07/10/2026
معلش انا ليا راي تاني في اللي حصل مع ماجي بصراحه انا معرفهاش شخصيا وربنا يقومها بالسلامه بس
انا مش مع اللي حصل خالص في امهات مضغوطه اكتر منها ومفيش عندهم اهل ولا اصحاب وبينزلو يجرو عشان يصرفو على عيالهم ولا في اب بيصرف ولا في سند وبتبقى الست قايمه بالدورين وسعات كتيير بيبقى الام والاب متوفيين كمان ومفيش اخوات ولا الاب اللي مبهدلها في المحاكم ومش فارق معاه عيالو او موجود ومش شايل مسئوليه سعات الواحده بتوصل لمرحله صعبه بس متخلوش نفسكو ضعيفه خليكي قويه واصبري واحتسبي عن ربنا وبالنسبالي مفيش اغلى من الام والاب والضنى
ومفيش حاجه توجعك او تزعلك زي فراق او تعب حد فيهم
انما تروحي ترمي نفسك والهبل ده مهما كان الضغط النفسي قربي من ربنا عارفه ان الحامل بتبقى نفسيتها مش حلوه بس خافي على ولادك على اللي في بطنك لو حصلك حاجه مين هياخد بالو منهم احنا بقينا في زمن وحش وكلو بياكل في كلو
لو حد قال عليكي حاجه وجه عليكي او ظلمك ربنا موجود هيجبلك حقك انما ترمي نفسك ده هبل هتموتي كافره وهتسيبيلو العيال وهيجوز غيرك وخلاص
انما كل الناس تعمل منها بطله لا خالص يابنات ده غلط اللي انتو بتعملوه ده هيشجع كل البنات تعمل زيها
حد بيهددها تروح تعملو محضر والقانون هيجبلها حقها ولو مجابش ربنا مبيسبش حق مظلوم ربنا موجود ولو اطلقتي ده مش اخر الدنيا بالعكس ممكن يكون ربنا كاتبلك حاجه احسن ممكن تبقى راحه نفسيه ليكي ربنا شايف حجات انتي مش شيفاها وبقول لكل بنت عندي متقلديش الغلط ومتعملوش الغلط وتقولو اصل نفسيتنا وحشه اصل الدنيا جايه علينا
كلنا كده بس كل واحد بطريقه فحمدو ربنا على نعمو ومتبصوش لحياه حد وخلي كل واحد باصص في ورقتو وربنا هيرزقكو بالاحسن وطول ما انتو راضييين على عيشتكو ونعم ربنا عليكو ربنا هيكرمكو واللهي
