Programación Expandida TRC Danza

21/11/2022

Escribe Mercedes L. Caballero sobre Cía Daniel Abreu e sobre o que significa na súa traxectoria.

"Se trata de un solo que es asamblea escénica de su homilía; una pieza que encuentra en la figura del descendiente (de padres y madres, de la naturaleza e incluso de uno mismo) un exuberante litigio creativo. Y una obra que converge en la hondura y la contundencia coreográfica e interpretativa.

El Hijo, se concreta en un trabajo imprescindible en el presente y en la memoria de la danza de este país."

🟡 Pre-texto 95 por Mercedes L. Caballero: https://bit.ly/3EZCwGd
🟡 Repositorio Pre-textos 2014-2022: https://www.pe-trcdanza.gal/pre-texto

Qué pracer pechar os pre-textos de 2022 con esta lectura, grazas Mercedes polo teu traballo!

14/11/2022

Este sábado estivemos con Furia Sotelo Nuria Sotelo no Centro Ágora, compartindo unha práctica de danza e sexoloxía baixo o título . Grazas Nuria por achegarnos con tanto coidado ao imaxinario de , vémonos na seguinte ✨

09/11/2022

Non podemos imaxinar mellor maneira de pechar o TRC Danza 2022 que coa Cía Daniel Abreu presentando sobre o escenario do Teatro Rosalía Castro o venres 25 de novembro.

fala do vínculo cos proxenitores e o que se fai con iso. Entendérmonos como individuos independentes, pero enredados profundamente nas raíces que nos acompañan. Un espectáculo de danza que nos leva ao primario, ao contexto, á familia e á natureza.

Na obra altérnase un corpo de hoxe, móbil e consciente, fronte a outros mundos que, non sendo accesibles á vista, nos afectan e guían os nosos camiños. A danza permite a celebración de estar vivos e ter unha historia, a experiencia de ser fillo e o seu entusiasmo.

Somos seres afectados de emoción, en contextos, de eventos na natureza.

Daniel Abreu é un creador cunha gran presenza na escena da danza actual no noso país e que conta cunha ampla traxectoria internacional. De orixe tinerfeño, ten colaborado con multitude de compañías tanto en España como en Europa. Funda a súa compañía no ano 2004 e, dende entón, ten presentando as súas creacións en máis de 40 países, sendo galardoado en numerosas ocasións, entre as que destaca o Premio Nacional de Danza en 2014.

🟡 Cando e onde
venres 25 de novembro ás 20.30h no Teatro Rosalía Castro

🟡 Entradas https://bit.ly/3A1qclK
Entradas Ataquilla.com

Oxalá que nos podades acompañar para pechar o ano como se merece, con moita danza no noso teatro 💛

08/11/2022

O venres 25 de novembro, súbese de novo ao escenario do Teatro Rosalía Castro, o bailarín Daniel Abreu para presentar o seu espectáculo "El hijo". Para acompañar a súa visita ao teatro e pechar as accións expandidas deste 2022 no TRC Danza, vos convidamos a unha práctica de movemento baixo o título "Do sólido ao sutil".

O teu corpo sentido desde o máis sólido ao máis sutil. O que o corpo xera cando se move e o rastro que deixa no aire. Os puntos de apoio do corpo e as infinitas direccións, que combinados e afastados das partituras que coñeces, poidan dar ao teu corpo outra fluidez.

Na práctica propoñeranse pautas de movemento simples, continuas, e desde aí, deixarémonos levar. Parar o xuízo constante do que o corpo debe facer ou non é fundamental para poder avanzar nas anotacións que se propoñan. Desde estas pautas imos recollendo aspectos que máis tarde, aplicados aos teus estudos das técnicas ou percorridos formais da danza, axudan a unha maior conciencia e mellora dos percorridos.

Aínda que é un taller eminentemente práctico, a proposta de Dani é que veñas cun caderno no que poidas anotar percorridos ou palabras que che axuden a reconectar e profundar. O uso do corpo en movemento e a imaxinación serán os motores para a experiencia e a aprendizaxe.

🟡 Cando e onde:
xoves 24 de novembro de 19 a 21 horas no escenario do Teatro Rosalía Castro​

🟡 Inscricións xa abertas
https://forms.gle/f8seXZP8wmiv7qsUA

A actividade, gratuíta e con prazas limitadas, está dirixida a todas as persoas que se sintan chamadas pola proposta.

Desexando bailar xuntas para pechar este emocionante ano 💛

07/11/2022

Mónica García escribe sobre o caos e a ordenación, sobre os ritmos e as relacións no Pre-texto 94 para acompañar o paso de Furia Sotelo Nuria Sotelo polo Teatro Rosalía Castro

Tengo fe en el caos, o más bien en la auto organización.Más que en el diseño o la planificación pormenorizada,creo firmemente en la acción como garantía de una formade orden. Así entiendo la esencia del bailar en escena yfuera de ella. Devenir movimiento, gesto, o sostener elmomento sin premeditación. No digo que sea la únicamanera de hacerlo, es la que me interesa porque meinterpela. La vida está llena de variables que modificanel comportamiento de casi todo constantemente. Bailaren escena atendiendo a estas variables en medio de unaestructura más o menos flexible es lo más parecidoa la vida. Es el acto de bailar lo que genera el baile. Loirreversible está inscrito en el origen de la organización biológica.

🟡 Pre-texto 94 por Mónica García: https://bit.ly/3t7F9i9
🟡 Repositorio Pre-textos 2014-2022: https://www.pe-trcdanza.gal/pre-textos

03/11/2022

O próximo domingo 13 de novembro temos sobre o escenario do Teatro Rosalía Castro o espectáculo , unha peza de Furia Sotelo (Nuria Sotelo).

é un espectáculo que contén un paradoxo dende o seu plantexamento inicial, xa que xorde do desexo de encontro, da necesidade do encontro. Da vontade de continuar indagando na práctica da creación colectiva.

Un corpo vulnerable; fráxil ante as olladas que o fortalecen. Un corpo que se constrúe a través das outras. Un corpo ao servizo das olladas de diferentes coreógrafas que acompañan o proceso de creación.

Mortalidade e vulnerabilidade como aquelo que nos une, aquelo común a tódolos corpos, a tódalas existencias.
Un corpo como tódolos corpos; na súa particular e única materialización.
Unha existencia que se constrúe en relación.
Sempre a mútua referencia, sempre a interdependencia, o alimento, o colo, a entrega.
As gretas da fraxilidade creadas polo desexo.
O teu desexo fortaléceme, o meu desexo vulnerabilízame ante ti.

Nuria Sotelo é bailarina e creadora artística galega, que colabora como intérprete con numerosas compañías do territorio como Centro Coreográfico Galego, Elefante Elegante ou Matarile Teatro. En 2011 comeza a súa compañía Licenciada Sotelo, dende a que impulsa numerosas creacións, agora, tras 11 anos de traxectoria, a compañía recibe unha nova identidade baixo o nome de Furia Sotelo. No 2018, comeza co seu compañeiro Rubén Vilanova, o centro de creación A Casa de Vella, un espazo para a danza e as artes do movemento situado no rural, en Amiadoso (Ourense).

🟡 Cando e onde
domingo 13 de novembro ás 20.30h no Teatro Rosalía Castro
🟡 Entradas https://bit.ly/3hbPdEp
Entradas Ataquilla.com

Desexando atoparnos no teatro 🌼

02/11/2022

Claudia Solwat achéganos dende unha mirada emotiva ao universo de de Albert Quesada.

FLAMINGOS es un espectáculo de danza, una fantasíade color y de movimiento, un viaje por distintos paisajessonoros y corporales, una explosión, un tablao flamenco ensu esencia, unos intérpretes que están buscando en escenay encontrándose para satisfacer a un público expectante.

🟡 Pre-texto 93 por Claudia Solano Watson: https://cutt.ly/fNSJjbQ
🟡 Repositorio Pre-textos 2014-2022: https://www.pe-trcdanza.gal/pre-textos

31/10/2022

O domingo 13 de novembro estaremos desfrutando de no Teatro Rosalía Castro, un espectáculo de Furia Sotelo (Nuria Sotelo). Para acoller o seu paso polo teatro, temos preparada unha práctica de sexoloxía e danza titulada "Identidades sexuadas".

A peza de Furia Sotelo achégase á investigación de Efigenio Amezúa, un dos pais da sexoloxía en España e director do Instituto de Sexoloxía Incisex, onde Nuria Sotelo realizou o Mestrado en Sexoloxía que lle abriu a ollada cara un novo xeito de analizar a realidade dos suxeitos sexuados e as súas relacións. Hoxe en día, o facer artístico de Nuria Sotelo está impregnado desta nova perspectiva.

A artista propón unha práctica física e achegamento teórico á base conceptual desta peza. Neste espazo compartido exploraremos a construción das nosas identidades e o noso ser e estar no mundo non como suxeitos interdependentes que nos imos construíndo en relación.
​
🟡 Cando e onde:
sábado 12 de novembro de 17.30h a 19.30h no Centro Ágora

🟡 Inscricións xa abertas
https://forms.gle/8YFffCqsWpuFavyM6

​A actividade, gratuíta e con prazas limitadas, está dirixida a todas as persoas que se sintan chamadas pola proposta.

26/10/2022

David Climent escribe, con moita admiración e verdade sobre Hermanas Gestring e .

A muerte es una declaración de intenciones, un golpeen la mesa de estas dos sevillanas que tienen mucho quedecir, y sí o sí, les dejen o no, lo dirán. A muerte, es un aquíestamos –de momento– pues sobrevivir al paupérrimopanorama cultural de este país, conseguir hacerse unhueco en la mesa de las que se comen todo el pastel, bienpuede compararse a salir decapitadas y dando palmas delmismísimo Hades. Si les dejan, aunque puede que si no,también, Las hermanas Gestring serán muy grandes.

🟡 Pre-texto 92 por David Climent: https://bit.ly/3W1EDj4
🟡 Repositorio Pre-textos 2014-2022: https://www.pe-trcdanza.gal/pre-textos

20/10/2022

Desexando sentarnos na butaca o próximo 5 de novembro para desfrutar do espetáculo de Albert Quesada.

é o resultado de colocar a Carmen Amaya no medio dunha escena de John Waters. O impulso do flamenco para compartir o interior da alma humana mistúrase coa música, o vestiario e o imaxinario máis pop. Cal é o noso propio flamenco? Cal é a nosa música e que danza convida a bailar?

Corpos, desexos, medos e referencias adultéranse para crear unha jam session máxica. Unha festa na que os 7 intérpretes expoñénse coa única intención de festexar.

Albert Quesada fórmase en danza na MDT (Amsterdam) e PARTS (Bruselas). Flamingos é a segunda parte dunha triloxía que reflexiona e investiga sobre o mundo do flamenco e a súa complexidade, coa intención de atopar a orixe do movemento e do canto. O coreógrafo quere descubrir o motor do flamenco e desplazalo a outros corpos e outras músicas para xerar un novo sentido.

🟡 Cando e onde
sábado 5 de novembro ás 20.30h no Teatro Rosalía Castro

🟡 Entradas https://bit.ly/3s9p1fF
Entradas Ataquilla.com

Vémonos no teatro 🦩

18/10/2022

O sábado 5 de novembro acollemos no Teatro Rosalía Castro a Albert Quesada e ao seu equipo, que presentarán o seu espectáculos .

Para acompañar o seu paso polo teatro, Albert nos convida a unha práctica de movemento co título .

Nesta práctica, Albert Quesada compartirá pautas que moven e guían aos bailaríns de Flamingos. Algunhas destas pautas orixínanse nunha inspiración e reflexión sobre os corpos flamencos, e acompáñanse cun imaxinario con músicas que van desde o pop, até a ópera e o flamenco. Unha oportunidade para achegarse en profundidade ao universo creativo desde coreográfo catalán.
​
🟡 Cando e onde:
sábado 5 de novembro de 10 a 12 horas no escenario do Teatro Rosalía Castro.

🟡 Inscricións xa abertas
https://forms.gle/2JuBgsbVs78M5q5Z8

​A actividade, gratuíta e con prazas limitadas, está dirixida a todas as persoas que se sintan chamadas pola proposta.

Desexando bailar xuntas🦩

14/10/2022

Mañá continuamos a construir un posible horizonte para o Teatro Rosalía Castro Danza 2023 🔥

Se te queres sumar aínda estás a tempo, aquí o formulario de inscrición: https://forms.gle/4gJZ9653G24wt6cXA

Será un pracer atoparnos 💛

Que queremos acoller no noso teatro en 2023?

Por terceiro ano consecutivo activamos o exercicio de curadoría colectiva dentro do proxecto de Programación Expandida do TRC Danza. Continuamos dándolle espazo aos público(s) no proceso de toma de decisións do teatro, con este convite aberto para propoñer unha aproximación ao posible programa anual de danza do Teatro Rosalía Castro no 2023.

Neste proceso colectivo, atravesaremos algunhas pezas, tanto galegas como do territorio nacional, que sobrevoan a posible programación que prepara o director do teatro, Xosé Paulo Rodríguez. A vontade deste proceso é a de analizar, sopesar e fundamentar de xeito colectivo a selección dalgún dos traballos que formarán parte do programa 2023, nun exercicio de curadoría colectiva entre o público de danza do noso teatro e a comunidade artística local; miradas diversas, que se relacionan coa danza dende sitios distintos. O obxectivo deste proceso é o de construir xuntas un horizonte do que queremos acoller no noso teatro o vindeiro ano.

Coma vén sendo habitual, esta iniciativa ocorre en diálogo co Taller de Público(s) que dende 2018 mantemos activo acompañando cada unha das propostas artísticas que visitan o noso teatro. Para nós, conseguir a continuidade deste exercicio de curadoría colectiva é un xeito de seguir afondando no campo da investigación e da crítica para as persoas que se achegan ao noso programa, creando un punto de encontro entre público(s) e artistas locais, un espazo de diálogo coa comunidade da danza arredor do que acontece no teatro da cidade. Orgullosa deste noso teatro, que cada vez se abre mais á cidadanía.

🟡 Datas e horario
sábado 8 de outubro de 10h a 13h
sábado 15 de outubro de 10h a 13h
sábado 22 de outubro de 10h a 13h

🟡 Inscricións
Actividade gratuíta, prazas limitadas poder inscribirte na seguinte ligazón: https://forms.gle/4gJZ9653G24wt6cXA

Aínda que non é obrigatorio, agradecemos o compromiso de asistencia a todas as sesións, para favorecer a dinámica e continuidade do grupo.

Será un pracer compartir esta experiencia contigo!