14/12/2025
Nagwa Gamal Mohamed
ف وسط الهيصة والدوشة وعز خناقة الايام
بتظهر هي كالبسمه وتملى حياتى بالاحلام
بتسحب كل اوجاعي
بتمسح دمع جوا الجوف
بتشفي جروحي وتداوى
بتسرق من حياتي الخوف
معاها العمر صار فرحان
وروح القلب هي وبس
ومش ممكن ابات زعلان
هموم الدنيا نص ونص
حياتي بكل ملامحها كانت ف الأصل معوجه
وكل الحب والاحساس كان متشال مع نوجه
انا من وقت ما عرفتك وحتي الصعب أصبح سهل
كأن حلولى للازمات متنفعشي وعند عنيكي بس الحل
بنصحي الصبح ف نصبح ع روح الجميل ف الأصل
ويجي الليل تكون أجمل ويتمشي القمر ع مهل
ونفضل من هنا ورايح لحين يظهر ضياء فجرك
ونرسم دنيا بالألوان تفاصيلها ف جمال قلبك
وقلبك عندي زي الماس
جمال شكله
صفاء لونه
وغالي برده ع فكرة
ومش موجود لكل الناس
ف وقت ما كنت محتاجك لقيت ضهر
وكملتى ف حياتي حاجات هتفضل باقية طول العمر
انا لو فيا شيء طيب اخدته ف كونى وياكِ
انا لو نفسي شيء يحصل يطول العمر ف رضاكِ
وتكمل فرحتي ف قلبي وتفضل عيني شيفاكِ
بحبك رغم تقصيري ف كوني قريب
بحبك وانتي شيفاني صديق وحبيب
حياتي معاكي دى الاحلي
ومن قبلك كانت اوهام ♥️♥️♥️💍
