03/03/2026
En CUNDE o 2026 chegou con forzas….
Forzas as das súas maxestades que aguantaron como campións as tiradas de caramelos, a choiva, a memoria que teñen que ter para acordarse de todo e…a noite máis máxica do ano, que non faltaron a ningunha casa…
Forzas as que teñen as crianzas e non tan crianzas que arrincaron o ano bailando ao ritmo de La Granja de Zenón e Abba, un planazo no que traballamos de man de Embora producións.
Forzas as que collemos algúns mentres descansamos un pouco, coa escusa da visita do equipo de Piranha Arts, organizadores de Womex 26 nas Palmas de Gran Canaria.
Forza Feroz a da nosa socia que, por 6º ano consecutivo liderou a produción dos premios feroz desde a veciña Pontevedra
Fortes están os maiores do Concello de Ames que este ano non deixaban de bailar da man de Eva e Camilo no cocido dos maiores no que traballamos (e tanto nos divertimos)
Forzas internacionais (ou sexa strongs) as que fumos espallando da man de SonEstrellaGalicia nos concertos en UK e Berlín destes dous últimos meses.
E para forte o deporte Amesán que voltou subir ás táboas da Casa da Cultura de Milladoiro para recoller os premios aos deportistas máis destacados do 2025, gala na que nos acompañou a super divertida Marta de Semprearriba
Un 23 de febreiro Rosalía tamén resoou con forza nos nosos calendarios; por unha parte organizamos a Gala Rosalía do Concello de Ames, co grande talento das escolas de Ames e coa condución e actuación de Sheila Patricia, por outra parte, aportamos o noso graíño de area para render a merecida homenaxe da man da Casa Museo Rosalía de Castro no acto celebrado no Panteón dos Galegos Ilustres.
Para finalizar o mes de febreiro e inaugurar o mes de marzo, collimos forzas ao son do violín de Ara Malikian e da man de Ediciones Embora.
E forzas, moitas, as que estamos collendo estas semanas na oficina a base de xerar ideas e propostas para os moitos proxectos que se veñen a partir deste mes e nos que agardamos vervos…Pasamos lista!
Foto 1, 6 e 8
Foto 2 e 7
Foto 4 de Manuel Fernández Valdés
Foto 5 de Alberto Rollan
Foto 8
Foto 9
