Wed Art studio

Wed Art studio بالفن والحوار في ورش فنية متعددة نخلق بيئة صحية قوامها الود والقبول لتنشئة أطفال ومراهقين أكثر سعادة

رحلة ورشة الحكي في ستوديو ودّ كملت ٣ سنين و خمس عروض .. شكرا لكل الناس اللي شاركونا حكاياتهم .. والناس اللي لسه بيشاركون...
07/08/2026

رحلة ورشة الحكي في ستوديو ودّ كملت ٣ سنين و خمس عروض .. شكرا لكل الناس اللي شاركونا حكاياتهم .. والناس اللي لسه بيشاركونا ..
لو عايزين تبقوا جزء من الرحلة اللي كلها حكايات و مناقشات سجلوا معانا من اللينك ده
https://forms.gle/kG9uhTeCaaTFEqDX7

دورة مكثفة المرادي في شهر واحد لعدد محدودمعظمنا وهوا صغير كان له عنده في العيله خال.. عم .. جدة أو جد لما بيحكي حدوته أو...
03/08/2026

دورة مكثفة المرادي في شهر واحد لعدد محدود

معظمنا وهوا صغير كان له عنده في العيله خال.. عم .. جدة أو جد لما بيحكي حدوته أو يتكلم عن أي موضوع تلاقينا قاعدين حواليه نسمع .. مش عايزينه يخلص .. ومش بس واحنا صغيرين .. كمان واحنا كبار بنقابل ناس قادرين يحولوا أي موضوع عادي جدا لحكاية ممتعه ومسليه… بصوتهم وإيقاع كلامهم وحركاتهم

كلمة (حكي) جايه من المحاكاة والمحاكاة يعني التقليد والتشخيص .. وده معناه نقل الحاجه زي ما حصلت عن طريق إن اللي بيحكي "الحكّاء" بيمثل تفاصيل الحدوته ويقلد شخصياتها وأصواتها وصورها كأننا بنتفرج عليها بالظبط .. وكل ما كانت التفاصيل دي أكتر .. كل ما كانت الحكاية أغنى وأمتع .. للي بيحكي وللي بيسمع.

و زي ما في ناس موهوبين في الحكي بالفطرة .. في ناس اتعلموا فن الحكي و درسوه كويس .. و دراسة فن الحكي بتبدأ من كتابة الحكاية نفسها .. نبتديها منين؟ ونختمها ازاي؟ إيه الأجزاء الممله اللي محتاجه إختصار؟ و إيه الحاجات الممتعة اللي هنزود فيها التفاصيل؟ .. وحسب نوع الحكاية نعرف إمتى لازم نكون صادقين جدا وأمناء في نقل اللي حصل؟ وإمتى ممكن نسمح لخيالنا يزود شوية فلفل وشطة للحدوته!

والحكي له فوايد كتير.. غير متعته طبعا .. منها مثلا إنه بيساعدنا نحتفظ بذكرياتنا ونمررها للآخرين .. ويخلينا نفضل فاكرين الناس والأحداث اللي بنحبها .. واوقات بنكون محتاجين إننا نخرج حكاية معينة شايلينها جوانا بقالنا كتير .. نكتبها و نفكر فيها وننقل خبراتها لغيرنا .. ده غير إن ده اوقات كتير بيحسسنا براحه كبيرة .. هم وإنزاح يعني .. وساعتها ممكن كمان نعرف حاجات كتير عن نفسنا… و نحس أكتر بالثقة.

في الورشة دي احنا مهتمين بتعليم المهارات الأساسية في كتابة الحكاية .. و هندور سوا على ذكريات شخصية من حياتنا اليومية ونحولها لحكايات ممكن نحكيها قدام جمهور في نهاية التدريب.
وهنتعلم من خلال حكايات مشهورة ، من التراث أو من القصص والحواديت ،طريقة الأداء .. وتوظيف الصوت والحركة والانفعالات .. عشان نقدر بعد كده نطبقها على حكاياتنا الخاصة.

الورشة هتكون في ١٠ لقاءات في نهايتهم عرض خاص في (ستوديو ودّ) لمجموعة من الجمهور هندعوها للحضور.

المدرب الأساسي للورشة هوا "أسامة الهواري" ،مؤلف مسرحي وكاتب، ومخرج مهتم بفن كتابة الحكايات والتدريب على أدائها.

كمان التدريب جزء منه هيكون تدريب صوتي مع "محمد خالد" وهوا مدرب صوت متخصص،هيعلمنا إزاي نستخدم صوتنا و هيخلينا نغني شويه لكن بشكل منضبط وسليم.

التسجيل في الورشة من اللينك ده

https://forms.gle/CTjMp5zQSFfZvish7

#حواديت #حكايات #حكاياتنا

Address

68 Ahmed Shawky Street
Sîdi Gâbir

Telephone

+201552292344

Website

Alerts

Be the first to know and let us send you an email when Wed Art studio posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Wed Art studio:

Shortcuts

Share

Category