Urmat Usenov

02/12/2025

Дагы бир жыл сени бирге өткөнүнө чексиз шүгүр. Сенин барың өзү бакыт. Сенден мага башка эч нерсе керек эмес. Ар бир көз ирмем сайын арабыз алыстабай, жанашып жакын бололу. Жараткан жашоомду сени менен байлаганына ченемсиз рахмат айтам. Бул күн болгону бир бактылуу мүнөт, максатым Эгебизден энчиленген жашоомдун ар бир күнүндө жаныңда болуу. Бактыбызга жакындарыбыз, балдарыбыз бар болсун! Эстүү жансың, аны жакшы билем. Сенин мага берген демиңе эч бир тоскоолдук жолтоо боло албайт. Аркамда турсаң, али далай жеңиштерге жетебиз! Бар бол, байланган бактым, алмашкыс асыл жаным!🌹❤️

27/10/2025

Однажды в Барселоне…

27/10/2025

Элдин ушул жерден түшөт экен, биз да түшүп койдук..)) #барселона🇪🇸

26/10/2025

26/10/2025

Оюн алдында! #эльклассико

25/10/2025

Парижге сүйгөнүң менен барыш керек экен..😀 Кетели..))

15/10/2025

Күз күрөш.

20/08/2025

02/12/2024

Бүгүн менин жубайымдын жеке майрамы. Алладан ага чын ден соолук, жарык жашоо, бекем ыйман, белен ырыскы, кемибес кенч, бактыга бай күндөрдү, уйкуга жай түндөрдү, берекелүү, өрнөктүү өмүр тилейм.. Эмнеге?
Эркектер өзү үйлөнгөнгө чейин үйгө кирээри менен “апам кана?” деп, үйлөнгөндөн кийин “апаң кана?” дешет деген кеп чын эле экен..) Көрсө, Жаратканым деле биздин жалгыз жүрсөк жакшы болбой калаарыбызды билген го… Күнүгө таза кийим кийип, ысык тамак ичип, жуунуп-таранып, кооз сүйлөп, короздой басып жүрсүн деп боору ооруп, аялзатына байлап бергенби дейм…Үнүбүз менен белибиз жоон болгону менен чыдамыбыз ичке турбайбы. Боюбуз менен оюубуз узун болгону менен амалыбыз алты карыш чыкпайт. Күчүбүз менен демибиз көп болгону менен алыбыз аз эле экен..Досубуз менен масыбыз жайнаганы менен эсибиз эки карыштан ашпайт. Алдадым деп жүрсөң, алданып калганыңды аркы жумада билесиң..😄 Жеңдим деп жүрсөң, эбак эле жеңилгениңди жетимиштен өткөндө билесиң деп бир байке. 🤦‍♂️
Тоодой ташты көтөрө алышыбыз мүмкүн, бирок аялдын түйшүгүнө түтпөйбүз го. Апаң менен аялың билдирбегени менен бизди эстафетадай эле бири- бирине өткөрүп беришет турбайбы.. Апам жаңы үйлөнгөндө мага чалып абалымды сурачы эле, азыр абалымды апамдан угам. Кээде жубайымдын өтүнүчү апамдын буйругу менен айланып келип, аткарбаганга айлаң жок калат. Ошондой болсо да, азыр апамдын көңүлү тынч. Мен ошого, бул жашоого жана сага ыраазымын..😘

31/12/2023

Урматтуу менин баракчамдын катталуучулары жана коноктору. Баарыбызга жаңырып жаткан жаңы жылыбыз куттуу болсун! Эски жыл Кудайга чексиз шүгүр, жакшы, берекелүү, мээримдүү жылдардан болду. Эми, жаңы жылда Жараткан баарыбыздын тилегибизди оңунан берип, саламаттыгыбызды сак кылып, өмүрүбүзгө, ырыскыбызга береке чачып, тынчтыктын, аманчылыктын, достуктун, ийгиликтин, жакшылыктын жылынан кылсын! Ар бирибиздин үйүбүз жарык, жылуу жана шаңга бөлөнүп, төрүбүздө ата- эне, бир туугандар, жаныбызда жубай- жолдош, артыбызда уул-кыз, кашыбызда курдаш-сырдаштар, алдыбызда мал-жан, үстүбүздө ачык асман, жатсак түнүбүз бейпил, алты саныбыз аман, санаабыз тынч болсун! Келгиле баарыбыз Ооомиийн деп тилек кылалы!!!🤲🤲🤲

15/12/2023

Азыр баары: “Өзүңдү сүй” деп үгүттөйт, анда сени ким сүйөт?...

03/12/2023

Убакытты сүйүктүү аял гана токтото алат...
Он алты жылдан бери ызгаардуу кыш мага жылуу, он алты жылдан бери жаман адам мага сулуу, он алты жылдан бери аш казан ачкалыкты сезбей келсе, он алты жылдан бери караңгы түн мага айлуу, он алты жылдан бери жалгыздык алыс кеткен, он алты жылдан бери кусалык кубалап жетпей жүрөт, он алты жылдан бери балдарым үйдө тыйбай күлөт, он алты жылдан бери төрүмө конок тынбай келет, он алты жылдан бери жөн күндөр майрам болуп, он алты жылдан бери ата энем дөөлөткө сыйбай келет, он алты жылдан бери жакалар кирдей элек, он алты жылдан бери кызганыч кирбей келет, он алты жылдан бери жаздыгым жылуу-жумшак, он алты жылдан бери байпактар жыртыла элек, он алты жылдан бери капчыгым бөксөрө элек, он алты жылдан бери ойлорум томсоро элек, он алты жылдан бери береке кучакташып, он алты жылдан бери тормозум токтото элек, он алты жылдан бери кыялым кыйыла элек, он алты жылдан бери тамаша тыйыла элек, он алты жылдан бери Аллахка жакын болуп, он алты жылдан бери жай намаз жыйыла элек...Он сегиз жаш куттуу болсун, көлөкөм! #Альхамдулиллях !