13/02/2024
📖Nos anos 60, no lugar de Vilasuso (parroquia do Val, Narón) a poboación quixo recuperar unha tradición do entroido, as comparsas🎉, pero, tres anos despois quedaron esquecidas por diferentes motivos.😢
Saían o martes de entroido e percorrían todas as casas do lugar🏠, cantando e bailando ao son da gaita e do clarinete ou do acordeón, dependendo do ano. Os veciños e veciñas dábanlles diferentes agasallos🎁 có que ao final do día facían unha festa nalgunha das casas.🍷🎊
🧍♀️As mulleres levaban traxes compostos por unha saia de volantes de papel de cores, chaqueta de veludo negro con aderezos prateados e unha flor de papel na parte esquerda do peito. A maiores, levaban colares de perlas e diademas ou sombreiros feitos de flores. 🌹
🧍♂️Os homes, moito máis uniformados, levaban traxes de estilo militar aderezado con fitas de bandeiras, cores e guirnaldas, imitando os galóns militares. 👨✈️Na cabeza, levaban gorras militares con moitísimas flores de papel.🌺
Contan os veciños que os seus pais percorrían detrás deles o lugar vestidos con túnicas, tapados ata os pés e con máscaras. 😔Destes traxes non atopamos, por agora😉, ningunha imaxe.
👉🏼Coñecías o "Entroido do Val"?
