súas propias asociacións, lembranzas e interpretacións."

Convidámovos a todes a non perderse a súa exposición ✨

04/09/2026

✨ "BETWEEN THE ACTS" de
📍 Studio 1.1 .1_london 57a Redchurch St London
📆 Do 3 ao o 27 de setembro

🟡Desde Londres a nosa socia , comparte con nós a súa exposición individual "BETWEEN THE ACTS". Compartimos o texto curatorial:

"Otema de Cuellar son as mulleres, dende celebridades escandalosas (Paris Hilton), estrelas de cine dentro e fóra de personaxe (por suposto Marilyn), mulleres reais e imaxinadas. E xarróns de flores. Por riba de todo, a beleza e o seu conxunto de adornos, plasmados en pinceladas fluidas e seguras que afirman a súa artificialidade, iluminando o tema cunha luz de marabilla xusto antes ou despois da transformación. A beleza nos camerinos, maquillándose, arranxándose entre bastidores, agardando a orde; para ser fermosas.

Aínda que sexa mundano describilo —ao fin e ao cabo son, na súa maioría, mulleres traballando, aínda que sexa sobre si mesmas—, o xeito de tratalo lévanos inmediatamente a un mundo moi diferente, onde a cor e o tacto evocan o ambiente impasible pero sempre subversivo e sensual do Bunuel tardío.

Mentres que os seus papeis foron dados por homes, xa fose Pigmalión ou Picasso, unha vez que cobran vida (Coppelia, Galatea), a beleza finalmente desarma á Besta. Manet deunos Olympia, o bar das Folies Bergère, cuestionando a 'mirada masculina' un século antes da súa formulación. Cuellar pinta co pincel de Olympia e cos ollos da muller do bar anónimo, facendo que escrutinemos todo ese xuízo, suxerindo capa sobre capa de complicidade.

Da Madonna a Madonna."

Convidámovos a todes as que andedes polas terras ingleses a non perderse a súa exposición ✨

12/08/2026

✨ "ÁTONA" de
📍 Museo Provincial de Lugo
📆 Do 6 de agosto ao o 16 de setembro
📇 Comisariada por

🟡"Átona", da nosa socia , "xorde por ese silencio, por ese mundo átono e silente. Constrúo Babeis e Torres, e constrúo Fogares contra unha sociedade que é cómplice do abuso, a violencia e a desigualdade contra as mulleres, contra as inxustizas, xenofobia, racismo..."

💬Compartimos o texto da comisaria

"Resistencia, catarse e denuncia social

Na lingüística o áfono é aquilo que carece de vibración mentres que o átono é perda de forza, con todo, a ausencia de son e de forza non implica un baleiro, o silencio ten corpo, peso e textura. Ruth Lodeiro en ÁTONA integra e mantén unha premisa constante, materializar o silencio a través dunha coreografía de pezas escultóricas que non berran, se non que se encartan e despregan, ténsanse e desténsanse, quebrándose nun mutismo compartido que habita o espazo.

A materia substitúe á voz, aparece como un son petrificado, un eco endurecido que custodia o segredo da súa propia fraxilidade natural. A materia rodeada e acompañada de fíos e arames que actúan como cordas vocais, que xa non vibran, como suturas que cosen feridas en silencio ou atan e constrinxen discursos cotiáns que non interesan abordar. O discurso silencioso dilúese entre a opacidade das teas, a transparencia do tul e a humilde precariedade do cartón, elementos que operan como mordazas poéticas que filtran a realidade, convidándonos a percibir a nitidez do relato que nos quere mostrar. O mesmo que numerosas artistas contemporáneas, Ruth, utiliza a arte como catarse para denunciar(...)"

Convidámovos a todes a non perderse a súa exposición ✨

28/07/2026

🤝📃 As asociacións profesionais máis representativas do sector das artes visuais do contexto autonómico e estatal, presentan recurso administrativo contra o procedemento de provisión da dirección do CGAC polo sistema de libre designación.

📍Le o comunicado na nosa web!

🧑‍💻 Para máis información:
[email protected] / [email protected]

17/07/2026

✨ "OROFONÍAS" de
📍 Pareidolia, Espazo de Arte (Cacheiras, Teo)
📆 Inauguración: 17 de xullo ás 19:00
📇 Visita ata o 24 de xullo con cita previa en

"Orofonías", da nosa socia , explora os paralelismos entre o acento e a paisaxe. Nas súas palabras:

〽️ "Os espectrogramas da fonética dunha lingua debuxan as liñas dunha orografía verbal. Canto teñen en común coas formas da paisaxe? Canta profundidade ten o vínculo entre a fala e a terra?

🌧️ Idioma e territorio son (case) dúas caras dunha mesma moeda. Que un determinado fenómeno ou accidente xeográfico teña un vocabulario específico faino distinguible, identificable; modifica a percepción do entorno. Existe a lenda urbana de que en finés hai 40 palabras para a neve e en galego máis de 100 sobre a chuvia. Real ou non, o certo é que a existencia desta especialización implica unha atención extra, un recoñecemento maior do entorno."

Convidámovos a todes a non perderse a súa exposición ✨

17/07/2026

✨ "AMARILLO ATLÁNTICO" de
📍 Galería Argonautas 34 (Nigrán, Pontevedra)
📆 Inauguración: 17 de xullo de 19:00 - 21:30
🟡 Cartel de
📇 Visita guiada á exposición: [email protected]

"Amarillo atlántico é a variedade única de granito que se atopa na Serra da Groba, situada ao longo da costa máis meridional e rectilínea de Galicia. Atravesado por camiños iniciáticos que a tradición mítica remonta mesmo á cultura sumeria, este territorio apareceu sempre ante min como un gran libro de pedra: unha paisaxe onde parecen agocharse saberes ancestrais e forzas cosmo-telúricas que sobreviviron na cultura popular.

A exposición parte desa supervivencia e das formas de coñecemento que, malia seren condenadas como superstición, idolatría ou ignorancia, resistiron á división ortodoxia–idolatría imposta polo cristianismo e consolidada a partir do século XII. Fronte a De correctione rusticorum, sermón do século VI no que o bispo Martiño de Braga tratou de combater as prácticas pagás do mundo rural, Amarillo atlántico entrelaza imaxes fixas e en movemento, tinguidas polo propio material fílmico. A través delas, a obra volve mirar formas de coñecemento ligadas á pedra, ao monte, ao lume e ao salvaxe, historicamente relegadas ao ámbito da ilusión, da superstición ou da ignorancia. Lonxe de asumir esa condena, a exposición resignifica estas nocións desde unha atención sensible á dimensión inabarcable do salvaxe e a aquilo que permanece indómito.

A exposición inaugúrase, ademais, durante a chamada «Cesta de Barbault», unha configuración astrolóxica sen precedentes coñecidos, asociada a momentos de inflexión histórica. Nesa coincidencia temporal, o proxecto imaxina o retorno dun coñecemento desacreditado capaz de desprazar os límites do que entendemos por realidade."

Texto de de

Convidámovos a todes a non perderse a súa exposición ✨

06/07/2026

✨Invitámosvos a participar neste encontro sectorial coordinado desde A Sección de Creación e Artes Visuais Contemporáneas do Consello da Cultura Galega , na que diferentes asociacións do sector analizaran a situación do sector artístico profesional en Galicia a partir da crise do CGAC

📒É preciso inscrición previa a través da páxina web do CCG. Deixámovos aquí ligazón para a inscrición e con todo o programa da xornada: https://tinyurl.com/4w63e6wa

📆 martes 14 de xullo | 9:30 h

💬Relatores:.gilmartinez de ; .perezrubio da ; da ; de ; de ; Ignacio Barcia Rodríguez do ; da ; Federico López Silvestre do Departamento de Historia da Arte da Universidade de Santiago de Compostela; de .gal; Carmen Lage da

28/06/2026

✨ "LUNARIA" de
📍 Galería Marisa Marimón (Ourense)
📆 Do 22 de maio ao 24 de xullo de 2026

O noso socio terá ata finais de xullo unha exposición individual na Galería Marisa Marimon, en Ourense. Compártenos as seguintes verbas para describir o disparador que iniciou esta mostra:

"A miña nai ten esta planta na casa. Debuxeina moitas veces. Nunca pensei que a ía pintar. "Lunaria" parte dun impulso sinxelo: liñas que delimitan formas, formas que piden ser cubertas. O que empeza como un hábito case automático –o lapis, o contorno– remata convertido en pintura."

Convidámovos a todes a non perderse a súa exposición ✨

23/06/2026

✨INAUGURACIÓN
📍 Catedral de Santa María de Tui (Pontevedra)
📆 Luns 29 de xuño ás 19:00

O noso socio presenta Relicario📿, unha instalación realizada na Catedral de Santa María de Tui creada polo seu VIII centenario. Esta obra site-specific xoga coa arquitectura do templo para celebrar os seus oitocentos anos, vestindo a catedral cos seus propios recordos. Convidámovos a todes a participar e asistir a esta intervención artística ✨

01/06/2026

✨INAUGURACIÓN
📍
📆 6 de xuño ás 20:30 en Boiro

A nosa socia inaugura a súa exposición "Sobre lo que fuimos, lo que somos y lo que no podremos ser" o sábado 6 de xuño ás 20:30 na . Unha mostra sobre a identidade como proceso de negociación constante entre adaptación y resistencia.

Dirección

Rúa Ramón Del Valle Inclan, 2
Santiago De Compostela
15703

Página web

http://www.acolectiva.org/

Notificaciones

Sé el primero en enterarse y déjanos enviarle un correo electrónico cuando A Colectiva publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.