بَرِيْقْ

30/10/2025

السلام عليكم ورحمة الله وبركاته
صباح الخير يا شباب

لما تيجي سيرة حد قدامك بكلام مش حلو، بَدِّل اسم الشخص دا بـ اسمك فورًا وحط نفسك مكانه وشوف هتحس بإيه!

أكيد هتتمنى اللي بيسمع يرد عنك الغيبة دي..
قال ﷺ: "لَا يُؤْمِنُ أحَدُكُمْ، حتَّى يُحِبَّ لأخِيهِ ما يُحِبُّ لِنَفْسِهِ."

هتحب حد يتكلم عليك بسوء أو يطعن في عِرضك أو يسيء الظن بك؟!

وعشان تتخلص من عادة الكلام على الناس أو السكوت عليه، اعمل كدا في كل مرة تكون فيها في قعدة ويحصل فيها غيبة..
حط نفسك مكان الشخص دا، ودافع عنه، ونبّه الشخص المُغتاب..
ولو رفض سيب القعدة وامشي؛ عشان متاخدش نفس ذنبهم.
وحاسب نفسك عليها دائمًا؛ لأنها من كبائر الذنوب، وحقوق للعباد في رقبتك.

29/10/2025

السلف الصالح و استغلال الوقت : كان الوقت هو رأس مال المؤمن، كان السلف رضوان الله عليهم بيحسبوا الوقت بالنفس اللي بيتنفسوا وفى آية فى القرآن الكريم بتتكلم على النقطة دى قال تعالى{ فَلَا تَعْجَلْ عَلَيْهِمْ ۖ إِنَّمَا نَعُدُّ لَهُمْ عَدًّا} مريم-84 نَعُدُّ لهم الأنفاس؛ بعض السلف لما كان بيقرأ الآية كان بيقولوا آخر العدد خروج نَفَسك

°يقال "ان لو ناد منادى من السماء أن القيامة غداً ما زاد حمَّاد بن سلمة فى عبادته شيئا" كان بيجيب آخره فى العبادة
°بن القيم كان يقول "الأوقات تُعَدُّ بالأنفاس".

ختامًا: إن العمر إنما هو أنفاس، فإذا خرج نفس لم يعد، وكل نفس يخرج سنحاسب عليه، فاجعل لسانك رطبًا بذكر الله، واغتنم وقتك فى طاعة الله ورسوله .

29/10/2025

بل عبدٌ يا ربى عبد

28/10/2025