Arkan gallery

08/06/2017

رمضانك مختلف مع أركان
كل سنة وانتم طيبين، بمناسبة الشهر الكريم قررنا نعملكم برنامج رمضان من منتجات جديدة وسهرات رمضانية وسحور وورش عمل

برنامج ورش رمضان هيبقى عبارة عن 3 ورش مميزة في اخر اسبوعين في رمضان

-ورشة رسم الماندلا، هنتعلم مع بعض ازاي نرسم أشكال الماندالا ونلونها مع ماهيناز سليمان، تقدر تعرف اكتر عن مواعيد الورشة وتشوف صور لرسم الماندلا وتحجز مكانك دلوقتي من اللينك ده:
https://www.facebook.com/events/220256945155518

-ورشة الإكسسوارات، اتعلم ازاي تعمل اكسسوارات عربي بأيدك مع د/ زينب مطر، اعرف اكتر عن برنامج الورشة ومواعيدها واحجز مكانك دلوقتي من اللينك ده:
https://www.facebook.com/events/1336053979776575

-ورشة الأوريجامي، هنتعلم تشكيل الورق والتواصل عن طريق الأوريجامي مع د/وسام كريم، تقدر تفهم اكتر ايه هو فن الأوريجامي وتعرف مواعيد الورشة وتحجز مكانك دلوقتي من اللينك ده:
https://www.facebook.com/events/630496707146818

ودلوقتي هتلاقي تشكيلة فوانيس أركان ومجات رمضان بأفضل الأسعار، اختار الفانوس اللي يعجبك وخد كارت خصم في أركان بمناسبة رمضان، ولو لسه ماجربتش سحور أركان اتصل دلوقتي واحجز سحورك في أركان في مود رمضاني مختلف على 01114976389

27/05/2017

كل سنة وانتم طيبين

قررنا في أركان نعملكم سحور بمود رمضاني مختلف عندنا، وقريب هنعلن عن ورش رمضان اللي هتبدأ من تاني اسبوع في رمضان

احجز دلوقتي وجرب سحور أركان، الحجز بالتليفون بعدد الأفراد على 01114976389

13/05/2017

كنا مبسوطين جداً بوجودنا في حفلة شارموفرز، ومبسوطين ان شارموفرز عجبهم سترنج نيل مستر شارموفر

وشكر خاص لMahmoud Ahdy رئيس اتحاد طلاب جامعة قناة السويس

10/05/2017

صباح الخير

اشتري أو اعمل اوردر للوحة مسامير وخيوط من أركان بالشكل أو الإسم اللي تحبه واستفيد بخصم شهر مايو

05/05/2017

عرض جاليري أركان لشهر مايو بمناسبة اللإفتتاح

اشتري ب 400 جنيه أو اكتر من الجاليري وخليك جولدن ميمبر في جاليري أركان 2017 وهتبقى واحد من تلاتة هيحضروا ورشة تعليم الأكسيسوريز أو الكروشيه أو المسامير والخيوط ببلاش، واحصل على خصم 5% في باقي الأركان لاَخر السنة

03/05/2017

رجعنالكم تاني وبنعتذر عن الفترة الأخيرة، جاليري أركان شغال وهنبدأ عروض شهر مايو بمناسبة الإفتتاح

أول عرض هو عرض الفري سبيس، فري سبيس أركان هو المكان اللي هيوفرلك الهدوء والمود المناسب عشان تقعد تذاكر أو تشتغل أو تقرا أو حتى ترسم، وانت قاعد على البين باجز اللي قعدتها أريح ومختلفة، الفري سبيس بتاعتنا فيها مكتبة تقدر تقرا اي كتاب منها وانت قاعد، وأكيد فيه خدمة واي فاي

كمل 10 ساعات في فري سبيس أركان في شهر مايو، وخليك جولدن ميمبر لاَخر 2017 واحصل على ساعة من عندنا ومشروب على كل ساعتين هتقعدهم عندنا، وخصم 5% على منتجات جاليري أركان وكورسات قاعة الإجتماعات والورشة

23/04/2017

انهارده هنكلمكم على حاجة من الحاجات اللي بنشتغلها في جاليري أركان وهي الرسم بالمسامير والخيوط، أو string nail art

فن الرسم بالمسامير والخيوط هو فن كلاسيكي بيعتمد على الخيوط والمسامير وألواح خشبية، الرسم بالمسامير والخيوط في الأول هيبانلك انه فن يقدر أي حد يتعلمه وينفذه بسهولة، بس في الحقيقة الموضوع مش بسيط أوي كده وبياخد مننا وقت ومجهود كبير عشان نقدر نطلعلكم لوحة بشكل مميز وجديد

المميز انك عشان تشتري لوحة مسامير وخيوط من أركان مش لازم تشتري واحده من اللوح الجاهزة عندنا
انت تقدر تعمل أوردر بالشكل اللي تحبه أو حتى بإسم شخص معين لو عايز تجيبله هدية، ولو محتار الأفكار عندنا كتير

سيرش على string nail art وقولنا ايه اكتر لوحه عجبتك فكرتها

في شهر مايو تقدر تشتري أي لوحة مسامير وخيوط من أركان جاليري بخصم 5% بمناسبة اللإفتتاح، هنستناكم

22/04/2017

شكراً ل My Puffy - Bean Bags

احنا سعداء جداً اننا موجودين فى Arkan gallery فى محافظة الاسماعيلية

08/04/2017

من افتتاح جاليري أركان
6/4/2017

من افتتاح جاليري أركان
6/4/2017
شكرأ لكل الناس اللي كانوا جزء من اليوم ده

06/04/2017

هنستناكم انهارده في أفتتاح أركان

صور نفسك في الركن المفضل ليك بهاشتاج ولما تيجي تاني هتلاقي صورتك موجودة في الركن بتاعك ;)

05/04/2017

"أركان" هو أول artspace في الاسماعلية.

ليه "أركان"؟ عشان احنا عندنا 4 أركان..

الجاليري.. وده ركن هتلاقي فيه كل حاجة handmade إكسسورات وهدايا وتحف وديكور.

Freespace ركن هادي و بسيط عشان تذاكر أو تشتغل أو حتى تضيع وقتك في أي حاجة، هتلاقي فيه انترنت سريع، وخدمة مميزة لو احتاجت تشرب حاجة

Workspace وهو ركن مخصص للورش و الكورسات، في الركن ده ممكن تتعلم رسم واكسيسوريز وحاجات كتير handmade, وممكن انت تعمل فيه الورش و الكورسات بتاعتك او حتى اجتماعات الشغل وهتلاقي المكان مجهز لده في أي وقت

Workshop و ده بقى الركن اللي هيخليك تطلع كل الأفكار والإبداع اللي جواك.. ده المكان اللي بنشتغل فيه، ورشتنا فيها شوية أدوات بنصنع بيها شغلنا ممكن لو عندك أي أفكار لشغل handmade تيجي تعمله عندنا لو معندكش مكان او أدوات عشان تنفذ فكرتك.

*متنسوش الافتتاح يوم الخميس 6\4 و العنوان ميتوهش..
13 شارع المطرية و النيل عرايشية مصر
الدور الاول امام معمل القناة للتحاليل.