25/04/2026
#العصبي
بتعصب من أي شيء غبي
فـ حاجات نعمة إننا منعرفهاش
ما أجمل الجهل على كوكبي!
جربنا نسأل نفسنا إيه اللي ضاع..
صياح .. مبقتش قادر
مبقتش فاهم ليه الصراع؟
الصح بَيِّن
وعكسه بَيِّن
فـ ليه نزين
حبرنا فوق المعاني؟
كُلها بتعاني
حتي الطريق نطق "رجلي وجعاني"
كلها بتعيط
كلها بتخيط جرحها بخيط الأماني.
غلفت أحزاني بالضحك الاستمناني ..
خلاص ، مفيش حاجة وجعاني.
حتي الإخلاص اللي أذاني
حتي الفهم أبو سهم أناني
صاب إدراكي
خلي حراكي
خطوة سُلحف
جايلكوا بحلف إني بخير
جايز عصبي
وإني بضر جهازي العصبي
ما أنا كان لازم أعصر قصبي
وأشرب مُري
يا فكرة مُرّي..
ضُرّي وسرى بالمعلومة
شخص يكون سُرته مكتومة
يكظم غيظه
وميسمحش لحد يغيظه
حتى إن قال كلمات معسولة
في طي عسلها معاني مسمومة.
ُر
