https://www.facebook.com/186113521252510/

جيل

Home
Egypt
Minya
جيل

مساحة لبناء المهارات و الأخلاق مقدمة من جمعية صلاح الدين✨
(1)

16/08/2026

لو اخدتي كورسات Digital Marketing كتير
ولسه مش عارفة هتطبقي اللي بتدرسيه أمتا!!!
فدي فرصة مناسبة جداً ليكي إنك تبدأي تختبري اللي بتدرسيه.

▪️مطلوب متطوعة لإدارة صفحة جيل تكون درست أساسيات التسويق الرقمي وحابة تختبر اللي درسته على أرض الواقع.

▪️ومطلوب مصورة فيديوهات متطوعة توثق أنشطة برامج جيل.

لو مهتمة بخوض التجربة تقدري تملي استمارة التطوع
https://forms.gle/vxHfKduoTJb4SHpV8

وتقدري تتعرفي أكتر عن أنشطة جيل من خلال الرابط
https://www.facebook.com/share/1H4krvsTZY/

15/08/2026

يوم مختلف في عالم بندق 🤎✨

الورشة اللي فاتت قضينا وقت جميل مع أبطالنا الصغيرين، واتعلمنا مع بعض معنى حديث النبي ﷺ:

«مَن كان يؤمن بالله واليوم الآخر فليقل خيرًا أو ليصمت» 🩵

اتكلمنا عن تأثير كلامنا على اللي حوالينا، وعرفنا إن مش كل حاجة بنفكر فيها لازم نقولها، وإن الكلمة الحلوة ممكن تفرح قلب حد جدًا. 🌱

وبعدين عملنا نحلة الكلام الحلو 🐝🍯، ولعبنا العاب مميزة واتحركنا وضحكنا سوا..

09/08/2026

جربت إنه حد يبتسملك فيكون سبب في تغيير يومك؟!
أهو البنادق الصغيرين بيتعلموا أهمية تبسمنا من وهما صغيرين قد كدا! 😅
دا اللي اتعلموه البنادق في الورشة اللي فاتت وسط الكثيييير من الأنشطة الحركية والنشاط الفني لتكوين هلال بقصاصات الورق 🌙

02/08/2026

ورشتنا امبارح كانت بعنوان "المفلس يوم القيامة".

بدأنا بحديث عن أبي هريرة رضي الله عنه قال رسول الله صل الله عليه وسلم "اتدرون من المفلس ....." الحديث بيتكلم عن المفلس يوم القيامة، ووقفنا مع معانيه وتأملنا فيه، وعرفنا إن المفلس الحقيقي مش اللي معندوش مال، لكن اللي ييجي يوم القيامة بحسنات كتير، ويضيعها بسبب ظلم الناس والتعدي على حقوقهم.

وبعد شرح الحديث، فتحنا باب الأسئلة، واتكلمنا في أمور كتير تخص ديننا، وكان وقت مليان مشاركة وتفكير وأسئلة جميلة.

واختتمنا يومنا بأجمل لمة وإحنا بناكل سوا، لأن أحلى الذكريات بتكون لما يجتمع العلم، والألفة، والمحبة في مكان واحد. 🤍

الحمد لله على يوم مليان فائدة ومعانٍ جميلة، ونسأل الله أن يجعل ما تعلمناه حجة لنا لا علينا، وأن يديم لمتنا على الخير دائمًا. 💜

31/07/2026

بينما ناس كتير كانت قاعدة بلا هدف 😂 ، كنا إحنا في أفنان بنقضي يوم مليان تفكير وتأمل، نحاول نستشعر فيه عظمة اسم من أسماء الله الحسنى "الرحيم". 💜

اتناقشنا في أسئلة خلت كل واحدة فينا تقف مع نفسها شوية:
هل رحمة ربنا مقتصرة على الحاجات اللي بنحبها؟ ولا الابتلاء نفسه ممكن يكون رحمة؟
وإيه الفرق بين رحمة ربنا ورحمة الأم، وإزاي رحمة الأم بكل عظمتها ما هي إلا نقطة في بحر رحمة الله سبحانه وتعالى؟

وكمان تأملنا رحمة ربنا من خلال قصص الأنبياء، زى قصة نبي الله إبراهيم عليه السلام لما أُلقي في النار، وإزاي رحمة ربنا كانت حاضرة معاه في أصعب المواقف.

كانت سيشن مليانة تأملات، ومعلومات، ونقاشات خلتنا نبص للأمور من زاوية مختلفة والجميل ان كل ده من تحضير الافنونات ، وبعدها كملنا يومنا بالفقرة الرياضية والتمارين وسط طاقة وحماس. 💪✨

وعمومًا... اللي لسه مش معانا، فاته كتير ولسه اللي جاي أجمل. 💜🌸

30/07/2026

لقطاات من فعاليات ورش النهارده في أفنان 💜

كان عندنا مجلس قراءه مميز، والبنات أبهرونا بجد! ✨

كل مجموعة كانت محضرة عن اسم من اسماء الله الحسنى وتيم النهارده كان بيشرحلنا اسم الله الهادي، وشرحوه بأسلوبهم، وساعدونا كلنا نستشعر معنى الاسم وأثره في حياتنا.

واتكلمنا كمان عن حديث النبي ﷺ:

"كل أمتي يدخلون الجنة إلا من أبى." قالوا: ومن يأبى يا رسول الله؟ قال: "من أطاعني دخل الجنة، ومن عصاني فقد أبى."

وفي نهاية الجلسة اتفقنا إن كل واحدة فينا هتبحث وتتدبر في معنى قول الله تعالى: ﴿اهدِنَا الصِّرَاطَ المُستَقِيمَ﴾، ونتناقش فيه سوا في اللقاء القادم بإذن الله. 🤍

الحمدلله على يوم مليان تدبر، ومشاركة، وتأملات جميلة.

✨ انتظروا المزيد من فعاليات برنامج أفنان. 🎀💜

25/07/2026

ملخص أسبوعنا في أفنان
الحمد لله أسبوع مليان تعلم، وضحك، ومشاركة 💜🌸

ورشة فنية ✨
مجلس ديني والتعرف على اسم الله "الهادي" 🕌📖
بداية تحدي الصلاة والورد اليومي
أذكار ومتابعة يومية وصلاة جماعة 🤍

أنشطة وألعاب جماعية ⚽
فقرة ترفيهية 🎥

جلسات حوار ومهارات حياتية
ووقت بدون موبايلات عشان نعيش اللحظة مع بعض 📵

كل نشاط بنعمله هدفه إن البنت ترجع البيت وهي اتعلمت حاجة جديدة، واتعرفت على نفسها أكتر، وكونت صحبة صالحة تشجعها على الخير.

شكرًا لثقتكم فينا، ولسه بإذن الله الأسبوع الجاي هيكون فيه أنشطة ومفاجآت أكتر. 💜✨

#جيل #افنان2026

24/07/2026

استكملنا رحلتنا في بندق الأخضر بيوم جديد من أنشطة إعادة التدوير 💛

النهارده أطفالنا استخدموا البرطمانات القديمة، وحولوها لبرطمانات مضيئة شكلها مميز ومختلف 👀

وبين النشاط واللعب، استمتعنا بوقت مليان حماس مع لعبة الجاسوس، وكانت من أكتر الفقرات اللي الأطفال اندمجوا فيها

ودي كانت شوية من أجواء يومنا مع البنادق الصغيرين ✨
#جيل #بندق

21/07/2026

الذكريات الحلوة مش بتتعمل لوحدها
بتتعمل مع صحبة جميلة وتجارب ممتعة 💛

وده كان يومنا في رحلة بندق، يوم صيفي مليان بهجة، وضحك، ولحظات جميلة شاركناها سوا مع البنادق الصغيرين✨

سيبنالكم شوية من أجواء الرحلة 📸
#جيل #بندق

19/07/2026

بعد شهر مليان مغامرات، أنشطة، وحماس
جاهزين نبدأ الشهر التاني من برنامج بندق؟ 💛

الحمد لله، استمتع أطفالنا برحلة جميلة، وعشان كده متحمسين نبدأ شهر جديد مليان لحظات حلوة وتجارب مفيدة بإذن الله ✨

لو نفسك طفلك يقضي الإجازة في مكان يستمتع فيه، ويتعلم، ويكون ذكريات جميلة مع أصحابه فمستنيينكم في الشهر الثاني من برنامج بندق 🌰

أنشطةمتنوعة، ألعاب وتفاعل،
قيم ومهارات تناسب عمر الأطفال
وأجواء ممتعة تخلي الإجازة لها معنى

الاشتراك: 450 جنيه

📌 الأماكن محدودة، والحجز بأسبقية التسجيل

للحجز والاستفسار ابعتولنا رسالة، واحجزوا مكان طفلك قبل اكتمال العدد 📩

#جيل #بندق

Address

شارع نفرتيتي
Minya

Telephone

+201017130850

Website

facebook.com

Alerts

Be the first to know and let us send you an email when جيل posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to جيل:

Want your establishment to be the top-listed Arts & Entertainment in Minya?

جيل