Dinamoa

09/02/2023

Zera-bera, zera-bera... zeramika tailerra egingo dugu Dinamoan martxoaren 15etik apirilaren 5era. 2022an Sorkuntza Beka jasotako Jonathan Escapak emango du. Tailerraren muina buztinarekin lana egiteko hainbat modu eta bide esploratzea izango da. Informazioa eta izen ematea: https://dinamoa.eus/zera-bera/
Kulturaz

07/12/2022

Xabi Bordaren Urtu aurretik liburutik (Durangon eskuragarri izango duzue Susa argitaletxearen standean) ekarri genuen poema zoragarri bat Zigizaga aldizkariaren Apokalipsia zenbakirako: Hortzetako eskuila.
https://dinamoa.eus/zigizaga/apokalipsia/hortzetako-eskuila/
Datorren astean aurkeztuko dugu bigarren zenbakia, abenduaren 17ko Haragi Bizitan ekitaldiaren baitan.

29/11/2022

Gorputzaren eremua daukagu Dinamoan, eta gorputzaren inguruan hausnarrean egitea tokatzen zaigula iruditu zitzaigun. Hainbat elkarlan moduren emaitza da hau, eta Zigi-zaga aldizkariaren 2. zenbakiaren aurkezpena egiteko ere baliatuko dugu. Egun handiaren bezperan, abenduaren 17an, goizeko 10:00etan hasita.
Kulturaz

23/11/2022

Bihar egingo dugu Grafiaz Beteako hirugarren saioa, xilografiaren ingurukoa, 18:00etan Dinamoan. Olatz Alkortak gidatuko du, oraindik bad**o izena ematea: https://dinamoa.eus/grafiaz-betea-esperientzia-grafikoak/
Kulturaz

10/11/2022

Gaur hamabost egingo dugu Grafiaz Beteako hirugarren saioa, oraingoan xilografiari eskainia. Olatz Alkortak gidatuko du, eta hemen eman daiteke izena: https://dinamoa.eus/grafiaz-betea-esperientzia-grafikoak/

09/11/2022

Hollywood «istripuen museo» bikaina izan da. Hondamendiaren iruditeria, zinemaren industria mainstreamak eraikia, oparotasunaren mitoari eragiteko erabili da alde batetik, eta, bestetik, konformismo soziala sustatzeko, biak ere elkarri hertsiki lotutako fenomenoak eta egungo kapitalismo neoliberalaren oinarrizko elementuak izaki. David Graeber antropologo anarkistak zioen bezala, agian kapitalismoa laurogeiko hamarkadan hil zen, eta orain parez pare duguna beste zerbait da.
Halaxe idatzi zuen Ingrid Guardiolak Zigizaga aldizkariaren Apokalipsia zenbakian: https://dinamoa.eus/zigizaga/apokalipsia/prometeo-kateetatik-aske/
Kulturaz

28/10/2022

Atzo egin genuen Grafiaz Beteako bigarren saioa, Serigrafiari eskainia, Mikel R. Pejenauteren eskutik. Hemen argazki batzuk. Hurrengo saioa Xilografiari buruzkoa izango da. Laster botako dugu deialdia.
Kulturaz

20/10/2022

Gaur zortzi egingo dugu, urriaren 27an, 18:00etan hasita, Grafiaz Betearen bigarren saioa, serigrafia ardatz hartuta oraingoan, eta Mikel R. Pejenaute dugula gidari. Izena emateko: https://dinamoa.eus/grafiaz-betea-esperientzia-grafikoak/
Argazkiotan bere lan batzuk, hemen bertan eginak iazko sormen egonaldian.

19/10/2022

Heriotza bihurtu gara. Halaxe du izenburua Jean-Gabriel Périot zinegileak ZIGiZAGa aldizkariaren Apokalipsia zenbakirako utzi zigun bere lanak: We Are Become Death. 4 minutu eskasean gure garaiaren Zeitgeista ederki laburbildua. https://dinamoa.eus/zigizaga/apokalipsia/we-are-become-death/
Kulturaz

07/10/2022

07/10/2022

Grafiaz Beteako 2. saioa urriaren 27an egingo dugu, hileko azken ostegunean, esan bezala. Oraingoan Serigrafia izango da ardatza, eta Mikel R. Pejenaute ariko zaigu gidari lanetan. Izena emateko: https://dinamoa.eus/grafiaz-betea-esperientzia-grafikoak/
Kulturaz

26/09/2022

Ostegunean emango diogu hasiera Grafiaz Betea ikasturteari, Diseinuari eskainitako saioarekin. Oraindik bad**o lekuren bat, asteazkenera arte d**o izena ematea. https://dinamoa.eus/grafiaz-betea-esperientzia-grafikoak/
Kulturaz