Viñetas do Camiño

06/08/2021

No Diario de Ferrol fan un repaso de todo o que deu de si o noso proxecto. Moitas grazas!!!!

E recordade que aínda podedes visitar a exposición ao aire libre e tamén en formato virtual a través da nosa web

La primera, que se celebró en el Museo do Humor el pasado día 11, reunió a los artistas Elga Fernández, Blanca Escrigas, Beatriz Seijo, Carlos Silvar y Eduardo Hermida, todos ellos con una t ...

03/08/2021

🥾🎨 E xa chegamos ao final!!!!! Se seguides con nos neste percorrido virtual estaredes entrando en Pontedeume. Na praza de España, a vila dos Andrade tenvos preparada a derradeira sorpresa do camiño.

Hugo Leal e Juanma Rubio pechan a exposición de Viñetas do Camiño con obras ben características. O primeiro amosa dúas olladas consecutivas sobre a mesma escena emprazada na Alameda de Raxoi: o bosquexo a lapis e o resultado final, xa con cor.

O segundo ofrece dous fragmentos de vistas moi coñecidas tanto de Pontedeume coma de Cabanas. Unha máis convencional, outra máis peculiar... pero non vos queremos adiantar nada. Mellor que as vexades, como fixeron o tenente de Alcalde de Pontedeume, José Simones; e as concelleiras de Cultura, Ángela Piñeiro, e Turismo, Yolanda Vázquez, recibindo no seu recorrido por toda a mostra ao alcalde de Fene, Juventino Trigo, e os edís de Turismo, Ana Basoa; e Cultura, Justo Martínez.

E ata aquí chegamos, que vos parece a vós a exposición? Paga a pena visitar a mostra?

02/08/2021

🥾🎨 Se vides camiñando dende Fene, acompañándonos nesta andaina virtual, esta será a etapa máis longa, pero paga a pena chegar a Cabanas, ao parque Arenal, para apreciar os debuxos que Dulce Anca e Beatriz Seijo fixeron para Viñetas do Camiño.

Catro obras que atoparedes no penúltimo cubo da mostra e que son un fel reflexo do traballo e estilo de dúas das artistas máis destacadas da comarca. Unha, cunha proxección envexable; a outra, cunha traxectoria consolidada.

Dende a fonte de Santa Lucía, Dulce Anca rendeu homenaxe ás lavandeiras nunha das paradas da Ruta da Auga de Cabanas. Beatriz, pola súa banda, agazapada no Camiño de Mundín, en Fene, captou a esencia do CamiñoInglés cos peregrinos coma protagonistas.

O luns 26, Carlos Ladra, alcalde de Cabanas, estivo no parque Arenal, contemplando as obras, xunto cos seus concelleiros Iago Varela (Turismo), Eva García (Servizos) e Conchi Rodríguez (Infraestruturas e Parques). Alí recibiron á expedición fenesa, co seu alcalde, Juventino Trigo, e os edís de Turismo, Ana Basoa; e Cultura, Justo Martínez.

Dulce Anca Beatriz Seijo - Artist

30/07/2021

🥾🎨 Nesta peculiar ruta na que levamos xa días embarcados hoxe toca parar “na casa”, regresar a Fene para g***r do magnífico traballo de Laura Bouza e Xaquín Marín quen, aínda que non puido estar con nós na Andaina Deuxada do pasado xuño, enviounos dúas viñetas que ben merecen a pena visitar.

Os seus debuxos contrastan cos bosquexos que Laura Bouza realizou da casa do Concello. Para quen tivemos a sorte de vela traballar en directo na segunda xornada do percorrido e escoitar as súas explicacións sobre o proceso creativo, ver rematadas as obras completan a experiencia.

LauDas Calamity. Laboratorio de Creación Artística

29/07/2021

🥾🎨 Un agradable paseiño pola ribeira levaranos dende o parque de Xubia ata o albergue de peregrinos de Neda, á outra beira da ría, para atopar o terceiro dos cubos da mostra da Viñetas do Camiño.

Unha estrutura ben peculiar na que contrastan os característicos estilos de Calros Silvar e Cristian F. Caruncho. O primeiro deixounos un par de acuarelas da ribeira; mentres que o segundo conquistounos coa súa amabilidade e o seu trazo firme e divertido que converteu o xardín de Dorotea e o casco histórico de Neda en protagonista.

O alcalde de Neda, Ángel Alvariño; xunto cos edís de Seguridade, Gonzalo Ferreiro; Cultura, Verónica Vigo; e Turismo, Soraya Fernández, estiveron alí, a pé de cubo, para recibiren esta semana ao seus homólogos feneses, con Juventino Trigo ao fronte, no percorrido que o luns fixeron por todas as estruturas.

CRISTIAN F. CARUNCHO

28/07/2021

🥾🎨 Quedáramos en Caranza, recordades? Preto da ermida. Pois dende alí tocaranos camiñar (ou non), seguindo o Camiño Inglés ata o parque de Xubia.

O segundo cubo da mostra de Viñetas do Camiño ofreceravos unha vista do Muiño das Aceñas, baixo a óptica peculiar de Leandro Lamas. Velo traballar durante a Andaina Debuxada foi unha auténtica gozada. Como tamén o foron os pequenos bosquexos que realizou para os nosos camiñantes máis novos e que, precisamente, convertéronse na súa segunda aportación á mostra.

A súa visión contrasta poderosamente cos óleos cos que nos obsequiou Carme Martín, dúas fermosas vistas do Mosteiro do Couto que compuxo con trazo firme “nun intre” baixo a atenta mirada de todos os que alí se achegaron durante a andaina.

Como xa vos contamos, Natalia Hermida, concelleira de Turismo de Narón, estivo alí esta mesma semana recibindo á comitiva fenesa, encabezada polo seu alcalde, Juventino Trigo.

Leandro Lamas - Pintura

27/07/2021

Aí están os nosos amigos de Ferrol 360 dando conta da exposición de Viñetas do Camiño. Moitas grazas!!!

FERROL360 | Sábado 24 julio 2021 | 18:26 La exposición Viñetas no Camiño se inauguró el viernes en ...

27/07/2021

Nin nós, Elga. Tampouco o entendemos. Nin Ferrol, nin Narón, nin Fene, nin Neda... nin ningún recuncho desta comarca, que é marabillosa. Por iso encántanos que unha das ilustradoras coas que contamos no proxecto Viñetas do Camiño aproveite sempre que pode para pór en valor o noso.

GRAZAS

TEXTO y FOTOS: ALICIA SEOANE| Ferrol | Martes 27 Julio 2021 | 14:23 La ilustradora ferrolana Elg...

27/07/2021

Aproveitando que o día está gris e que a semana non pinta ben de todo, propoñémosvos un reto. Que vos parece completar o treito do Camiño Inglés, dende Ferrol a Pontedeume, visitando os seis cubos que compoñen a exposición de Viñetas do Camiño?

Tranquilos, que nin vos pedinos que o percorrades andando nin que o fagades todo nunha mesma xornada. Vamos ir pouquiño a pouco comezando hoxe polo punto de inicio.

Se partides do peirao de Curuxeiras, a primeira parada ides atopala preto da ermida de Caranza. Alí agarda por vos a estrutura que contén os debuxos que, con motivo da Andaina Debuxada dos días 12 e 13 de xuño, fixeron Blanca Escrigas e Elga Fernández Lamas

A ilustradora, co seu trazo inconfundible, plasmou unha vista da estatua do mariño Jorge Juan no medio do Xardín de Herrera, rodeada de flores e árbores. Precisamente dende alí recolleu unha fermosa vista do Arsenal que se converteu na segunda das súas aportacións á mostra.

Xunto con elas, Blanca Escrigas firmou dúas preciosas acuarelas unha coa ermida de Caranza e outra con dous dos nosos “peregrinos” coma protagonistas.

Onte, luns, estiveron alí o alcalde de Fene, Juventino Trigo, e os concelleiros de Turismo, Ana Basoa, e Cultura, Justo Martínez, xunto con Eva Martínez, edil de Patrimonio do Concello de Ferrol, un dos que colaborou co de Fene para que esta iniciativa fose posible.

Aquí vos deixamos un adianto, con fotos desa visita, pero tamén das obras que ides atopar. Mañá, máis.

26/07/2021

🥾🎨 Non somos nós, senón vós, os que o tedes que dicir, pero o certo é que non nos pode gustar máis como quedaron os seis cubos que compoñen a exposición de Viñetas do Camiño.

Esta mañá, o alcalde de Fene, Juventino Trigo, e os concelleiros de Cultura, Justo Martínez, e Turismo, Ana Basoa, visitaron todas as estruturas e foron recibidos en cada unha delas por unha comitiva dos distintos concellos nos que quedaron emprazadas.

En todos eles coincidiron cos seus anfitrións na calidade artística da mostra, pero tamén no necesarias que son iniciativas coma esta para pór en valor o patrimonio material e inmaterial da comarca, neste caso, a través do Camiño Inglés.

Nós recomendámosvos que fagades coma eles, que collades o macuto e botedes a camiñar, ou que fagades excursións puntuais, pero que non deixedes de visitalos.

Pero se non podedes, ao longo dos vindeiros días imos ir amosándovolos por aquí. Empezando pola primeira parada desta mañá, con Natalia Hermida, concelleira de Turismo de Narón, que quedou abraiada polas ilustracións de Carme Martín e Leandro Lamas.

A verdade é que presta moito recibir o apoio dos nosos concellos veciños. Moitas grazas a todos!

26/07/2021

🥾🎨 Dende Ferrol a Pontedeume, pasando por Narón, Neda, Cabanas e, por suposto, Fene, os peregrinos que percorran o Camiño Inglés ao seu paso por Ferrolterra poden g***r xa da exposición ao aire libre que, con motivo do proxecto Viñetas do Camiño incluído no programa O Teu Xacobeo 21, engalana a ruta.

A mostra está composta polas vinte e castro obras elaboradas pola ducia de ilustradores que participaron na Andaina Debuxada dos días 12 e 13 de xullo. Os traballos repártense en seis cubos –catro debuxos en cada estrutura- espallados por seis recunchos ao longo destes concellos.

En Ferrol, a estrutura quedou disposta no paseo de Caranza e nela móstranse os traballos de Elga Fernández Lamas e Blanca Escrigas; en Narón amósanse no paseo marítimo de Xubia as ilustracións de Carme Martín e Leandro Lamas; en Neda a estrutura acomodouse en Xubia, na zona do albergue de peregrinos, e nela vense os traballos de Calros Silvar e Cristian F. Caruncho; mentres que en Cabanas está no parque Arenal, nun espazo reservado para Beatriz Seijo e Dulce Anca; e en Pontedeume na Praza de España, con láminas de Juanma Rubio e Hugo Feal. Xaquín Marín e Laura Bouza serán os protagonistas do cubo de Fene, preto do Concello, ao carón do río Cádavo.

Na inauguración da exposición, o alcalde de Fene, Juventino Trigo, destacou a “orixinalidade” dunha iniciativa que vai “deixa unha pegada artística” e agradeceu o esforzo e colaboración tanto das distintas administracións públicas que apoiaron o proxecto coma de todos os colectivos que se sumaron a el nos meses pasados e, por suposto, dos artistas que dotaron á proposta dunha “calidade artística incuestionable”. O rexedor estivo acompañado na cerimonia da a xefa territorial na Coruña da Vicepresidencia Primeira da Xunta, María Barreiro Lázare, así como os concelleiros de Cultura, Justo Martínez, e a de Turismo, Ana Basoa; e Calros Silvar, en representación dos artistas.

Juventino Trigo adiantou que o proxecto “Viñetas do Camiño naceu con vocación de continuidade”, coma unha aposta do Concello de Fene por seguir apoiando o Museo do Humor e un exemplo de compromiso co Camiño Inglés. Por iso, “co xa aprendido e as propostas que recibimos, tentaremos facelo aínda mellor nas vindeiras edicións”, concluíu antes de animaren a todos a percorrer o Camiño Inglés, a lo menos, dende Ferrol a Pontedeume.

As obras que compoñen a exposición, así coma todos os debuxos realizados polos camiñantes da Andaina Debuxada e os participantes dos obradoiros de Viñetas do Camiño pódense ver tamén na exposición virtual 👇🏼

https://www.vinetasdocamino.gal/exposicions/

23/07/2021

The Tetas' Van pechou esta noite o ciclo Humor Peregrino de Viñetas do Camiño. Música movida e letras gamberras para pásalo moi ben.

Foi o mellor colofón para unha xornada na que o alcalde de Fene, Juventino Trigo, xunto coa xefa territorial en Coruña da vicepresidencia primeira da Xunta, María Barreiro Lázare; a responsable do Museo do Humor, Almudena Marcos; e os concelleiros de Cultura e Turismo, Justo Martínez e Ana Basoa, respectivamente, inauguraron a exposición cos traballos resultantes de Andaina Debuxada de Viñetas do Camiño