Ingrávida espazo de gravitación artística

21/02/2021

Rebobina cineclube inagura un ciclo de cinema que serán os venres finais de mes! O ciclo reune filmes dirixidos por mulleres! Se queredes asistir tendes que anotarvos, aqui a info: https://ecultura.net/ciclo-cinema-direccion-de-mulleres-proxeccion-do-filme-lejos-de-ella/
A cultura é segura! E sempre imos gravitar con ela! 💜💜💜

| Venres 26 de febreiro. 2021> | Ás 19:00 h. | Centro Cultural Municipal » ver mapa | Aforamento limitado de 50 persoas | Inscricións do venres 19 ao xoves 25 de febrero, ás 00:00 horas, a través do correo: [email protected] Organiza: Rebobina Asociación Cultural. Colabora: Concello ...

16/11/2020

Probando...si, si, seguimos aqui!!
Comezamos a reaxir, e a transición despois do peche físico de Ingrávida comeza, pouco a pouco, a deixar ver proxectos novos e novos enfoques. Seguiremos traballando nas redes de Ingrávida que van mudando a novos escenarios. Cremos que nesta época a rede e o encontro social faise imprescindible.
Por iso, dicirvos que a enerxía Ingrávida está espallada en varios proxectos: Laboratorio Ingrávida (adicado á formación artística) Radio Ingrávida (podedes escoitar os podcast na web) e xa ten dous satélites: Rebobina (que xa está andando só en proxectos audiovisuais) e a Comuna ( que estreará en Maio o seu proxecto novo que comezou en Outubro). Pola nosa banda, Álex e Irene, estamos acompañando estas iniciativas e traballando arreo na distribución e no formato de teatro-confinado das montaxes metamorfoseS, e Putero, radiografía dun pobo.
Queremos aproveitar esta reconexión para recomendar teatro no seu formato máis fresco e da man de Alberto e Rosa (estiveron gravitando con Debut), esta vez propoñen Teatro Confinado, podedes velo aqui: https://www.teatroabadia.com/es/archivo/641/la-teoria-de-la-pelvis/
E tamén recomendarvos un proxecto de teatro transmedia: http://www.madrid.org/fo/2020/ellibro.html
Todo dende a casa, de balde ou por moi pouco... porque somos resistencia!!!
Que ben volver emitir dende casa e sentirvos aqui con nós!! ❤️❤️❤️

Programación, calendario e información de entradas de la 38 edición del Festival de Otoño de la Comunidad de Madrid

22/07/2020

Pois 6 anos non se desmantelan en dous 2 días e non damos xestionado as despedidas de todas vos!! Por aqui deixamos a despedida tan linda que nos escribe o noso amigo P***a e Boato:

En Marzo do 2014 nacía no Porriño a Sala Ingrávida. Nunha vila que debe a súa tradición teatral e, máis aínda, grande parte da súa actividade cultural dos últimos 15 anos á Compañía Teatral Xerpo,...

02/07/2020

Fin de curso da escola de teatro
Con Sabela, Telma, Laura, Ruth, Lidia, Eva, Julieta, Tita, Nia, Raúl e Otero, ademais da presentadora: Xoana
Venres || 22h || DE BALDE ATA COMPLETAR AFORO -IMPRESCINDIBLE A RESERVA ANTICIPADA-

Dous grupos e unha presentadora van afrontar este final de curso tan atípico.
A presentadora Xoana, unha alumna de Picolo que xa apunta maneiras de artista e que pouco lle falta a ela para comezar a artellar os seus propios proxectos, xa só por ver a Xoana paga a pena vir o venres. Pero hai máis. O primeiro en representar o traballo feito nestas catro sesións que nos permitíu o COVID-19 será o grupo de Premium, o grupo xuvenil formado por Sabela, Telma, Laura, Ruth e Lidia, que poñerá a público unhas escenas soltas da Ópera Pánica de Alejandro Jodorowski, un texto absurdo, divertido e entrañable que non pasa desapercibido. Este texto non é o típico texto de teatro xuvenil pois esixe de interpretación moi delicada e medida, pero estas rapazas tampouco son as típicas actrices xuvenís e saben defender un papel difícil.
O seguinte grupo é o grupo de Interpretación II, que afrontan un proxecto completo de Commedia dell'Arte. Unha obra enteiriña que fala de saúde, amor, cartos e unha enfermidade nova chamada CHOPED-17. Nesta obra, Eva, Julieta, Tita, Nia, Raúl e Otero, enfróntanse por primeira vez á creación dunha commedia, a primeira vez que se expoñen en escena con algo que elas tiveron que crear co único obxectivo de facer rir.
Non perdades esta última festa da escola en Ingrávida!
cid:Y29tbWVkaWEuanBlZw$8294582$429888@salaingravida

Último Capítulo de "Que quede entre nós" e entrega do Coiro de Pita 2020
A Comuna da Ingrávida
Sábado || 22h || 15€ -IMPRESCINDIBLE A RESERVA ANTICIPADA-

Último episodio! Todos os segredos desvelados!
Este ano, como sabedes, non podemos facer maratón porque non chegou a haber final da serie de teatro que a Comuna da Ingrávida crea todos os anos. Pero podemos garantir que o último episodio vai rubricar un antes e un despois nas series de teatro comunitario.
Un evento con cea incluída encargada a "El alambre del abuelo".
E ADEMAIS!
Entrega do Coiro de Pita, o premio das Artes Escénicas da Sala Ingrávida do Porriño entregarase o mesmo sábado. Irene e Álex entregarán o premio deste ano.

cid:UXVlLXF1ZWRlLWVudHJlLW5vc0xPVy5qcGc$7521865$61662@salaingravida

E con isto rematamos. Agardamos que gozárades tanto da experiencia coma nós e que non esquezades desafiar a lei de gravitación universal de cando en vez.

Ata a seguinte aventura:

Irene Moreira e Álex Sobrino.

25/06/2020

Mujer en cinta de correr sobre fondo negro
Alessandra García e Violeta Niebla
Venres e sábado || 22h || 8€ reserva anticipada no teléfono 986331622 de Martes a Sábado de 18:00 a 21:00.

Identidade, espectáculo, capitalismo e falla de pensamento crítico son os temas principais sobre os que xira a proposta escénica de Alessandra García na súa primeira peza longa en solitario, un traballo en proceso que nos presenta como derradeira compañía profesional que presentará o seu traballo na Sala Ingrávida, un momento histórico do que agardamos que sexades partícipes.
A credora estivo os últimos anos facendo teatro fora do teatro. A súa anterior peza "Chaquetera" estaba pensada para os cameríns pero tamén a levou aos museos, a rúa e ata o supermercado. "Mujer en cinta de correr sobre fondo negro" supón unha nova etapa na que volve subir a un escenario convencional, e faino como a filla pródiga. Esta peza é unha conversa pendente: volve para dicirlle que xa sabe quen é e que é o que representa. Quere representar a intrahistoria, á xente invisible, á clase media-baixa.
Este traballo comezou o día en que a actriz arrincou un proxecto titulado "Vida-número" nas stories do seu instagram. Adicábase a captar roubados da xente que agardaba con ela na parada do autovús, facíalles vídeos e a seguir púñalles nome e ía pendurando as stories dotándoas de narrativa. A ficción duraba o que tardaba o traxecto da parada Mármoles ao seu traballo na universidade de Málaga. Case sen querer, esta broma chegou a capturar máis de 40 vidas.
Alessandra García fai un exercizo de escoita profunda dos barrios por onde transita, descríbeos e despois memoríazos para interpretalos. Para iso rodeouse dunha equipa artística de altura:
Asistente de dirección: Violeta Niebla
Dramaturxia: Ramón Gázquez
Espazo lumínico: Azael Ferrer
Asistencia sonora: Luz Prado
Sonido Bass Seismic
Espazo escénico: Beatriz Ros
Vestuario: Dela Delos
Asistente de movemento: María del Mar Suarez
Deseño: Martín de Arriba
Arte cartel: Hugo Lugo
Rexidora: Marta Howard
Interpretación, texto e dirección: Alessandra García
Produción e distribución: Dos Bengalas

Con la colaboración del Contenedor Cultural de la UMA

PERO AGARDADE! HAI MÁIS!

Despois da obra de Alessandra tendes a oportunidade de asistir á posfunción e presentación do libro "Compro Oro" de Violeta Niebla!
Dende o seu suxerente título, Violeta Niebla plantéxanos un diálogo entre o Eu e o mundo, evocando esa idea poderosa do capitalismo: Compro oro, é dicir, mercar ouro como símbolo do mundo contemporáneo, para sobrevivir ou para enriquecerse. Pero na estrutura profunda do libro non existe ese afán financeiro, senón a súa propia percepción da cotidianeidade íntima e persoal. Non lle é allea a contorna nin a súa propia presenza fronte a esa contorna. A partires desa contradición entre os cartos e a ética, plantexa a autora outra semántica que nace do particular, da familia, do privado, da mirada sobre o esencial.

"Este libro é como a miña avoa pensaba que era eu: bo e honrado, pero coa sospeita de algo máis. A medida que cumplimos anos as nosas lembranzas defórmanse e se completan con novas lembranzas, cambiamos o noso pasado coma quen cambia unha coma de sítio. Son manchas, pero semella o mundo. Este libro non se lé, entérrase no peito. E se ten malicia, eun non llela lembro" do epílogo de Jorge de Cascante.

17/06/2020

Parabéns á compañía gañadora do derradeiro premio ás compañías emerxentes, o Sumidoiros 2020 foi para a compañía Anti Drama Drama Club (ADDC) polo espectáculo "Neurose"!!

Esta finde Venres e Sábado ás 22:00 temos: “Microperspectivas dun ma**ca millenial” de Incendiaria.
Venres e sábado || 22h || 8€ Reserva telefónica, 986331622 en horario de Martes a Sábado de 10:00 a 21:00.

Davide González protagoniza esta peza unipersoal creada en co-produción co Centro Dramático Galego que afonda na memoria desde a música ao vivo e as artes do movemento.
Microspectivas dun ma**ca millennial é unha proposta íntima e cargada de poesía coa que cuestionar certezas impostas que predestinan a construción da identidade. Apostando por atender o detalle para pensar o global, MMM propón un espazo de transo no que redescubrir as raíces, revisar a historia e refundar o presente.
“Microspectivas dun ma**ca millennial xorde da necesidade de atopar as accións, os movementos e a música que ferven na memoria máis física da miña infancia ma**ca”, sinala González. “De igual modo, a crecente (re)aparición e a aparente (re)afirmación social de ideoloxías que atentan contra a vida e os dereitos das persoas LGTBIQA+ foron o detonante para emprender esta reflexión sobre a infancia e a miña construción como creadora en Galicia”.
O proxecto, enmarcado dentro da liña de co-producións do Centro Dramático Galego, xestouse tamén no marco das III Residencias Paraíso que cada ano convoca o colectivo RPM. Microspectivas dun ma**ca millennial é segundo espectáculo de Incendiaria, unha plataforma artística nacida en 2014 e composta por Davide González e Vanesa Sotelo e que fundamenta o seu traballo na investigación e na creación escénica contemporánea. Vanesa Sotelo dirixe esta peza baseada nunha idea orixinal de Davide González, con música do propio intérprete e coa iluminación de Laura Iturralde e o espazo escénico de Carlos Alonso.

14/06/2020

Moitísimas grazas por tanto amor nestes días, un feixe de chamadas, was, mensaxes... estamos moi emocionadas. . . algho bó debimos facer! Os proxectos novos non nos permitían seguir con Ingrávida, pero nesta nova etapa estades todas convidadas! Agora festa-despedida de Ingrávida que vai durar tres semanas seguidas, despois descanso a alá para Outubro xa saberedes máis do que imos encetar...O mellor está por vir!! 💜❤️🔝🤘🏽🤘🏽🤘🏽

09/06/2020

Ingrávida pecha.
Non é que deixemos a cultura, a nosa enerxía nin se crea nin se destrúe, Xerpo seguirá o seu “activismo” cultural coa produción de obras de teatro, coa formación teatral e coa xestión cultural, pero o espazo de gravitación artística que situou ao Porriño no panorama cultural galego xunto ás outras catro salas que forman parte da Rede Galega de Salas chega á súa fin. Non é que o Covid-19 rematara cun proxecto de 6 anos que conseguíu crear público teatral nunha vila industrial, non é que a economía puidera con nós, non, e definitivamente non foi a falta de público. As razóns son exclusivamente persoais, Irene Moreira e Álex Sobrino, redirixen ás súas enerxías a novos proxectos e polo momento xa teñen o proxecto de podcast Radio Ingrávida, que podedes atopar na web da sala ou en calquera plataforma de podcasts, e e programación ata o 4 de Xullo.

O Venres 19 e Sábado 20 estará a compañía Incendiaria con “Microperspectivas dun ma**ca millenial” ás 22:00 e a finde do 26 e 27 de Xuño a creadora andaluza Alessandra García traerá a súa proposta “Mujer en cinta de correr sobre fondo negro” a derradeira finde esta programada para a festa despedida onde Venres e Sábado o Teatro Comunitario subirá ao escenario ingrávido por derradeira vez, lembrade que podedes reservar por teléfono de martes a sábado.

Non estamos tristes porque foron seis anos de éxitos e aprendizaxes, a fortaleza da rede que se creou no espazo está implicada xa en novos proxectos cos que moi ilusionadas.

Só nos falta agradecer o apoio do público durante estes anos, o apoio da administración da AGADIC, e o do concello do Porriño, ademais dun agradecemento especialmente agarimoso ás nosas compañeiras e compañeiros teatrais, compañías e salas de teatro de toda a península ibérica.

05/06/2020

Con todo máis que completo para esta finde, non deixedes de vir ao encontro estaremos con programación ata o 4 de Xullo.
Asi llelo contamos a María Solar hoxe, a partires do minuto 12:15.
Nunca gravitar foi tan especial!!

03/06/2020

Recuperamos a actividade!

Aínda que coas novidades que vos relatamos a seguir e que xa imaxinaredes:

O aforo queda limitado a 25 persoas para poder respectar a distancia de seguridade.
As entradas serán con reserva telefónica previa no número 986 331 622, en horario de 18h a 21h de martes a sábado, para poder confirmar a dispoñibilidade e non ter a ninguén agardando. E lembrámosvos que igual ca antes do confinamento OS ABONOS TOTAIS NON TEÑEN QUE RESERVAR
A entrada ao local farase pouco a pouco seguindo as indicacións do persoal así que pedímosvos que veñades con tempo antes da hora prevista de comezo.
As reservas non recollidas a tempo poñeránse á venda 20min antes do comezo da función.
Durante a estancia no interior da sala é obrigatorio o uso de máscara segundo as recomendacións das autoridades sanitarias.
Agradeceremos que ao chegar ao espazo desinfectedes as mans (ou luvas) co xel hidroalcohólico que temos ao voso dispor na barra do ambigú.
Máis alá destas recomendacións, apelamos ao sentidiño de todas para poder g***r todas coas mínimas preocupacións posibles.

Agora si, esta semana na Sala Ingrávida do Porriño:

SUMIDOIROS
Varios artistas
Venres e sábado || 22h || 5€ reserva anticipada

O Sumidoiros é un certame para persoas en formación teatral ou compañías emerxentes no que pretendemos pór en valor as propostas teatrais en risco de rematar nos sumidoiros. Novas e atrevidas propostas que debuxan o futuro da escena galega.

As dúas propostas escollidas son:

VENRES 5;
"Déjanos entretenerte" da cía. Molesto Teatro de Vigo, un espectáculo baseado na improvisación e a creatividade dos integrantes da compañía Lucas Borges (director), Roberto Casal (actor) e Iván López (actor). Sorpresas, cambios de espazos e xogos escénicos cunha dirección de escena moi presente. O espectáculo tira moito da participación do público neste espectáculo que bebe do show televisivo de zapping para garantir o ritmo e a frescura constantes, así como para xustificar a espontaneidade e a sorpresa.

SÁBADO 6

Neurose é unha peza que obriga ao espectador a colocarse nun lugar onde, talvez por pura comodidade, non nos víramos obrigados a colocarnos. Traemos á escena a representación física da mente e do corpo dunha persoa con Transtorno Obsesivo Compulsivo, onde os seus fíos vense tensados ata que esta dualidade remata por levala ao límite. Unha experiencia que merece moito a pena vivir xunto a compañía.

GRIAL MONTES FERNÁNDEZ [ACTRIZ]
SOFÍA RODAL ALÉN [BAILARINA]
MANUEL ESTÉVEZ GONZÁLEZ [BAILARÍN]
DIEGO CHAMIZO MORA [DIRECCIÓN]
DAVID VILA MOREIRA [VESTUARIO]
DANIEL RODRÍGUEZ [ESCENOGRAFÍA]

14/05/2020

‪Lembrade mañá ás 00:00 remata o prazo para os Sumidoiros 2020! Mirade as bases, hai novidades:‬
‪- Podedes enviar un vídeo explicativo do proceso.‬
‪- Proposta gañadora recibirá premio en metálico.‬