27/01/2023
"واحده بتحكيلي وبتقول: صاحبتي من تانية ابتدائي لحد ما اتخرجنا واتجوزنا كمان اتنين صحاب، في يوم اتسرق مني دهب و ٧٥ ألف جنيه من المحل، مكنتش مصدقة عينيا والشرطة نازلة بيهم من بيت صاحبة عمري اللي كانت لما تشوفني جاية من عند الدكتور تقولي هاتي يا حبيبتي الروشته أجيبلك العلاج عشان انتي قلبك واجعك والصدمه إني لما ماحسيتش بتحسن بالعكس تعبت أكتر وروحت للدكتور قالي انتي بتاخدي علاج غلط بيضعفلك عضلات القلب" !!
الحلقة كانت عن حدود الصداقة ..
ماتقربش حد منك أوي، ماتعرفش حد أسرارك، متآمنش لحد بزيادة، ماتنخدعش في الناس بسهولة، مش كل اللي بيقولك بحبك حُبه صادق، ولا كل اللي بيقولك خايف عليك مابيكدبش، الأذى مابيجيش غير من القريبين لأنهم أكتر ايد ممكن تطولنا عشان كده اتعود تخلي مسافة آمنه بينك وبين أي حد .. الشمس بعيده بس جميلة ومنورة الدنيا لو قربنا منها أكتر من كده هنتلسع .. خلي ده مبدأك مع الناس، أنا بحبك فعلا وهصدق انك بتحبني، لكن هيفضل بينا مسافة كده عشان لو لسعتني مااتحـ ـرقش منك وعليك.
