10/07/2026
O mércores tivemos o pracer de participar no ABANEA , celebrado na incomparable contorna do Pazo da Peregrina, en Bertamiráns. 🤩
Parabéns a toda a organización por facer posible un evento tan coidado, no que a danza foi a auténtica protagonista.
Tamén queremos felicitar a todas as compañías, escolas e artistas participantes e, moi especialmente, ás tres pezas que tivemos a oportunidade de desfrutar, por compartir o seu talento e a súa emoción sobre o escenario. 💖
Un agradecemento moi especial para Marta Alonso Tejada por toda a dedicación, o cariño e o enorme traballo que hai detrás dun festival coma este.
E, por suposto, ao Concello de Ames por seguir impulsando iniciativas culturais que dan visibilidade á danza e contribúen a que ocupe o lugar que merece dentro do noso concello. Grazas! 👏🏼
E pola parte que noa toca máis de cerca, PARABÉNS máis que merecidos ao noso equipo Junior pola actuación que realizou. E, como sempre, é un orgullo ver as nosas Baby e Kid apoiando ás súas compañeiras e aos seus compañeiros maiores, así como ás súas familias, que tamén viviron esta festa con nós.
Porque en E-motion non somos só un equipo: somos unha familia. 💜
Grazas por contar con E-motion para formar parte dunha xornada tan especial!🫶🏼
