Normal

Espazo de intervención cultural da Universidade da Coruña NORMAL é o espazo de intervención cultural da Universidade da Coruña. NORMAL non é normal. De aí NORMAL.

A norma define unha resposta que non precisa interrogación. NORMAL quer ser, porén, permanente interrogación. Isto é o normal para nós. No momento da súa construción, 1955, o edificio deseñado por Antonio Tenreiro foi a Escola Normal de Maxisterio. Así foi coñecida sempre na Coruña. Cando rescatamos o nome recoñecemos unha historia ligada á educación e, máis concretamente, ao que foi a Cidade esco

lar, o xermolo, cos edificios de Náutica e de Comercio, do que anos despois sería esta Universidade. NORMAL, por outro lado, arrastra significados que, desde o punto de vista do proxecto cultural que presentamos, soamente cabe interpretar en clave irónica: norma, regra, sistema, forma previsible ou incluso simetría, isto é, aquilo mesmo que aquí se cuestiona.

04/06/2026

A Área de Dereitos Civís e Igualdade da Deputación da Coruña, en colaboración coa Universidade da Coruña, a través da Vicerreitoría de Igualdade e Diversidade, organiza en NORMAL a quinta edición de Memoria Diversa, un encontro xa referente na recuperación e difusión da memoria LGBTIQA+ galega.

A xornada propón unha reflexión colectiva sobre o papel desempeñado pola Igrexa na construción histórica das normas socias relativas ao corpo, á sexualidade e ao xénero, así como sobre os mecanismos de represión, ocultación e violencia exercidos contra as persoas disidentes durante o Franquismo e a Transición.

O encontro contará coa participación de investigadoras, activistas, escritoras, avogadas e representantes do movemento asociativo LGBTIQA+, e será retransmitido en directo pola canle de YouTube da Deputación da Coruña.

📍Lugar: Normal. Espazo de intervención cultural
🗓️Data: 6 de xuño de 2026
🎟️Entrada libre ata completar cabida
📺 Emisión en directo no YouTube da Deputación da Coruña

+

Dirección

Paseo De Ronda
A Coruña
15011

Teléfono

+34981167000

Página web

http://normal.udc.es/

Notificaciones

Sé el primero en enterarse y déjanos enviarle un correo electrónico cuando Normal publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.