Miniamotionschool

10/07/2021

إنضم لأكبر مدرسة لتعليم فنوان الجرافيكس و المؤثرات البصريه و الثرى دى
https://www.facebook.com/groups/MiniaMotionSchool

07/12/2020

يوم السبت الساعه 1 ظهرا
المكان : كوردوفا أكاديمى - شارع مستشفى الرمد - أمام جمعية رعاية الحفظه .
رسم الدخول : 50 جنيه
-----------------------------------------
السيشن مش سيشن صيانه ده سيشن hardware يعنى سيشن تحضره بعدها مينفعش حد لا ينصب عليك ولا يضحك عليك ولا يديلك جهاز ميسواش 5000 ب 20000 .
سيشن هيتقسم لأربع سكاشن و مدته 4 ساعات تقريبا بينهم بريك .
-----------------------------------------
سيشن 1 :
هنتكلم فى السيشن ده عن أنواع المعالجات و ايه الفروق بينهم و إزاى أحدد أنا محتاج معالج ايه و إزاى أفاضل بين المواصفات المختلفه علشان أحدد الأنسب ليا حتى لو كان الأغلى يبان مواصفاته أكبر .
كمان هنعرف الأجيال و مواصفات كل جيل و إزاى بحدد قوة المعالج نفسه و أقارن بينهم و ايه اللى أركز عليه ف عملية المقارنه .
***************************
سيشن 2 :
هنتكلم فيه عن كروت الشاشه و مراحل تطورها و إيه الفروقات اللى بين الأجيال و بعضها و الأنسب فى كل جيل إيه على حسب متطلباتى و على حسب ميزانينى اللى هحددها على حسب احتياجاتى .
إزاى أختار الكارت و إزاى أعمل تعريف الهاردوير صح علشان أخد أقصى أداء من الكارت .
***************************
سيشن 3 :
هنتكلم فيه عن أنواع اللابات و تصنيفاتها و إزاى نحدد متطلبات الشرا و تقييم السعر و مواصفات الشرا .
الأهم من كل ده أشترى منين و إزاى أقارن بين موديلات اللابات المختلفه فى حالة إنه فى أكتر من لاب يوافق احتياجاتى .
هل لما اجى اشترى أشترى ماركة إيه و هل موضوع الشراء بالماركه ده صح ولا غلط . و إمته أشترى موديل معين من ماركة معينه .
***************************
سيشن 4 :
ده بئا حسن الختام و هتكلم فيه عن أجهزة الديسك توب و هل حالا أجهزة الوورك ستيشن مازالت عمليه ولا لأ .
ايه هى التجميعات ؟؟ و إزاى أختار تجميعه مناسبه تكون قوية جدا و سعرها برضه مناسب .
هل لما أعمل تجميعه أعملها إنتل ولا رايزن و امته أختار إنتل و إمته أختار رايزن .
طيب التجميعات ده أشتريها منين و توصلى إزاى .
******************************
اقنعنى انه بعد ما تعرف كل ده ينضحك عليك بئا !!!
------------------------------------
هات معاك نوت كويسه علشان هتكتب كتير أوى و المعلومات كتير أوى و هديلك كمان قنوات تقدر تتابعها عشان تكون متابع الجديد ديما .
-------------------------------------
هستناكم إن شاءالله و المحاضر : abd el rahman
-------------------------------------
لتسجيل مكانك فقط كومنت و رسالة خاصه على صفحتنا من هنا برقم تليفونك

18/11/2020

متبقي فقط 4 أماكن ... يا شباب الحجز مش ف كومنت الحجز انك تكتب اسمك فى فورم التسجيل لو متأكد انك أكيد هتحضر الكورس ده .. هنبدأ يوم 24 ان شاءالله .
https://m.facebook.com/groups/MiniaMotionSchool/permalink/3545678765523952/

16/11/2020

فى الفيديو ده هتلاقو شرح لتسطيب برامج الماكس و فوتوشوب و اليستريتور و ميديا انكودر و كي شوت و افتر افيكتس و تابعو الصفحة علشان هننزل سورسات كل البرامج دى كاملة و أمان فى تحميلها .
للاشتراك فى الجروب
https://www.facebook.com/groups/MiniaMotionSchool

16/11/2020

يا أهل المنيا الكرااااااااااام و ما حولها نيجى لتفاصيل أول كورس بيتعمل لأول مرة فى المنيا وهو كورس ال 3D Product Animation
------------------------------------------
هندرس ايه فى الكورس ؟ :)
الأول هنبدا ب 3ds max introduction
فى المرحلة دى هيكون معاكم 2 من PrismFxStudio team و هما Nour Ahmad و Sara Ahmed .
و فى المرحلة دى هنتعلم مبادىء ماكس بس على شغل حقيقى بمعنى مش شوية دش و حبة اوامر و أدوات و بس لأ .. انت هتطلع من أول م تدخل شغل . فى المرحلة دى هنتكلم على الواجهه و بعدها ندخل على أدوات ال modeling و نطلع واحده واحده لغاية م نعمل الموديلز اللى فى الصور دى اللى هى ال beats headphone و كمان ال Sony Speaker .
--------------
نيجى التانى حاجه و هى ال Animation
و فى المرحلة دى هيكون معاكم Ahmed Abd El Rahman ال Co-Founder للتيم .
هنا بئا هنتكلم بعد مرحلة الموديلينج على ازاى نعمل أنيميشن قوى أوى للبرودكت نفسه و مش كده و بس هنتعلم ازاى نعمل أنيميشن للكاميرا يحكى قصة معينه مش مجرد تحريك و خلاص و هنعمل كمان حاجه اسمها ال animation controls علشان نتحكم فى الأنيميشن كله من كنترول بانل واحده .
--------------
تالت حاجه من رحلتنا دى هتكون مع Fadia Nagah ال shading artist فى prism team .
فى المرحلة دى هنتعلم ازاى ناخد الانيميشن اللى عملناه على ماكس و نروح بيه لبرنامج ال keyshot و هنتعلم أساسياته و ازاى نعمل بيه نظام اضاءة و خامات قوى جدا وواقعى جدا جدا جدا علشان لازم المنتج يبان و كأنه متصور مش مجرد تصميم .
--------------
رابع حاجه و اخر حاجه فى رحلتنا دى هتكون تانى مع Ahmed Abd El Rahman و هتكون فى برنامج ال after effects وهنا هنتعلم ازاى الابهار بيكمل فى مرحلة اسمها ال post production زى م هتشوفو فى الفيديو بتاع ال beats headphone .
هنتعلم اساسيات الأفتر فى البروجيكت ده و هنتعلم ازاى نكمل الصورة بتاعتنا علشان نخرج شغل من أول مرة تقدر تنزله على بروفايلك .
-----------------------------------------------
ايه هى مميزات الكورس ده ؟
1 - من أول يوم هتتعلم و هتعمل حساب لبيهانس لنفسك و هتتعلم ازاى تخلى حسابك ده يظهر و شغلك يتشاف و ازاى تعرضه عليه .
2 - متابعه طول مدة الكورس علشان استلام التطبيقات و حل المشاكل اللى هتواجهك .
3 - هتستلم كمية موديلز جاهزه تساعدك انك تبنى بروفايلك بسرعه و تدخل السوق بسرعه جدا و بشكل قوى اوى على الرغم انك يدوب اخدت كورس الأساسيات و لسه فى كورسات تانيه كتير اوى جايه :)
4 - هنعمل لايف اخر كل اسبوع علشان نتناقش لايف لو فى استفسارات او اى مشاكل .
---------------------------------------------
طيب هل فى اعتمادات ؟؟!!!!
مبدئيا احنا مش ( بنبيع ) شهادات --- بمعنى انك مش بمجرد انك دفعت فلوس الكورس ف انت كده هتاخد شهاده لأ .. الشهاده مش هتتاخد الا بعد تطبيق محاضرات الكورس و تسليم التاسكات فى المدد اللى هتتحدد فى كل مرحلة من الكورس .. فيما عدا ذلك ف إسم أى محاضر من التيم مش هيتحط على أى شهاده صاحبها مستواه لا يليق .
الشهادات مقدمة من Dynamix داينمكس أكاديمى للاستشارات و التدريب و الشهادات كالتالى :
شهادة معتمده من الأكاديمية
و شهادة معتمده من الأكاديمية و من المحافظة و موثقة بختم النسر
شهادة من PrismFxStudio بتقديرك فى الكورس .
-------------------------------------------
تكلفة الكورس ايه بئا ؟؟
الكورس له أكتر من طريقة للدفع
رسم دخول لكل محاضرة : 45 جنيه
و دى لو حابب انك تدفع رسم الدخول فى كل محاضرة و فى حالة غياب أكتر من محاضرتين مش هيكون متاح ليك شهاده للكورس . المحاضرة اللى هتفوت هتكون متاحه بعد تسديد رسم دخولها فيديو .
----------
الدفع بنظام مراحل الكورس : 200 جنيه للمرحلة
يعنى لو حابب انك تحضر مرحلة واحده فقط او اتنين من الكورس و دى مش بيكون ليها شهادة للأسف لأنه يعتبر جزء من كورس .
----------
الكورس كامل : 350 جنيه
و دى احسن طريقة لأنك هتضمن كل المميزات اللى فوق دى .
-------------------------------
طرق الدفع :
ممكن تدفع عن طريق فودافون كاش على رقم 01096808415
أو فى حالة انك متأكد من الاشتراك ممكن الدفع فى أول يوم للكورس .
لو متاكد 100% من اشتراكك سجل من هنا
https://forms.gle/cEJjtpx2AXgoBR337
--------------------------------
العنوان و المكان :
المنيا - شارع الكورنيش - البنك الأهلى - أعلى صيدلية العزبى أمام نقابة الزراعيين
موعد بداية الكورس : يوم 24/11/2020 - الثلاثاء - الساعه 1 ظهرا إن شاءالله .
-----------------
أى تفاصيل ممكن تعمل كومنت هنا أو على واتس أب 01554030298
----------------------------------------------------------

11/11/2020

معادنا فى لايف النهارده الساعه 9 مساء بتوقيت القاهره و هنتكلم على ال Dust Storm Simulation فى ال Fumefx و هنتكلم كمان على ازاى بيحصل ال Object interaction بين ال simulation و بين ال object بتاعنا و اللى هيكون فى مثالنا ده طياره :) اللايف على
www.facebook.com/MiniaMotionSchool
لايف النهارده نموذج مصغر جدا من انترودكشن ماكس اللى هعلن عنها يوم الجمعه :)

11/11/2020

متنسوش معادنا السبت ان شاء الله مع تفاصيل كورس الانتريور

07/11/2020

05/11/2020

متبقي فقط 10 أماكن ..... فى فرصة مش هتتكرر تانى

04/11/2020

بناء على طلب ناس كتير منكم قررنا ننزل بكورس انتريور من الصفر لغايه الادفانسد
Moodeling & texturing & lighting & Rendering
يعني هتدخل الماكس تبني السين كلها بأيدك لغايه ما تخرج النتيجه اللي قدامك دي
اللي مهتم يسيب كومنت وهنعلن عن التفاصيل قريبا

03/11/2020

بعد فترة توقف كبيرة جدا و طلب من ناس كتير اننا نرجع نستكمل نشاطنا تانى ف إن شاءالله
يوم السبت - 14/11/2020 الساعه 12.30 ظهرا هيكون أول سيشن تعريفى للكورس اللى هنبدأ فيه إن شاءالله .
-----------------------------------
تراك ال 3d product animation وهو من أقوى و أكتر التراكات اللى مطلوبة حاليا سواء كنت بتخطط تشتغل فى مكان أو تشتغل لوحدك .
مش محتاجين جهاز سووووووووووووبر عشان تشتغل
التراك سهل و مدته قصيرة و نتايجة مبهره جدا
مش شرط انك تكون هتشتغل أنيميشن ممكن تكن بالفعل شغال branding و محتاج تعلى شغلك
فى السيشن ده هتعرف عملى ازاى تبنى لنفسك بورتفوليو على بيهانس و ازاى تخلى شغلك يتشاف وانت لسه اصلا فى الكورس
الكورس هياخد بإيدك من صفر لغاية م تخرج نتايج انت نفسك مش هتصدقها .
الفترة اللى فاتت أفتكر انت شفت انه شغل الاعتمادات و الشهادات المنح و شغل الورق ده ميعملش حاجه و انه تفكيرك ده لازم يتغير .
النهارده الشركات بتشتغل from home و ده مش محتاج منك اعتماد ولا شهاده عشان تشتغل ده محتاج منك شغل عملى و احترافى مش مجرد ورق خلاص .
لو بدأت متفصلش علشان متعدش على نفسك شهور و أيام و ترجع تقول ملقيتش استفاده . ناس قبلك قعدو سنه و نص اشتغلو منها شهرين و فصلو 10 شهور و طبعا زيرو .
ظروفك / نفسيتك / صدماتك تسيبها على الباب و انت جى عشان ملهاش مكان للناس اللى عايزه تنجح فى حياتها .
-------------------------------------------
المكان brains - ميدان شلبى - برج الصفوة - أمام مدرسة الراعى الصالح أعلى مكتبة شمس الدور الثانى .
رسم الدخول فقط : 50 جنيه هتسدد فى المكان
العدد محدود 25 فرد فقط على الرغم من سعة القاعه لأكتر من كده
------------------------------------------
للاستفسار تقدر تسألنى أو تسأل أى فرد من أفراد Prismfxstudio
Fadia Nagah , Nour Ahmad , Sara Ahmed
لو متأكد انك جى اعملنا بس كومنت هنا و سجل فى الفورم ده
السيشن بتاعنا المره دى هيكون من أكتر السيشنز العمليه اللى ممكن فعلا تنقلك نقلة تانيه لو اهتميت .
-----------------------------
حاليا بئا واضح جدا جدا جدا عدم قيمة الأختام و الاعتمادات و مش عارف شهادة معتمدة منين و كل القصص دى وده اللى اتكلمنا فيه من زمان .
-------------
حاليا معظم اللى هيطلب شغل هيطلبه و انت فى بيتك يعنى مش هينفعك الا مستوى شغلك و شغل عملى مبهر بمستوى عالى و بس . ولا شهاده ولا ختم ولا اعتماد ولا منح وولا كل الحاجات اللى على الورق دى .
-------------
دلوقتى الشغل القديم و المستوى القديم معادش ينفع .. التطور بئا رهيب و زى ما قولت فى الفيديو شوف شركة Nvidia و شركة AMD و شوف شركة Intel و شركة AMD شوف التطور الرهيب اللى طلع فى أقل من 4 شهور فى البروسيسورز و فى كروت الشاشه هتعرف انه لو ملحقتش نفسك حرفيا و بدأت دلوقتى حقيقى مش هتعرف لأنه
أولا : التطور هيكون أكبر منك بكتير فى حين انه السوق هيكون أسرع
ثانيا : جهاز اللى كان يسعفك علشان تخرج منه شغل و تقدر تشق طريقك هيكون أدام التكنولوجى الجديده دى معادش يسوى شلن
ثالثا : بدايتك بعد م كانت هتاخد منك شهرين علشان تكون خرجت شغل محترم للسوق هتاخد منك شهووووووور علشان انت هتبدأ من ورا أوى و هتفضل تجرى ورا التطور اللى بيحصل و مش هتحصله .
الكورسات اللى بتتعرض عليك النهارده برخص التراب و هى اصلا أغلى مما تخيل مش هتلاقيها تانى لسبب بسيط انه النهارده انا بديلك كورس من جهاز تمنه مثلا 25000 جنيه , بكره هيبئا تمنه 40 ف استحاله هديلك كورس بنفسك التكلفه .
---------------------------------
عشان كل اللى فات ده و علشان فى ناس كتير بعد م وقفنا نشاطنا تماما أدركت إنه فعلا الموضوع كان مهم و فعلا فتح باب رزق كويس على ناس كتير و مازال لغاية حالا .
هننزل تانى المنيا بمجالات أقوى و تراكات أسرع و أولهم التراك ده
-------------------------------
تراك ال 3D Product Animation
من أقوى و أكتر المجالات اللى مطلوبة حاليا جدا سواء فى شركة أو فرى لانس كشغل حر سواء كنت هتشتغلها أنيميشن أو هتشتغلها فريمات ثابته .
التراك سهل جدا ووقته قصير جدا و نتايجه قوية جدا جدا
أهم ميزه فيه انه مش محتاج حهاز سووووووووووووووووبر علشان تخرج منه شغل يكفيك جهاز متوسط ببروسيسور i5 و رامات 8 جيجا علشان فعلا تشتغل شغل محترم .
-------------------------------
و انت فى السيشن ده اللى هنعمله و نوضحلك فيه هناخد ايه بالظبط و هنعمل ايه هقولك كمان أولى خطواتك إزاى تبنى لنفسك بورتوفوليو على بيهانس يكون جاهز انك تعرض شغلك بمجرد او حتى قبل م تخلص الكورس .
-------------------------------
حاجه أخيره :
أوعى تتوقع انك لما تشتغل يومين و تفصل شهرين تحت حجة ( ظروفى و نفسيتى ) انك هتكمل . فى ناس قعدت سنه و نص و فى الاخر م استفادتش اى حاجه لأنه خلال السنه و نص دى كان الشغل أسبوع و الفصلة شهور ... قبل م تدور على الاستفاده دور انت أديت اللى عليك ولا لأ .
--------------------------------
السيشن إن شاءالله هيكون فى أكاديمية Brains - ميدان شلبى - برج الصفوة أمام مدرسة الراعى الصالح - أعلى مكتبة شمس - الدور التانى
الموعد : يوم السبت الموافق 14/11/2020
الساعه : 12.30 ظهرا .
رسم الدخول : 35 جنيه فقط .
تقدر تسجل إسمك فى الفورم ده
https://forms.gle/8VPws1tpNv1euwgJ7
----------------------------------------------------------
لو فى أى استفسار تقدر تتكلم مع أى فرد من أفراد فريق Prismfxstudio
Fadia Nagah
3D Shading and texturing artist
3D Photo realism Prof. at Al Shrouk academy
Ahmad
3D Hard surface modeling artist
Hard surface modeling prof. at Al Shrouk academy
Ahmed
3D Hard surface modeling artist
ياريت لو نعمل شير للبوست علشان يوصل للناس كلها .