O Quinteiro Buño AVSC

Casa
España
Malpica de Bergantiños
O Quinteiro Buño AVSC

Asociación de Veciños e Socio Cultural O Quinteiro de Buño

14/06/2026

Gracias a tódolos asistentes ás festas de San Antonio, tamén aos , patrocinadores, voluntarios atendendo a barra e Bar O Norte polo salpicón da sesión vermú de domingo.

30/05/2026

ACTIVIDADE CANCELADA POR NON ACADAR MÍNIMO DE INSCRITOS

AOS INSCRITOS DEVOLVERÁSELLE A COTA DE INSCRICIÓN AUTOMÁTICAMENTE Á MESMA CONTA COA QUE FIXERON O PAGO.

23/05/2026

Compartimos o cartel das próximas festas de San Antonio 2026 !

17/05/2026

A Asociación de Veciños e Socio-Cultural O Quinteiro de Buño, en colaboración coa Asociación Surf and Clean organiza este obradoiro de sensibilización do coidado da pel do sol con alternativas respetuosas co medio mariño.

“ Adicaremos 90 minutos a compartir información de dominio público sobre o probable impacto que os protectores solares convencionais teñen sobre a nosa saúde e sobre o ecosistema mariño. Partindo da nosa experiencia persoal propoñeremos alternativas naturais que temos atopado para protexer a nosa pel dun xeito máis respectuoso e natural. Entre elas, elaboraremos unha fórmula de protector solar caseiro con óxido de zinc (non nano) e ingredientes asequibles de orixe natural para poder probar e tamén seguir elaborando na súa casa. Este protector solar non está homologado nin conta con índice de protección acreditado.

Participando neste obradoiro apoiamos tamén o proxecto deportivo-educativo Aprende a través do surfing, desenvolto pola asociación Surf and Clean en colaboración coa Federación Galega de Surf, as escolas de surf locais e o Concello de Malpica; ademais da Deputación da Coruña, Xogade, Ecovidrio e MSC pesca sostible.”

DATOS DA ACTIVIDADE:

Actividade: COIDA A TÚA PEL DO SOL…pero respectando o mar.

Data: 23 de maio.

Hora e Lugar: 12:00 h no CAT de Buño (A Camposa).

Duración: 90 minutos aproximadamente.

Prezo: de balde.

Nº prazas: 10.

Imparte: David Moreno (Surf and Clean).

Contidos da actividade:

Protectores solares, situación actual.

Alternativas saudables.

Faino ti mesmo/a.

Actívate e corre a voz.

Apoia un proxecto educativo local “Defende o Mar a través do Surfing”

Outra información: cada participante levará unha mostra de protector solar natural de 30 gramos.

INSCRICIÓN:

Inscrición de balde exclusivamente por Whatsapp ou teléfono: 686.700.766.

13/05/2026

¡Unha marea de mans polas nosas praias!*

O vindeiro sábado 16 de maio, temos unha cita coa nosa contorna. Unha actividade que pretende o mantemento das praias das Torradas e o Riás para loitar contra a crecente problemática de plásticos e residuos que danan o noso litoral.

Nesta xornada, contamos coa colaboración especial de Limpocean e Surf and Clean, que nos acompañarán para sumar forzas e coñecemento nesta causa.

Agardámoste ás 10:30h no punto de encontro para comezar esta xornada de voluntariado ambiental.

Non importa a idade, só a vontade de botar unha man e desfrutar dunha mañá diferente en contacto co mar.

De nós depende poder seguir vendo os nosos areais como os coñecemos.

Móllate pola túa costa. Agardámoste!

10/05/2026

Algúns ándano por motivos espirituais, hai quen o fai por turismo, diversión ou deporte. Tamén hai xente que o fai por coñecer xente, achegarse ao rómanico ou a unha natureza diversa e exuberante; hai quen o anda para atoparse así mesmo e hai quen o anda sen saber porqué. O certo é que, por un motivo ou por outro, miles de persoas andan o Camiño de Santiago tódolos anos.

A Sección de Deportes da nosa asociación ten preparado unha viaxe que, canto menos, será unha oportunidade para coñecer xente, disfrutar do patrimonio arquitectónico e natural e dunha boa comida ao chegar ao destino na vila de Portomarín.

A do día 6 de xuño camiñaremos a primeira etapa (Sarria – Portomarín) e a intención e facer as restantes ata chegar a Santiago de Compostela nos próximos meses ou anos, non imos con présas…

DETALLES DA ACTIVIDADE:

Actividade: ETAPA DO CAMIÑO DE SANTIAGO – SARRIA – PORTOMARÍN

Data: 6 de xuño.

Hora e Lugar saída: 07:00 h dende Buño (anunciaremos os puntos de recollida).

Distancia e dificultade: 22 Km, dificultade media alta.

Prezo: 50 Euros (inclúe traslados en bus, seguro e comida en Portomarín.

Menú a escoller:

Menú 1: Caldo + Pescada á Romana.

Menú 2: Paella + Pescada á Romana.

Menú 3: Caldo + Costela en salsa.

Menú 4: Paella + Costela en salsa.

Data límite inscrición: 24 de maio (pedimos aos interesados que vos apuntedes canto antes para axilizar a organización desta andaina).

04/04/2026

Voltamos de excusión, esta vez vai a ser unha auténtica marabilla, vamos a visitar unha das vilas máis fermosas do país, Allariz, comeremos nun restaurante próximo e pola tarde visitaremos o Pazo de Oca, considerado o “Versalles Galego” polos seus sublimes xardíns. Vai ser unha xornada de paseo moi completa e con excelente compañía; anímate e apúntate, as prazas son limitadas. Data límite para inscrición o 19 de abril ou fin de prazas.

ITINERARIO DA VIAXE

Saida: dende a Praza de Buño ás 08:00 h.

Maña: visita a ALLARIZ, ao chegar, unha guía estará agardando o grupo para realizar unha visita polo seu belo Conxunto Histórico Artístico, descubrindo os seus monumentos ás beiras do Río Arnoia: o Convento de Santa Clara, o seu barrio xudeu ou algún dos seus museos, paseando polos seus xardíns e rúas.

Mediodía: comida en restaurante da zona.

Tarde: visita aos xardíns do PAZO DE OCA, Coñecido como o “Versalles Galego” pola beleza dos seus xardíns, teremos tempo libre para admirar os seus estanques con forma de barco, xardíns, labirintos e os seus deseños de auga e pedra…

Volta a Buño: sairemos do Pazo de Oca sobre as 19:00h para estar en Buño entre as 20:30 e 21:00 h.

INSCRICIÓN, PREZOS E PAGO CON TARXETA OU BIZUM:
PREZO SOCIOS………….….60 EUROS
CLICK AQUÍ PARA PAGO CON TARXETA OU BIZUM PREZO SOCIOS
PREZO NON SOCIOS………65 EUROS
CLICK AQUÍ PARA PAGO CON TARXETA OU BIZUM PREZO NON SOCIOS
O prezo inclúe transporte en autocar, guía oficial en Allariz, entrada aos xardíns do Pazo de Oca, xantar en restaurante da zona e seguro de asistencia en viaxe e IVE.

INSCRIBIR A OUTRAS PERSONAS: podes inscribir a outras personas poñendo o seu nome nos datos de pago.

DIRIXIDO A: tódolos públicos (socios e non socios) – PRAZAS LIMITADAS

PAGO CON TRANSFERENCIA:

– IBAN beneficiario: ES90 0049 7141 0229 1000 7300
– Nome beneficiario: Asociación de Veciños O Quinteiro de Buño
– Concepto: EXCURSION ALLARIZ + nome persoa que viaxará
– Importe: 60 € para socios / 65 € para non socios.

PAGO EN EFECTIVO: de momento non dispoñible.

OUTRA INFORMACIÓN:
CUPO MÍNIMO: é necesario un mínimo de 35 persoas inscritas para poder realizar a excursión, en caso de non cubrir este cupo cancelaráse e devolverase a cota de inscripción.
CARTEL E ACTUALIZACIÓN DE INFORMACIÓN: EXCURSIÓN A ALLARIZ E PAZO DE OCA – 26/04/2026.
INFORMACIÓN: teléfono 663.605.205 ou correo [email protected].
Achégase imaxe do cartel.

Esperámoste o día 26 de abril nesta fabulosa excursión.

29/03/2026

Día 18 de abril: Roteiro Literario O Quinteiro dos Libros. Se queres vir contar algún conto ou doar libros para o mercadillo contacta con calquera da Xunta Directiva. Feliz domingo

19/03/2026

Aviso!!

17/02/2026

Volve o teatro a Buño! toma boa nota e procura ser puntual o sábado, 7 de marzo, no CAT (A Camposa – Buño), a entrada é de balde pero as prazas están limitadas ao aforo.

Nesta ocasión temos a honra de ver sobre as táboas ao Grupo de Teatro Vagalume Animación de Carballo quenes nos presentan, de xeito totalmente altruista, a súa comedia “Operación Barranco”: entre identidades ocultas, matrimonios en crise, amores mal resoltos e operacións que nunca deberían levarse a cabo, disfrutaremos dunha comedia coral chea de retranca galega onde cada personaxe, ao intentar solucionar os seus problemas, acaba precipitando aos demais directamente ao… barranco

Dirección

Rúa Santa Catalina, O Teleclube
Malpica De Bergantiños
15111

Página web

https://linktr.ee/oquinteirobuno

Notificaciones

Sé el primero en enterarse y déjanos enviarle un correo electrónico cuando O Quinteiro Buño AVSC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a O Quinteiro Buño AVSC:

Atajos

¿Quieres que tu empresa sea el Arte Y Entretenimiento mas cotizado en Malpica de Bergantiños?