CMUS Manuel Quiroga

CMUS Manuel Quiroga Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de CMUS Manuel Quiroga, Arte, Avenida Virxinia Pereira Renda, 4, Pontevedra.

03/05/2026

🌼🌼 “Auga de maio, pan para todo o ano” 💧 di o refraneiro galego. E é que coa chegada do tempo dos Maios, Galicia celebra o renacer da natureza, a abundancia que sempre brindou a chegada da primavera. Entre flores, música e tradición popular, esta festa convértese nun símbolo vivo da nosa identidade cultural. 🌼🌼🌼
No marco desta tradición e ao abeiro do refraneiro galego, a chuvia convértese tamén en memoria, símbolo e música na nosa terra galega. Por iso decidimos compartir hoxe un pequeno fragmento de “Nunca choveu que non escampara”, primeiro movemento da obra REFRANEIRO de Saúl Chapela, escrita para o Seminario de Música de Cámara tras unha proposta de Lorena Cabaleiro; trátase dunha composición sofisticada na súa arquitectura pero a súa vez, próxima e suxestiva na súa escoita, capaz de transformar o refraneiro galego nun discurso contemporáneo cheo de cor e intención.

Parabéns, Saúl, por unha obra tan inspiradora e coidada, e grazas a todas as persoas que formaron parte deste fermoso grupo:

Fran Seoane (frauta)
David Garrido (óboe)
Lorena Rodríguez (clarinete)
Daniel Garrido (f***t)
Saúl Chapela (piano)
Sergio Aparicio (violín)
Micaela González (violín)
Ângela Neto (viola)
Laura Juncal (violonchelo)
Miguel Dopazo (dirección)

🎶 Música no Eixo AtlánticoA pasada semana celebramos no noso centro o XV Concerto de Intercambio, unha cita moi especial...
20/04/2026

🎶 Música no Eixo Atlántico

A pasada semana celebramos no noso centro o XV Concerto de Intercambio, unha cita moi especial coa música que reuniu alumnado de diferentes lugares e países, compartindo escenario, experiencias e talento. Este tipo de encontros son unha oportunidade única para medrar artística e persoalmente, reforzando os lazos culturais a través da música.

O intercambio continúa: o mércores 22 será a quenda do encontro no Conservatorio de Braga, onde o noso alumnado viaxará para seguir compartindo esta experiencia. 🎼

🎻 Cordas no Museo 🤍🤍 - Onte vivimos unha tarde moi especial no Museo de Pontevedra, onde a música de corda encheu o espa...
16/04/2026

🎻 Cordas no Museo 🤍🤍 - Onte vivimos unha tarde moi especial no Museo de Pontevedra, onde a música de corda encheu o espazo de emoción, matices e proximidade. Un encontro entre alumnado, profesorado e público nun escenario único, no que a música foi a verdadeira protagonista.
Grazas a todas as persoas que o fixeron posible e a quen nos acompañou nesta experiencia! ✨🎼🎶🎵

[GAL] Cantas historias de mulleres na música quedaron agochadas co paso do tempo? Cantos dos seus nomes non ocuparon o l...
11/03/2026

[GAL] Cantas historias de mulleres na música quedaron agochadas co paso do tempo? Cantos dos seus nomes non ocuparon o lugar que merecían?
Músicas Silenciadas ten precisamente a intención de recuperar esas voces e devolverlles a súa presenza na memoria musical.
Hoxe a protagonista será América Martínez, unha guitarrista pioneira que fixo historia ao converterse na primeira catedrática de guitarra de España. A súa traxectoria artística e pedagóxica marcou o desenvolvemento do instrumento no noso país, aínda que o seu nome non sempre ocupou o espazo que merecía e merece dentro do relato musical.
A musicóloga Pilar Serrano Betored, doutora pola Universidade Complutense de Madrid, guiaranos nesta viaxe a través da vida e do legado dunha figura clave da guitarra. A conferencia irá acompañada dun recital homenaxe, creando un encontro entre; investigación, memoria e música en directo.
Unha verdadeira oportunidade para descubrir, escoitar e reivindicar a historia dunha muller que abriu camiños e para seguir poñendo en valor o papel das mulleres na historia da música.

Non faltedes🤍

🎶 Músicas Silenciadas: América Martínez
📍 Conservatorio Profesional de Música Manuel Quiroga
📅 18 de marzo de 2026
🕔 17:00 h

[GAL] Cantas historias de mulleres na música quedaron agochadas co paso do tempo? Cantos dos seus nomes non ocuparon o l...
10/03/2026

[GAL] Cantas historias de mulleres na música quedaron agochadas co paso do tempo? Cantos dos seus nomes non ocuparon o lugar que merecían?
Músicas Silenciadas ten precisamente a intención de recuperar esas voces e devolverlles a súa presenza na memoria musical.
Hoxe a protagonista será América Martínez, unha guitarrista pioneira que fixo historia ao converterse na primeira catedrática de guitarra de España. A súa traxectoria artística e pedagóxica marcou o desenvolvemento do instrumento no noso país, aínda que o seu nome non sempre ocupou o espazo que merecía e merece dentro do relato musical.
A musicóloga Pilar Serrano Betored, doutora pola Universidade Complutense de Madrid, guiaranos nesta viaxe a través da vida e do legado dunha figura clave da guitarra. A conferencia irá acompañada dun recital homenaxe, creando un encontro entre; investigación, memoria e música en directo.
Unha verdadeira oportunidade para descubrir, escoitar e reivindicar a historia dunha muller que abriu camiños e para seguir poñendo en valor o papel das mulleres na historia da música.

Non faltedes🤍

🎶 Músicas Silenciadas: América Martínez
📍 Conservatorio Profesional de Música Manuel Quiroga
📅 18 de marzo de 2026
🕔 17:00 h

🎶 Resultados do CMQ 2026 — 3º Concurso de Música de Cámara Manuel QuirogaO pasado venres celebrouse a final do certame n...
23/02/2026

🎶 Resultados do CMQ 2026 — 3º Concurso de Música de Cámara Manuel Quiroga

O pasado venres celebrouse a final do certame no Auditorio do CMUS Manuel Quiroga, cunha altísima calidade artística por parte de todas as agrupacións participantes.

🏆 1º Premio
Quinteto de percusión — interpretación de Kyoto de John Psathas

🥈 2º Premio
Paula García Sánchez e Naomi Rey Rey (voz e piano)
Obra de José Luis Pedrosa

🎖 Premio á mellor interpretación de música galega
Lucía Castro Blanco e Laura Arribas López (trompa e piano)
Mondariz de Juan Durán

O noso máis sincero parabén ás gañadoras e gañadores, así como a todas as agrupacións participantes polo alto nivel musical demostrado nesta edición.

Grazas ao EDLG por organizar este concurso e tamén ao público asistente por acompañarnos e facer da música de cámara unha experiencia compartida 🎼

❤️❤️Hai persoas que non só traballan nun lugar, senón que o constrúen día a día desde dentro. Iso é o que fixo durante m...
11/01/2026

❤️❤️Hai persoas que non só traballan nun lugar, senón que o constrúen día a día desde dentro. Iso é o que fixo durante moitos anos o noso benquerido Víctor Guiance neste conservatorio. 🎶
Fai unhas semanas despedimos nunha cea-celebración, chea de emocións e agasallos, sorrisos e algunha bagoa,🥹 a quen foi parte esencial do CMUS Profesional Manuel Quiroga dende os seus comezos, no antigo edificio. Estivo cando todo estaba por facer; acompañou ao alumnado, ao profesorado e axudou a crear durante anos algo moito máis ca un conservatorio: unha verdadeira comunidade arredor da música, do respecto e da convivencia.🤗
A súa presenza constante e sempre disposta a axudar fixo que deixase de ser só o noso conserxe para converterse nun apoio e incluso, un moi bo amigo para moitos. A súa pegada queda en cada xesto, en cada conversa e en cada lembranza dos seus divertidos “chascarrillos”. 😍
Grazas por tantos anos de dedicación e compromiso.
Desexámosche unha xubilación chea de saúde, tranquilidade e ledicia. 💖

✨ Querido Victor; Este sempre será o teu fogar ✨

06/01/2026

❤️🎶Hoxe; un agasallo de🤴:Extractos de “O lago dos cisnes” de Tchaikovski interpretados pola OSMAQ.
É unha sorte contar con rapazas/es tan talentosos e cun nivel tan excepcional. Quizais algúns non continúen o seu camiño vital ligado á música; pero co paso do tempo todos poderán dicir cun boa lembranza: “Eu interpretei na miña xuventude grandes obras do repertorio orquestral”. 🤗 E esa é, en parte, unha das grandes misións dos CMUS.
Pero nada disto sería posible sen a cooperación, o compromiso e a complicidade dos/as profes de apoio; Nos violíns, Sergio Heredia, excepcional músico e mestre, pero tamén compañeiro sempre na procura dun sorriso nos que o rodeamos. Micaela González, baixo cuxa sabedoría e bo traballo a corda de segundos violíns esta a dar un salto de calidade abraiante. Sergio Aparicio, puro temperamento ao violín, cuxa motivación estanos a contaxiar a tod@s. Na viola, David López; o valor dun grandísimo músico, profesor e compañeiro difícil de explicar: apoio constante, proximidade, empatía... Nos violoncellos, Elsa Pidre, unha das luces da orquestra, creadora dunha verdadeira irmandade grazas á súa cercanía e á súa presenza sempre luminosa en cada ensaio. No contrabaixo, grazas tamén ao, ata de agora, profesor Antonio Castillo pola súa entrega e preocupación polo alumnado, pero logo das vacacións voltará a nosa adorada 🤗
Ao piano, Leticia Folgar; ledicia feita música, que sempre nos agasalla con enormes doses de musicalidade. Outra luz da orquestra. Nas madeiras, Daniel Garrido, un musicazo do f***t, que achega toda a súa experiencia orquestral e contaxia profesionalidade a quen o rodeamos. Nos metais: Antonio Gómez, trombonista exquisito e magnífico pedagogo, transmisor da súa paixón pola música; e Francisco Pérez (Paco💖), un PROFESOR con maiúsculas. Se hai luces na orquestra, el é un astro. A relación co seu alumnado roza a devoción; como músico e docente, un dez; como persoa, seguramente: tende ao INFINITO ♾️🤗

Perdoade se quizais quen escribe, non é de todo obxectivo; pois ten a sorte de dirixilos cada semana 😜 GRAZAS ❤️

31/12/2025

🎉Hoxe é un día de alegría e celebración. ACABA O ANO!! 🥳

Coido que non hai mellor maneira de despedir o 2025, que facelo compartindo un momento cheo de música, talento e ilusión. Este video da Banda I mostra a xuventude, a paixón e o esforzo unidas para regalarnos un momento marabilloso. Isto non sería posible sen a dedicación do profesor .conductor , director desta banda. Grazas ao seu compromiso, á súa visión e á súa capacidade, estes rapaces e rapazas (non olvidemos que dos primeiros cursos do GP 😱) conseguiron un nivel musical que sorprende, interpretando como verdadeiros profesionais!!

No video podedes escoitar dúas obras; Música i Poble de Ferrer Ferran - un pasodobre de concerto que rende homenaxe á tradición bandística. Foi escrita como homenaxe ao número 100 da revista “Música i Poble”, publicada pola Federación de Sociedades Musicais da Comunidade Valenciana. (O importante desta peza é que simboliza a unión entre música e comunidade, celebrando a identidade musical dun pobo que vive e sente a banda como parte esencial da súa vida colectiva, igual que na nosa comunidade.❤️)
Por outra banda “A viúva alegre”, a segunda das pezas do video, converteuse nun dos grandes símbolos musicais da “Belle Époque”. A opereta narra cun ton elegante e cheo de encanto a historia dunha rica viúva. Como poderedes apreciar na súa música, combina humor, romanticismo e sofisticación.

Este reel fala de ilusión, compañeirismo e FUTURO. Por iso, este video non é só unha despedida de ano: é unha mostra do camiño percorrido e unha promesa de todo o que aínda ESTÁ POR VIR. 🫶🫶💖

P.D: coidado coas uvas!!!🍇☺️

29/12/2025

🔥🎶A Banda II do Conservatorio Manuel Quiroga, dirixida polo noso entrañable e queridísimo compañeiro D. José Pérez, encheu de lume e alegría o escenario do Pazo da Cultura de Pontevedra hai uns días na Gala de Nadal coa vibrante “Conga del Fuego”. Esta obra do compositor mexicano Arturo Márquez é unha explosión de ritmo latino, percusión irresistible e enerxía contaxiosa que transforma a música nunha auténtica festa. Din que poucas pezas conseguen facer sorrir, mover os pés e levantar o ánimo do público tan rápido coma esta… e nós podemos confirmalo 🎶🔥

25/12/2025

✨💫🌟⭐️Como cada ano, o Departamento de Piano do CMUS regálanos unha das tradicións máis fermosas deste tempo: a súa fermosa peza para piano preparado, composta por Saúl Chapela e que, nesta ocasión, está inspirada en Rudolph the Red-Nose Reindeer. E é que realmente nestas datas agardamos esta creación con moita ilusión todos os que formamos parte do Manuel Quiroga!! 🫶☺️

Grazas, Saúl, por estas obras tan especiais; grazas a Evelia Martinez, por iluminar cada día o centro co seu entusiasmo e agarimo; e grazas ás mestras (case xemelgas) Leticia Folgar e Lorena Cabaleiro, porque os seus sorisos fan máis cálido o noso día a día. Por último, un agradecemento moi especial a Pedro Grela, que, aínda estando noutra etapa, segue lembrando esta que sempre será a súa casa.
Que esta tradición siga unindo corazóns, música e ilusión.💖

🎄 Bo Nadal dende o CMUS!🫶🫶🎶

Dirección

Avenida Virxinia Pereira Renda, 4
Pontevedra
36003

Página web

Notificaciones

Sé el primero en enterarse y déjanos enviarle un correo electrónico cuando CMUS Manuel Quiroga publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a CMUS Manuel Quiroga:

Atajos

Compartir

Categoría