¿Qué es el sitio web?

https://www.facebook.com/161599377030220/

Rede Cultural Betanzos e Bisbarra

Casa
España
Betanzos
Rede Cultural Betanzos e Bisbarra

(Instagram)

26/02/2026

Día de Rosalía 2026: Unha voz eterna

O Concello de Betanzos e a Asociación Cultural Eira Vella organizan a homenaxe a Rosalía de Castro na conmemoración anual do seu nacemento, este ano baixo o lema “Unha voz eterna“. O acto terá lugar o venres 27 de febreiro de 2026 na Aula municipal de Cultura Xulio Cuns, a partir das 18:30 horas.

Na homenaxe deste ano contaremos coa colaboración da Deputación da Coruña e a Xunta de Galicia e coa participación de alumnado de todos os centros de ensino de Betanzos (IES As Mariñas, IES Francisco Aguiar, CPR Nosa Señora do Carme-Atocha e CEIP Francisco Vales Villamarín), así como das asociacións betanceiras Asociación Cultural A Fuliada e a Asociación Lar de Unta.

Durante o acto lerase o Manifesto da Asociación de Escritoras e Escritores en Lingua Galega no Día de Rosalía de Castro 2026 redactado nesta ocasión por Eva Veiga baixo o título Mais eles tamén perdidos, que podedes ler completo na seguinte ligazón.
https://www.aelg.gal/resources/upload/2026/Dia%20de%20Rosalia%202026/2026%20Manifesto%20da%20AELG%20no%20D%C3%ADa%20de%20Rosal%C3%ADa%20de%20Castro.pdf

Máis información na páxina da AC Eira Vella:
https://eiravellaac.gal/archivos/dia-de-rosalia-2026-unha-voz-eterna

26/08/2025

Exposición de caricaturas de Antonio Pallas.

Durante o mes de setembro de 2025, entre os días 5 e 30, terá lugar na sala de exposicións Jesús Núñez do edificio Arquivo unha exposición de caricaturas do artista betanceiro Antonio Palla.
A Asociación Cultural Eira Vella organiza esta mostra, coa colaboración do Concello de Betanzos, que se poderá visitar en horarios de 10:00 a 14:00 horas e de 19:00 a 21:00 horas de martes a venres, e de 11:30 a 14:00 e de 19:00 a 21:00 horas os sábados. A inauguración da mesma terá lugar o venres 5 de setembro de 2025 ás 20:00 horas.

Antonio Palla compaxinou o seu labor docente, do que está xubilado, con diversas actividades artísticas, entre as que destaca principalmente a caricatura.

Máis información:

https://eiravellaac.gal/archivos/exposicion-de-caricaturas-de-antonio-palla

06/05/2025

Este 17 de maio voltaremos ás rúas co clamor unánime de Lingua vital xa!

Queremos que na manifestación que sairá ás 12h da Alameda de Santiago, o baile e as pandeiretas enchan as rúas para rematar na praza do Obradoiro nunha multitudinaria foliada pola lingua que será a grande homenaxe colectiva ás cantareiras e pandeireteiras. Por moito que a tentaron calar, a música galega rexorde unha e outra vez e con ela a nosa lingua.

Para organizar o espazo para tocar e bailar apúntate ti, á túa agrupación ou amizades neste formulario.

https://docs.google.com/forms/d/e/1FAIpQLSeoxQkM7w1hHDDLioP9a2J2g_K3N0Ta-SvcbyLQ-AWOgKR0yA/viewform

Máis información: https://www.queremosgalego.gal/

Convocatoria: https://www.queremosgalego.gal/2025/03/27/a-manifestacion-pola-lingua-do-17-de-maio-acabara-cunha-grande-foliada-pola-lingua-na-praza-do-obradoiro/

12/04/2025

Día da República: ofrenda floral ás vítimas do franquismo
Abril 12, 2025

O vindeiro 14 de abril de 2025, ás 19:30 horas, a Asociación Cultura Eira Vella celebrará un ano máis a ofrenda floral diante da placa situada na entrada do Museo das Mariñas, reprodución da orixinal ubicada no Centro Betanzos de Bos Aires e na que se recollen os nomes das vítimas betanceiras do franquismo.

Agardámosvos un ano máis para que a memoria democrática siga viva.

Máis infromación: https://eiravellaac.gal/archivos/dia-da-republica-ofrenda-floral-as-vitimas-do-franquismo.

13/03/2025

Proxección do film Julia
Director Jacobo Lagüela
Cine Alfonsetti
28 de marzo ás 20 horas.

Este filme documenta a extinción e o abandono do rural como o coñecemos ao través dos ollos da súa protagonista. Realiza un percorrido pola vida de Julia e invita aos espectadores a unha viaxe lenta entre pasado e presente; no que se pode apreciar o declive do campo español nos últimos 70 anos. Coa esperanza de que o relevo xeracional se cumpla, e de que os bisnetos collan as rendas para garantir un futuro digno para o rural, Julia reivindica o papel da muller, é memoria histórica e unha chamada de atención; se esquecemos de onde vimos, nunca saberemos a onde imos.

Organizan:
- AC Eira Vella
-BAM (Biblioteca, Arquivo e Museo de Betanzos)
Colabora:
-Concello e Betanzos

07/03/2025

Acto de presentación do libro titulado Alejandro Viana. Un galego á fronte
de rescate dos refuxiados republicanos.

Autor Roberto Mera Covas

Organiza Asociación Cultural Eira Vella

Colabora Concello de Betanzos

Lugar Sala Azul. Edificio Arquivo

Interveñen: Xesús Torres (escritor e investigador) e Roberto Mera (autor)

Ver máis: https://eiravellaac.gal/archivos/alejandro-viana-un-galego-a-fronte-do-rescate-dos-refuxiados-republicanos

06/03/2025

Mobilizacións deste 8M do feminismo galego!

Dende a Marcha lanzamos este 8M 8 reivindicacións urxentes para transformar a vida das mulleres: https://feminismo.info/feminismo/blog/8m-8-reivindicacions-urxentes-para-transaformar-a-vida-das-mulleres/

Dentro da nosa campaña dos 25 anos: https://feminismo.info/feminismo/blog/25-anos-25-reivindicacions/

TW https://x.com/MMMGaliza/status/1897222328846811219

FB https://www.facebook.com/MMMGaliza/posts/1029413359221093

IG https://www.instagram.com/p/DG0Cf2kNRiY/

20/02/2025

Un ano máis, o Concello de Betanzos e a Asociación Cultural Eira Vella organizan a Homenaxe “Da túa man… Rosalía“, que terá lugar o vindeiro venres 21 de febreiro de 2025 na Aula municipal de Cultura Xulio Cuns, a partir das 18:30 horas.

Na homenaxe deste ano contaremos coa colaboración da Deputación da Coruña e a Xunta de Galicia e coa participación de alumnado de todos os centros de ensino de Betanzos (IES As Mariñas, IES Francisco Aguiar, CPR Nosa Señora do Carme-Atocha e CEIP Francisco Vales Villamarín), así como das asociacións betanceiras Asociación Cultural A Fuliada, Asociación Lar de Unta e a Agrupación musical Carlos Seijo.

Durante o acto lerase o Manifesto da Asociación de Escritoras e Escritores en Lingua Galega no Día de Rosalía de Castro 2025 redactado nesta ocasión por Marga do Val.

25/11/2024

-Roteiro das Irmandades da Fala

-Sábado, día 30, ás 17 h .

-Trátase dun paseo pola cidade da Coruña para coñecer os espazos e s protagonistas das Irmandades. Serán seis espazos para resumir a pegada das Irmandades da Fala:

👉 Johán Vicente Viqueira quen foi Primeiro Conselleiro da Irmandade da Coruña.
👉 Manuel Lugrís Freire, un dos primeiros que dá un mitin en galego (1907), o 1º que escribe unha gramática en lingua galega…
👉 Álvaro Cebreiro figura fundamental da vangarda artística galega dos anos vinte e trinta, é autor, co poeta Manuel Antonio, do manifesto ‘Máis alá!’.
👉 María Miramontes e Ánxel Casal para lembrar o traballo realizado na editorial Nós (e antes en Lar xunto a Leandro Carré).
👉 Paramos no Teatro Rosalía para falar do teatro das Irmandades.
👉 Para rematar en Rego de Auga 38, sede da Academia onde o 18 de maio de 1916 nacen as Irmandades da man dos irmáns Vilar Ponte.

-Quedamos ás 17 horas diante do Instituto Eusebio da Guarda.

-A duración aproximada é de hora e media. Non é necesaria inscrición.

-Máis información en https://acalexandreboveda.gal/event/roteiro-das-irmandades/ e/ou nas páxinas das Asociacións organizadoras.

-Organizadoras:
AC Alexandre Bóveda, ACLP Roxín Roxal, AC Eira Vella, AC Irmáns Suárez Picallo, Lar de Unta, CPI Cruz do Sar, IES Plurilingüe Eusebio da Guarda, Proxecto Pesquedellas, Zona Hadal, Rede Cultural Betanzos e Bisbarra.

27/09/2024

O día 3 de outubro, ás 20 horas, no edificio arquivo (Liceo) de Betanzos. Mesa sobre "A Palestina Insubmisa), con Neal Baxter (Mar de Lumes)

Dirección

Betanzos
15300

Página web

facebook.com

Notificaciones

Sé el primero en enterarse y déjanos enviarle un correo electrónico cuando Rede Cultural Betanzos e Bisbarra publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.