18/03/2026
Hoxe é un día especial: hai 20 anos estreábame como organizadora de eventos de danza coa miña amiga e compañeira Eva
Sen ela da man, nada tería sido igual. Hoxe espertoume cun agasallo que levo posto en sentido literal e tamén emocional 💜
Quizais te recoñezas nalgunha foto dese primeiro cartaz que Eva serigrafou para conmemorar que somos 20 anos máis sabias! (E controlamos algo, só un poco, mais de deseño dixital!) Era un 18 de marzo de 2006, na Aula de Cultura, con pouquiñas alumnas, Mago Xacobe como presentador, artistas convidadxs e moitísima ilusión. De ahí saltamos a crear e organizar os Certames de Danza Intercentros co Concello. Entre bambalinas movémonos ben, formamos unha grande equipa que atravesou da man unha fermosa etapa vital e profesional.
Comezaba un camiño longo, cheo de aventuras, de encontros e de despedidas. Hoxe emocióname decatarme de que, aínda que escollemos camiños distintos, hai un fío que nos une para sempre.
Grazas por todos estes anos, amiga. Quérote 💕
